SHIRIKA la kimataifa linalojishughulisha na kuokoa maisha ya watoto wa shule wanapopita nyumbani kwenda shule na kurudi, Amend Tanzania limewataka madereva wa bodaboda katika jiji la Tanga wasikwepe mafunzo ya usalama barabarani na huduma ya kwanza yanayotolewa na shirika hilo kwa manufaa ya usalama wa watoto. na wasafiri wengine.
Wito huo umetolewa na Afisa Programu wa shirika hilo, Ramadan Nyanza wakati wa kuhitimisha mafunzo ya usalama barabarani na huduma ya kwanza yaliyoandaliwa na shirika hilo kwa waendesha Bodaboda kutoka Shakamai wapo Kata ya Magaoni Jijini Tanga.
Nyanza alisema mafunzo hayo yanayotolewa chini ya Mradi wa usalama barabarani wa shirika hilo kwa ufadhili wa theb Serikali ya Uswisi kupitia Foundation Botnar yanatolewa bila malipo kwa lengo la kuongeza uelewa wa sheria za barabarani na njia bora za madereva wa Bodaboda kutoa mafunzo ya huduma ya kwanza.
Nyanza alisema shirika hilo ambalo pia limejenga Miundombinu ya usalama barabarani katika barabara kadhaa wanazovuka watoto wa shule linalenga kuwafikia waendesha Bodaboda 500 katika Jiji la Tanga.
"Tayari tumeshatoa mafunzo ya usalama barabarani kwa madereva zaidi ya 250 wa bodaboda. Wengi wao wanahitaji mafunzo ili kuzuia ajali zisizo za lazima na kupunguza athari za ajali kupitia huduma ya kwanza," alisema.
Akizungumzia mafunzo hayo, mwendesha Bodaboda, Hamis Shemnkai alimpongeza Amend kwa kuendesha mafunzo ya huduma ya kwanza alisema kuwa majeruhi wengi wa ajali wakiwemo madereva wa bodaboda walipoteza maisha kwa kukosa ujuzi wa huduma ya kwanza.
“Mafunzo haya ni muhimu kwetu na kwa abiria na wasafiri pia, natoa wito kwa madereva wengine wa Bodaboda kujitahidi kupata mafunzo haya,” alisema.
Dereva mwingine wa Bodaboda. Shaaban Rama alisema mafunzo haya ni muhimu na yanatakiwa kuwa ya lazima kwa Bodaboda.