WAFANYAKAZI FCC WASHIRIKI MAADHIMISHO YA MEI MOSI JIJINI DAR

Wafanyakazi wa Tume ya Ushindani (FCC) wameshiriki kikamilifu katika Maadhimisho ya Siku ya Wafanyakazi Duniani (Mei Mosi) yaliyofanyika Leo tarehe 1 Mei, 2026 katika Viwanja vya Mnazi Mmoja jijini Dar es Salaam.

NPCC YATOA ELIMU YA UDHIBITI WA SUMU KUVU KITETO

Mkuu wa Kituo cha Taifa cha Kudhibiti Matukio ya Sumu, Yohana Goshashy, akizungumza wakati akifungua mafunzo ya kudhibiti matukio ya sumu kuvu kwa wananchi wa Kata ya Kibaya wilaya ya Kiteto, Mkoa wa manyara (hawapo pichani), mafunzo hayo yamefanyika katika Ukumbi wa Maktaba, mkoani Manyara, Aprili 29, 2026.

WATAALAMU WA MAZINGIRA WATAJWA KUWA NGUZO MUHIMU KUFANIKISHA DIRA YA TAIFA 2050 NA KUCHOCHEA USHIRIKIANO WA KIKANDA**

Na Grace Msungu Dar es Salaam

Naibu Waziri wa Nchi, Ofisi ya Makamu wa Rais – Muungano na Mazingira, Mheshimiwa Kwagilwa Reuben Nhamanilo, amesema kuwa kufikiwa kwa malengo ya Dira ya Taifa ya Maendeleo 2050 kunategemea kwa kiwango kikubwa uwekezaji wa kimkakati katika usimamizi endelevu wa mazingira pamoja na uwezeshaji wa wataalamu wazawa.

WATAALAMU KWENYE MAFUNZO YA KUKABILIANA NA MAAFA WATAKIWA KUYATUMIA KUKABILIANA NA MAAFA.

Na Mwandishi wetu- Dodoma

Mkurugenzi wa Idara ya Menejimenti ya Maafa Ofisi ya Waziri Mkuu Brigedia Jenerali Hosea Ndagala amewataka wataalamu ambao wamepatiwa mafunzo ya kukabiliana na maafa kuyatumia vyema katika  kuzuia, kujiandaa na kukabiliana na kurejesha hali baada ya maafa.

Ameyasema hayo jijini Dodoma wakati akifunga mafunzo ya siku nne  ya kujiandaa na kukabiliana na maafa  kwa  Kamati ya wataalamu , Timu ya kukabiliana na maafa na watumishi wa Kituo cha Operesheni na Mawasiliano ya dharura  (REOCC) Mkoa wa Dodoma.

Brigedia Jenerali Ndagala ameeleza kuwa Awamu ya kwanza ya utekelezaji ilianza katika Mkoa wa Mwanza na Arusha, ambapo hatua za kuanzisha Kituo cha Operesheni na Mawasiliano ya Dharura pamoja na kuimarisha Timu ya kukabiliana na Maafa ilianza kutekelezwa Mikoay a Mwanza na Arusha huku akiongeza kuwa mafunzo hayo yataendelea katika Mikoa yote Nchini.

Sambamba na hilo amebainisha kuwa mafunzo hayo ni  nyenzo muhimu katika kujenga na kuimarisha uwezo wa kitaalamu na kiutendaji kwa watumishi wanaohusika na uendeshaji wa kituo cha Operesheni na Mawasiliano ya Dharura.

Pia ameeleza  kuwa Uanzishwaji wa kituo hicho katika Mkoa wa Dodoma ni hatua muhimu  kwani kitawezeshaufuatiliaji  wa matukio kwa ukaribu, ukusanyaji na uchambuzi wa taarifa kwa wakati, pamoja na kuimarisha mawasiliano kati ya wadau mbalimbali ndani na nje ya Mkoa wa Dodoma na Taifa kwa ujumla ili kuokoa maisha ya watu na mali zao.

Aidha Brigedia Jenerali Ndagala amemshukuru Mkuu wa Mkoa wa Dodoma Bi. Rosemary Senyamule kwa kukubali mafunzo hayo kutolewa katika timu hizo na kuanzisha Kituo  cha Operesheni na Mawasiliano ya Dharura cha Mkoa ambacho kitaunganishwa na Kituo cha Taifa akisema uamuzi huo unaonyesha dhamira thabiti ya uongozi wa Mkoa wa  kuimarisha utayari, mwitikio wa haraka na uratibu madhubuti wakati wa dharura.

