WANAWAKE mkoani hapa
wametakiwa kutoa taarifa kwa jeshi la polisi dawati la unyanyasaji
kuhusiana na vitendo hivyo vinavyoendelea katika jamii zao.
Naibu
Waziri Maendeleo ya Jamii Jinsia na Watoto Ummy Mwalimu, alitoa kauli hiyo mwishoni mwa wiki kwa niaba ya Mke wa Waziri Mkuu Mama Tunu Pinda katika uzinduzi wa
mtandao wa kupinga ukatili wa
kijinsia.
Naibu waziri huyo alisema kuwa
nchi yetu inakabiliwa na changamoto kubwa ya vitendo hivyo vya kikatili na hivyo kutotolewa
taarifa sehemu husika.
Aidha
alisema kuwa asilimia 39 ya wanawake kati ya tisa, sita wamekuwa wakifanyiwa ukatili wa kijinsia lakini
wamekuwa na woga wa kutoa taarifa katika madawati ya jeshi la polisi ili kuweza
kusaidiwa kwa namna moja au nyingine.
“Tatizo
wanawake wamekua awatoi taarifa za unyanyasaji sehemu husika ilikuweza kusaidi wa hivyo basi
inapelekea vitendo hivi kuendelea kuiangamiza jamii"alisema Naibu Waziri Ummy
Alisema pia
kuna baadhi ya watuhumiwa wa vitendo vya
unyanyasaji kwa watoto wa kike kutumia nguvu ya fedha kurubuni familia ili
wasifike mahakamani kutoa ushaidi wa kesi hizo.
Sambamba na
hayo alisema kuwa kupinga
unyanyasaji wa kijinsia ni vema kama watawashirikisha pia na wanaume kwa kuwapa elimu hiyo
ya unyanyasaji.
Kwa upande
wa mkurugenzi Mtendaji wa taasisi isiyo ya kiserikali Tree Of Hope Fortunata Manyereza
alisema kuwa lengo la kuzindua
mtandao huo ni kupunguza ukatili wa
kuijinsia unaondelea katika jamii zetu.
Manyereza
alisema wamesaidia wanawake wengi kupitia msaada wa kisheria ambapo kesi 30 zipo
mahakamani na tisa wameshinda hivyo tunahakikisha ushirikiano katika suala hilo unyanyasaji.
