BREAKING NEWZ,UWANJA WA NDEGE YAATANGAZWA HALI YA KUTOKUWA SALAMA
Ndege ya shirika la ndege la Malawi
Mamia ya wasafiri wamekwama
katika uwanja wa kimataifa wa ndege mjini Blantyre, Malawi baada ya
uwanja huo kusemekana kutokuwa salama.
PENZI LA MR BLUE LAENDELEA KUMTESA NAJ
Msanii wa Muziki wa Kizazi Kipya ambaye huwa anaishi na kufanya Kazi
nchini Uingereza Naj amefunguka kuwa Tangu aachane Mr Blue zaidi ya
Mwaka mmoja na miezi kadhaa iliyopita hajawahi kukutana na Mwanaume na
wala hajawahi kumpenda mwanaume yeyote, Naj amefunguka hivi karibuni
kabla hajaelekea U.K akaendelea kunitiririkia kuwa alikua na Mr Blue kwa
miaka mitano na ikaishia kwa yeye kukimbiwa na Blue akamkana hadharani
na kuanzisha mahusiano na mwanadada mwingine hali iliyomhuzunisha na
kujutia muda wake, Naj akamalizia kwa kuniuliza Je angeutumia muda huo
kwa kupiga kazi si angekua mbali sana? kwa hiyo sasa hivi anacho angalia
ni kazi tu kwa kwenda mbele, yuko singoooooooooooooo,
VODACOM Tanzania yatoa msaada ya Miavuli 20 kwa Jeshi la usalama Barabarani
Mkaguzi
Msaidi wa usalama barabarani kanda ya Kinondoni ,Byego Marwa akipokea
msaada wa miamvuli(20)kutoka kwa Menaja Uhusiano wa Umma wa Vodacom
Tanzania Matina Nkurlu, msaada huo utawawezesha askari wa usalama
barabarani kujikinga na mvua wakiwa katika maeneo ya kazi,wanaoshuhudia
wa pili kutoka kulia ni Tumaini Kimaro, Simoni Lugangila na Emmanuel
David. Hafla hiyo ilifanyika katika kituo cha Polisi Oysterbay jijini
Dar es Salaam mwishoni mwa wiki.
Menaja
Uhusiano wa Umma wa Vodacom Tanzania Matina Nkurlu(kushoto)akifungua
mmoja ya miamvuli(20)kabla ya kuikabidhi rasmi kwa Mkaguzi Msaidi wa
usalama barabarani kanda ya Kinondoni ,Byego Marwa(kulia) msaada huo
utawawezesha askari wa usalama barabarani kujikinga na mvua wakiwa
katika maeneo ya kazi. Hafla hiyo ilifanyika katika kituo cha Polisi
Oysterbay jijini Dar es Salaam mwishoni mwa wiki.
Mbunge
wa Viti Maalum-Chadema, Rose Kamili akiwa
Hospitali ya Mkoa wa Iringa, ambapo mbunge huyo alimwelezea Mwenyekiti
wa Chadema na Mbunge wa Hai Mh Freeman Mbowe(hayupo Pichani)namna
alivyotekwa, kuteswa na watu aliodai kuwa ni vijana wa kikosi cha ulinzi
cha
Chama Ch Mapinduzi (CCM), Green Guard.
Mwenyekiti wa Chadema na Mbunge wa Hai Mh Freeman Mbowe
akimjulia hali na kumsikiliza Mbunge wa Viti Maalum-Chadema, Rose Kamili akiwa
Hospitali ya Mkoa wa Iringa, ambapo mbunge huyo alimwelezea kiongozi huyo namna
alivyotekwa, kuteswa na watu aliodai kuwa ni vijana wa kikosi cha ulinzi cha
Chama Ch Mapinduzi (CCM), Green Guard.
Mwenyekiti Mh Freeman Mbowe
akisikiliza maelezo kutoka kwa Mbunge wa Kawe (CHADEMA), Halima Mdee, namna
ambavyo Mbunge Rose Kamili alikuwa akiendelea kupata matibabu katika hospitali
hiyo.