DCEA YATEKETEZA EKARI 68 ZA MASHAMBA YA BANGI TABORA

Mamlaka ya Kudhibiti na Kupambana na Dawa za Kulevya (DCEA) kwa kushirikiana na Wakala wa Huduma za Misitu (TFS) pamoja na kamati ya ulinzi na usalama mkoa wa Tabora, imefanya operesheni maalum katika hifadhi ya msitu wa Igombe river iliyopo wilaya ya Uyui na katika hifadhi ya msitu wa Nyahua iliyopo wilaya ya Skonge mkoani Tabora na kufanikiwa kuteketeza ekari 68 za mashamba ya bangi, kukamata gunia 133 za bangi huku watu saba (7) wakikamatwa katika operesheni hiyo.

UTT AMIS YASHIRIKI MEI MOSI, YAHAMASISHA WANANCHI KUWEKEZA MIFUKO YA PAMOJA

NA EMMANUEL MBATILO, DAR ES SALAAM

Mfuko wa uwekezaji nchini, UTT AMIS, umehimiza wananchi kutumia fursa ya kuwekeza katika mifuko mbalimbali ya uwekezaji wa pamoja ili kuongeza thamani ya fedha zao na kupata faida shindani.

DKT.SAMIA ASISITIZA HAKI NA MASLAHI YA WAFANYAKAZI .

Na Mwandishi Wetu, Njombe.




Rais wa Jamhuri ya Muungano wa Tanzania, Mhe. Dkt. Samia Suluhu Hassan, amesisitiza umuhimu wa kulinda haki za wafanyakazi na kuboresha maslahi yao ili kuongeza tija na maendeleo ya taifa.


Akihutubia katika maadhimisho ya Siku ya Wafanyakazi Duniani (Mei Mosi) yaliyofanyika kitaifa mkoani Njombe leo Mei Mosi, Rais Samia amesema Serikali itaendelea kuweka mazingira bora ya kazi pamoja na kuhakikisha mishahara na stahiki za wafanyakazi zinazingatia hali halisi ya uchumi.


“Wafanyakazi ni muhimili muhimu wa uchumi wetu. Serikali yangu itaendelea kusimamia maslahi yenu, ikiwa ni pamoja na kuboresha mazingira ya kazi na kuhakikisha haki zenu zinalindwa,” amesema Rais Samia.


Aidha, ameeleza kuwa serikali itaendelea kufanya maboresho katika sekta mbalimbali ikiwemo afya, elimu na miundombinu, hatua ambayo inalenga kurahisisha utendaji kazi na kuongeza ufanisi kwa wafanyakazi.


Katika hotuba yake, Rais Samia amewataka waajiri kuzingatia sheria za kazi, kutoa mikataba halali na kuhakikisha usalama wa wafanyakazi mahali pa kazi unazingatiwa ipasavyo.


Kwa upande wao, viongozi wa vyama vya wafanyakazi walitumia fursa hiyo kuwasilisha changamoto mbalimbali ikiwemo gharama ya maisha, mishahara midogo na ukosefu wa ajira kwa vijana, wakiiomba serikali kuendelea kuchukua hatua za kuboresha hali hiyo.


Maadhimisho ya Mei Mosi mwaka huu yamebeba kaulimbiu isemayo: “Ulinzi wa Haki za Wafanyakazi, Chachu ya Maendeleo ya Taifa,” yakilenga kuhamasisha usawa, haki na ustawi wa wafanyakazi nchini.


Sherehe hizo zilihudhuriwa na viongozi mbalimbali wa serikali, vyama vya wafanyakazi pamoja na wadau wa sekta ya ajira kutoka maeneo mbalimbali nchini.

EWURA YADHIHIRISHA NIDHAMU NA BIDII KATIKA SIKU YA WAFANYAKAZI DUNIANI

Wafanyakazi wa EWURA wakishiriki maandamano ya Mei Mosi mbele ya Rais, Mhe. Samia Suluhu Hassan.

...

Mamlaka ya Udhibiti wa Huduma za Nishati na Maji (EWURA) leo, Mei 1, 2026, imeungana na wafanyakazi wengine duniani kuadhimisha Siku ya Wafanyakazi Duniani (Mei Mosi), maadhimisho yaliyofanyika kitaifa mkoani Njombe.

Sherehe hizo zilihudhuriwa na Rais wa Jamhuri ya Muungano wa Tanzania, Samia Suluhu Hassan, ambaye alikuwa mgeni rasmi. Katika hotuba yake, Rais Samia amewahimiza waajiri na waajiriwa kote nchini kuendeleza ushirikiano, kuaminiana, na kutanguliza maslahi ya taifa katika utekelezaji wa majukumu yao ya kila siku.