Mwenyekiti Mh Freeman Mbowe akizungumza na waandishi wa habari juu ya tukio la kutekwa na
kuteswa kwa Mbunge wa Viti Maalum, Rose Kamili lililotokea jana usiku katika
Kijiji cha Kitawaya, Kaa ya Luhota, jimboni Kalenga, wakati alipokuwa
akizungumza na mawakala wa CHADEMA, ambapo imedaiwa kitendo hicho kilifanywa na
vijana wa ulinzi wa CCM.
Picha Kutoka Kampeni Za CCM Chalinze:Mgombea Ubunge kwa tiketi ya CCM Jimbo la Chalinze,Ridhiwani Jakaya Kikwete Kweli Amedhamiria Kuwakomboa Wanachalinze
Mgombea
Ubunge kwa tiketi ya CCM katika Uchaguzi Mdogo wa Jimbo la
Chalinze,Ridhiwani Jakaya Kikwete (kulia) akimsikiliza kwa makini
Mlemavu wa miguu,Hamis Ibrahim Mkazi wa Kijiji cha Kwarihombo,ambaye
alikuwa akimuomba Mgombea huyo msaada wa kupatiwa Baiskeli ya kulembelea
kutokana na kwamba aliyonayo imechoka sana.Ridhiwani ameahidi
kumpelekea Baiskeli mpya ya kutembelea Mlemavu huyo.
MOTO WATEKETEZA NYUMBA ZA POLISI TANGA
Nyumba za Askari wa jeshi la polisi zilizopo eneo la chumbageni nyuma ya kituo cha polisi kikuu cha chumbani jijini Tanga zaungua moto.
NDOTO ZA BANDARI MPYA YA MBEGANI YAKAMILIKA
Meneja
Miradi wa Mamlaka ya Bandari Tanzania, Bw. Alexander Ndibalema (Kulia
aliyesimama) akizungumza katika kikao cha pamoja kati ya Timu ya Ukaguzi
wa Miradi ya Maendeleo kutoka Ofisi ya Rais, Tume ya Mipango,
wawakilishi wa wanavijiji vya Mradi wa Bandari Mpya ya Mbegani na Timu
ya Uthamini wa Ardhi wa eneo la mradi. Waliokaa viti vya mbele ni
viongozi wa Timu ya ukaguzi, Bibi Florence Mwanri (Wapili Kulia) na
Prof. Longinus Rutasitara (Watatu Kulia). Kushoto ni Mratibu wa ziara
hiyo, Bibi Salome Kingdom.
Mmoja
wa viongozi wa Timu Ukaguzi wa Miradi ya Maendeleo kutoka Ofisi ya
Rais, Tume ya Mipango, Bibi Florence Mwanri (Kulia) akizungumza katika
mkutano huo.
Ajali kwenye Mlima kitonga...!
Baadhi ya
abiria wa kutoka sehemu mabalimbali wakisubiri lori lililoziba barabara
kuondolewa baada ya kupata ajali ya kugongana na lori jingine kwenye
mlima Kitongo. Ajali hiyo imesababisha magari mengi kuweka kambi kwa
muda wa zaidi ya saa nne.
WAZIRI WA AFYA DKT. SEIF RASHID AMUWAKILISHA WAZIRI MKUU MIZENGO PINDA KATIKA SIKU YA UTEPE MWEUPE TANZANIA MKOANI RUKWA
Waziri
wa Afya na Ustawi wa Jamii Dkt. Seif Rashid akiwa katika zoezi la
ukaguzi wa mabanda mbalimbali yaliyoandaliwa kwa ajili ya kutoa elimu na
huduma za mama wajawazito na watoto wachanga katika maadhimisho ya siku
ya Utepe Mweupe Tanzania yaliyofanyika kitaifa Mkoani Rukwa katika
Tarafa ya Mtowisa. Dkt. Seif Rashid alimuwakilisha Waziri Mkuu wa
Jamhuri ya Muungano wa Tanzania Ndugu Mizengo Kayanza Peter Pinda ambae
awali alikubali kushiriki maadhimisho hayo ambapo amekabiliwa na
majukumu mengine ya kitaifa. Kushoto kwa Dkt. Seif Rashid ni Mratibu wa
Taifa wa Utepe mweupe Mama Rose Mlay. Kauli Mbiu ya maadhimisho hayo
ikiwa ni “WAJIBIKA MAMA AISHI”
Waziri
wa Afya na Ustawi wa Jamii Dkt. Seif Rashid akihutubia katika
maadhimisho hayo ambapo aliwapongeza wadau wote wanaopigania na kusaidia
afya ya mama na watoto na kuahidi kutoa kipaombele katika bajeti kwa
ajili ya kusaidia kuokoa maisha ya mama wajawazito na watoto nchini.