Amesisitiza kuwa Serikali itaendelea kuboresha mazingira na ustawi wa wafanyakazi, huku akiwataka kuongeza bidii na ufanisi kazini. Aidha, alibainisha wazi kuwa Serikali inathamini mchango wa wafanyakazi na itaendelea kuwaunga mkono katika juhudi za maendeleo ya nchi.

Katika maadhimisho hayo, EWURA imewakilishwa na wafanyakazi wake bora kutoka idara na vitengo mbalimbali. Wafanyakazi hao walichaguliwa kwa kura za wenzao kwa kuzingatia vigezo muhimu kama vile utendaji uliotukuka, nidhamu ya kazi, ubunifu pamoja na kujituma kazini.

Wawakilishi hao walishiriki katika maandamano rasmi yaliyopita mbele ya mgeni rasmi, wakibeba mabango yenye ujumbe wa kuhamasisha mshikamano na uwajibikaji kazini.

Ushiriki wao umeonesha dhamira ya EWURA kuendelea kutoa huduma bora kwa wananchi na kuchangia maendeleo ya taifa kwa ujumla.

Wafanyakazi wa EWURA wakishiriki maandamano ya Mei Mosi mbele ya Rais, Mhe. Samia Suluhu Hassan.

Rais wa Jamhuri ya Muungano wa Tanzania Mhe. Samia Suluhu Hassan akiwapungia mkono wafanyakazi wa EWURA, wakati wa maandamano ya Maadhimisho ya Sherehe za Meimosi leo.

WAHITIMU 12 NIT WAHITIMU MAFUNZO YA AWALI YA LUGHA YA KIJAPANI

NA EMMANUEL MBATILO, DAR ES SALAAM

Wahitimu 12 wa Chuo cha Taifa cha Usafirishaji (NIT) wamehitimu mafunzo ya awali ya lugha ya Kijapani, hatua inayolenga kuongeza ujuzi na ushindani wao katika soko la ajira la ndani na kimataifa.

WMA YASHIRIKI MAADHINISHO YA SIKU YA WAFANYAKAZI DUNIANI MEI MOSI

Wakala wa Vipimo (WMA) imeungana na wafanyakazi kutoka katika taasisi na mashirika mbalimbali nchi nzima kuadhimisha siku ya Wafanyakazi Duniani.

Siku ya Wafanyakazi Duniani huadhimishwa kila Mwaka tarehe 1 Mei na kaulimbiu ya Siku ya Wafanyakazi Duniani Mwaka 2026 ni *"Kazi zenye Staha ni Nguzo Imara kwa Maendeleo Endelevu katika Utekelezaji wa Dira ya Taifa 2050".

Wakala imeshiriki katika maadhimisho hayo Kitaifa Mkoani Njombe ambapo watumishi wa Mkoa huo wameongozwa na Afisa Mtendaji Mkuu wa WMA Bw. Alban Kihulla.

Pamoja na ushiriki wa Kitaifa kadharika, WMA imeshiriki kuadhimisha siku ya Wafanyakazi katika ngazi za Mikoa kupitia ofisi za Mikoa za Kivipimo.

Uongozi wa WMA unaendelea kuwahimiza watumishi wake kufanya kazi kwa weledi na kuhakikisha wanatoa huduma sahihi kwa wananchi kwa kusimamia matumizi sahihi ya Vipimo katika sekta mbalimbali.

CRJE–UDSM PARTNERSHIP PUTS STUDENTS TO THE TEST IN REAL-WORLD BRIDGE CHALLENGE

  

Mr. Zhang Cuishan, Deputy General Manager of CRJE

By Prosper Makene 

CRJE (East Africa) Ltd opened the gates of its Mbezi Beach project site on Thursday to host faculty and students from the University of Dar es Salaam’s College of Engineering and Technology (CoET) for a full-day Site Open Day and Youth Bridge Skills Challenge. 

MZUMBE YAUNGANISHA WATAFITI NA JAMII KUKABILI ATHARI ZA TABIANCHI NA CHANGAMOTO ZA MAJI

Farida Mangube Morogoro

Juhudi za kukabiliana na athari za mabadiliko ya tabianchi na changamoto za upatikanaji wa maji zimepata msukumo mpya kufuatia kuimarishwa kwa ushirikiano kati ya watafiti na jamii kupitia mradi wa kimataifa wa ICP Connect na Lab to Life.

Oryx Gas Tanzania Yaimarisha Upatikanaji wa Nishati Safi Kupitia Maduka Maalum

Na Mwandishi Wetu

KAMPUNI ya Oryx Gas Tanzania imesema mkakati wake ni kuendelea kuunga mkono juhudi za Serikali kuhamasisha matumizi ya nishati safi ya kupikia huku pia ikisisitiza umuhimu wa elimu ya mara kwa mara kwa watumiaji ili wawe na uelewa namna bora ya kutumia nishati safi ya kupikia.

WATUMISHI PBPA WAHAMASISHWA KUPIMA AFYA NA KUPATA CHANJO YA HOMA YA INI

 

Daktari Johnson Katanga kutoka Taasisi ya Saratani Ocean Road (OCR) amewahimiza watumishi wa Wakala wa Uagizaji Mafuta kwa Pamoja (PBPA) kujitokeza kupima afya zao na kupata chanjo ya kujikinga na maambukizi ya *ugonjwa wa Homa ya Ini* (Hepatitis B).

Wito huo umetolewa leo wakati wa zoezi la utoaji elimu ya afya, upimaji wa hiari pamoja na utoaji wa chanjo dhidi ya *ugonjwa wa Hepatitis B* lililofanyika katika ukumbi wa PBPA jijini Dar es Salaam.

Akizungumza katika zoezi hilo, Dkt. Katanga alieleza kuwa chanjo ya Hepatitis B hutolewa kwa awamu tatu, ambapo dozi ya kwanza hutolewa *mara* baada ya mhusika kupimwa *na kuthibitika kuwa kuwa hana maambukizi* , dozi ya pili hutolewa baada ya mwezi mmoja, na dozi ya tatu hutolewa miezi sita tangu kupokea dozi ya kwanza.

Alifafanua kuwa chanjo hiyo ilianza kutolewa kwa watoto nchini tangu mwaka 2002 ikiwa sehemu ya chanjo za kawaida zinazotolewa mara baada ya kuzaliwa. Kutokana na hali hiyo, watu waliozaliwa mwaka 2001 na kurudi nyuma wanashauriwa kupata chanjo hiyo endapo hawajawahi kuipata.

Kuhusu dalili, Dkt. Katanga alisema *u* mgonjwa wa homa ya ini mara nyingi haoneshi dalili katika hatua za awali, hali inayosababisha watu wengi kugundua maambukizi wakiwa tayari wameathirika kwa kiwango kikubwa. Alitaja baadhi ya dalili zinazoweza kujitokeza baadaye kuwa ni pamoja na uchovu uliokithiri, maumivu ya tumbo upande wa juu kulia, *macho na ngozi kuwa na rangi ya njano* , kupoteza hamu ya kula, mkojo kuwa mweusi, kinyesi cheupe, pamoja na kuvimba kwa miguu au tumbo.

Aidha, alieleza kuwa maambukizi ya virusi hivyo yanaweza kutokea kupitia njia mbalimbali ikiwemo kutoka kwa mama kwenda kwa mtoto, ~wakati wa kujifungua~ , kujamiiana bila kinga, kugusana na damu au majimaji ya mwili wa mtu mwenye ~yenye~ maambukizi, kushirikiana vitu vyenye ncha kali kama sindano, pamoja na kuongezewa damu iliyoathiriwa.

“Takwimu zinaonesha kuwa takribani watu milioni 254 duniani wanaishi na virusi vya homa ya ini, huku nchini Tanzania kiwango cha maambukizi kikikadiriwa kuwa asilimia 4. Hali hii ~Hii~ inaonesha umuhimu wa kuchukua hatua mapema,” alisisitiza.

Aliongeza kuwa endapo maambukizi hayatagunduliwa mapema, kati ya asilimia 5 hadi 6 ya waathirika huingia katika hatua ya ugonjwa sugu (chronic), hali inayoweza kusababisha madhara makubwa ikiwemo saratani ya ini.

Kwa upande wake, Kaimu Meneja wa Rasilimaliwatu~Utumishi~ wa PBPA, Bw. Matiko Sanawa, alisema kuwa utoaji wa elimu hiyo ni sehemu ya utekelezaji wa maelekezo ya Serikali kupitia Waraka wa Utumishi Na. 2 wa mwaka ~2024~2014 unaosisitiza umuhimu wa kulinda afya za watumishi kazini.

Alisema mwajiri ana jukumu la kuhakikisha watumishi wanakuwa na afya njema ili waweze kutekeleza majukumu yao kwa ufanisi na kuchangia maendeleo ya taifa.

“Tumewaalika wataalamu kutoka Taasisi ya Saratani Ocean Road ili kutoa elimu, kufanya upimaji wa hiari na kutoa chanjo. Hii ni hatua muhimu katika kuhakikisha watumishi wanakuwa na afya bora,” alisema Bw. Sanawa.

Huu ni Mkakati wa Serikali wa kuimarisha huduma za kinga dhidi ya magonjwa yasiyoambukiza na ya kuambukiza, kwa kuhamasisha uchunguzi wa mapema na utoaji wa chanjo.