Aidha amezitaka Halmashauri nchini kutoa kipaombele kwa kuongeza bajeti
zao katika kuhudumia afya ya mama wajawazito na watoto wachanga.
MAJI YAVUNJA NDOA PEMBEZONI MWA ZIWA TANGANYIKA,SOMA ZAIDI HAPA
Imefahamika kuwa,Ukosefu wa Maji kwa wakazi wa
Mwambao wa Ziwa Tanganyika Mkoa wa Kigoma limekuwa sugu ,hali inayosababishia
wanawake wanaoishi katika vijiji husika
kuvunjika kwa ndoa zao .
Changamoto hiyo inayowakabili wakazi hao inatokana
na viongozi husika kutokuwajibika ingawa vijiji hivyo vipo pembezoni mwa ziwa Tanganyika
hali inayochangia jamii iwe sehemu ya uchafuzi wa mazingira ya ziwa hilo lenye
rasilimali ya madini ya gesi,samaki ,dagaa wa aina mbalimbali.
Mkazi wa Kalalangabo, Kabwe Mzee alisema
kumekuwa na mgogoro wa mahusiano
hasi kati ya mke na mume kwa kuwekeana dhana potofu kuwa huenda mkewe hakuwa
kisimani kusubiri maji na hivyo kupelekea ndoa zao kuvunjika.
MAN UNITED WAKALISHWA 3-0 NA LIVERPOOL OLT TRAFFORD, GERRARD ALMANUSRA APIGE HAT-TRICK!!
LIVERPOOL
kwa mara ya kwanza ndani ya miaka mitano iliyopita wamepata ushindi
katika dimba la Old Trafford baada ya kuwafumua wenyeji Manchester
United mabao 3-0.
Nahodha
mashuhuri wa Liverpool na timu ya Taifa ya Uingereza, `Mr. Liverpool`,
Steven Gerrard alifunga mabao mawaili, huku bao la tatu likitiwa
kambani na Luis Saurez.
Gerrard
alifunga kwa penati dakika ya 34 baada ya Rafael kuushika mpira kwa
mkono, na alifunga penati nyinginie dakika ya 46 kufuatia Phil Jones
kumfanyia madhambi Joe Allen eneo la hatari.
Nyota
huyo wa England angefunga mabao matatu `Hat-Trick` katika dimba la Old
Trafford tangu mwaka 1936 endapo angefanikiwa kutia kambani penati ya
tatu waliyopewa dakika ya 79 baada ya Nemanja Vidic kumfanyia
madhambi Daniel Sturridge, lakini alikosa penati hiyo.
Vidic
alitolewa nje kwa kadi nyekundu, lakini penati ya tatu inaonekana
haikuwa halali kwani Sturridge alionekana katika video akimdanganya
mwamuzi na kushinda janja yake.
Kikosi
cha Man Utd leo: De Gea 6, Rafael 5,Jones 5, Vidic 5, Evra 5.5,
Fellaini 5 (Cleverley 76, 6), Carrick 5, Mata 4.5 (Ferdinand 87),
Rooney 4.5, Januzaj 5 (Welbeck 76, 6), Van Persie 4.5.
Kikosi
cha Liverpool: Mignolet 7, Johnson 7, Skrtel 8, Agger 7.5, Flanagan
7.5, Henderson 7.5, Gerrard 8.5 (Lucas 87), Allen 8, Sterling 6
(Coutinho 72, 6), Sturridge 8, (Aspas 90+1), Suarez 8.
Hawaamini: Luis Suarez akishangilia bao la tatu alilofunga katika ushindi wa 3-0 uwanjani Old Trafford
WAZIRI MAJI MH JUMANNE MAGHEMBE AZINDUA RASIMI WIKI YA MAJI KITAIFA MKOANI DODOMA
Waziri
wa maji Jumanne Maghembe akipata maelezo kutoka kwa mtalamu kutoka
nnchini Australia Eng Johann Fabach kuhusu bomba lililo tengenezwa kwa
teknolojia ya kisasa nchini Australia ambalo haliharibiki kwa urahisi
wala kupata kutu kulia ni mkurugenzi msaidizi wa kutoka Prima Business
ya nchini Australia Bibi Annastella Baradyana maonyeshohayo yanafanyika
katika uwanja wa Jamuhuri Mjini Dodoma.
Ofisa
Habari wa Dawasa Neli Msuya akitoa maelezo kwa waziri wa Maji Jumanne
Maghembe kuhusu shughuli zinazo fanywa na Dawasa mjini . Picha na chris
Mfinanga
RAIS KIKWETE APOKEA UJUMBE MAALUM KUTOKA KWA RAIS ZUMA WA AFRIKA KUSINI LEO IKULU, DAR ES SALAAM
UNITED
REPUBLIC OF TANZANIA
DIRECTORATE
OF PRESIDENTIAL COMMUNICATIONS
Telephone: 255-22-2114512, 2116898
E-mail: ikulumawasiliano@yahoo.com
Fax: 255-22-2113425 |
 |
PRESIDENT’S OFFICE,
THE
STATE HOUSE,
P.O. BOX
9120,
DAR
ES SALAAM.
Tanzania.
|
TAARIFA
KWA VYOMBO VYA HABARI
Rais wa Jamhuri ya
Muungano wa Tanzania, Mheshimiwa Jakaya Mrisho Kikwete leo, Jumapili, Machi 16,
2014, amepokea ujumbe maalum kutoka kwa Rais Jacob Zuma wa Afrika Kusini.
Ujumbe huo wa Rais
Zuma umewasilishwa kwa Rais Kikwete na Waziri wa Mambo ya Nje wa Afrika Kusini,
Mheshimiwa Maite Nkoana-Mashabane wakati mama huyo alipokutana na kufanya
mazungumzo na Rais Kikwete, Ikulu, Dar Es Salaam.
Mara baada ya
kuwasilisha ujumbe huo, viongozi hao wamejadili masuala yanayohusu uhusiano
kati ya Tanzania na Afrika Kusini na masuala ya kikanda ambako nchi zote mbili
ni wanachama wa Jumuia ya Maendeleo Kusini mwa Afrika (SADC).
Mheshimiwa Nkoana-Mashabane amendoka nchini mara baada ya kuwa amewasilisha ujumbe huo kwa Rais Kikwete.
Imetolewa na;
Kurugenzi ya Mawasiliano ya Rais,
Ikulu,
DAR ES SALAAM.
16 Machi,2013
GODFREY MGIMWA AIBUKA KIDEDEA UCHAGUZI WA KALENGA NI USHINDI WA KISHINDO MATOKEO YA AWALI
Godfrey
Mgimwa akibebwa juu juu na wanachama na wapenzi wa CCM baada ya matokeo
kuonyesha ameshinda kwa kishindo katika uchaguzi mdogo wa jimbo la
Kalenga leo.
Azam FC Vs Coastal Union jana.
Katibu
Mkuu CCM,Naibu Katibu Mkuu CCM-Bara na Mgombea wa CCM Jimbo la Kalenga
wakiingia kwenye Uwanja wa Mkutano Kata ya Nzihi Jimbo la Kalenga,Pia
walichukua muda kusalimiana na Wananchi wa Kata ya Nzihi waliokuwa na
Shauku ya Kusikia maneno ya Viongozi hawa wa Chama Cha Mapinduzi.
Watanzania
wanne (mwanaume mmoja na wanawake watatu) wamekamatwa na kilo 2.2 za
heroin kwenye Uwanja wa Ndege wa Kimataifa wa Jomo Kenyatta (JKIA).
YANGA SC CHUPUCHUPU KUPATA AJALI MBAYA, BASI LAO LANUSURIKA KUPINDUKA ILIKUWA NI MBILINGE YA KUTOKEA MADIRISHANI ASUBUHI YA LEO MIKESE
 |
| Hatari; Kocha Mkuu wa Yanga SC, Mholanzi Hans van der Pluijm akiruka dirishani kutoka kwenye basi la timu hiyo baada ya kunusurika kupinduka asubuhi ya leo eneo la Mikese, Morogoro wakati wakijaribu kukwepa basi la abiria. Yanga SC ilikuwa inatokea Morogoro ambako jana ilicheza mechi ya Ligi Kuu ya Vodacom Tanzania Bara dhidi ya wenyeji, Mtibwa Sugar na kutoka sare ya bila kufungana. |
 |
| Basi la Yanga likiwa limeinama upande mmoja baada ya kukwepa basi la abiria. Hakuna aliyeumia na timu imeendelea na safari ya kurejea Dar es Salaam baada ya mkasa huo |
MTATIRO: KUMPA JAJI WARIOBA DAKIKA 60 ILI AWASILISHE RASIMU YA KATIBA NI JAMBO LISILO HAKI, NI KINYUME KABISA NA KANUNI ZA BUNGE TULIZOPITISHA NA NI KULIBURUZA BUNGE MAALUM LA KATIBA
Kanuni ya 47(a) ya bunge maalum la
katiba inaeleza kuwa "Mwenyekiti(wa bunge maalum la katiba) baada ya
kushauriana na Mwenyekiti wa Tume(ya mabadiliko ya katiba) watapanga
muda unaofaa kwa ajili ya Mwenyekiti wa Tume(ya mabadiliko ya katiba)
kuwasilisha Rasimu ya Katiba katika Bunge Maalum"
Jambo la ajabu ni kuwa, jana
jumamosi, mhe. Samweli Sitta(namheshimu sana) ametangaza kuwa, siku ya
kesho jumatatu jioni Mwenyekiti wa Tume ya Mabadiliko ya Katiba
ATAWASILISHA RASIMU KWA MUDA USIOZIDI DAKIKA 60.
BREAKING NEWSSS!!! SOMA HAPA AJIRA MPYA YA WAALIMU WAPYA KWA AJILI YA SHULE ZA MSINGI NA SEKONDARI MWAKA 2013/14
OFISI YA WAZIRI MKUU TAWALA ZA MIKOA NA SERIKALI ZA
MITAA (OWM - TAMISEMI)
AJIRA MPYA YA WALIMU WAPYA KWA AJILI YA SHULE ZA
MSINGI NA SEKONDARI MWAKA 2013/14.
WANANCHI WAILALAMIKA KUWA SERIKALI HAIJAWALIPA FIDIA KUWEZA KUPISHA UJENZI WA UWANJA WA KIMATAIFA TANGA.
NA OSCAR ASSENGA,TANGA.
BAADHI ya Wakazi waliokuwa wamejenga katika eneo ambalo shirikisho la soka nchini kwa kushirikiana na shirikisho la soka duniani (FIFA) wanatarajiwa kujenga uwanja wa Kimataifa wamelalamika kuwa serikali bado haijawalipa fidia ili kuweza kupisha ujenzi wa uwanja huo.
Hatua ya wakazi hao inatokana na kuona Rais wa Shirisho la soka nchini (TFF)Jamali Malinzi akitembelea uwanja huo na kuanza mikakati ya ujenzi wa uwanja huo ambao unatarajiwa kugharimu mabilioni ya fedha za kitanzania.
Wakizungumza katika nyumba zao wanazoishi ndani ya eneo la shirikisho hilo lililopo Mnyanjani jijini Tanga baadhi ya waathirika hao ambao wengi wao ni akina mama Christina Lucas alisema wamekuwa wakihangaikia fidia kila kukicha kwenye ofisi ya mkuu wa wilaya ili waweze kupisha ujenzi wa uwanja wa kimataifa bila mafanikio yoyote.
Subscribe to:
Posts (Atom)