SHIRIKA la Viwango Tanzania (TBS) limetoa tahadhari kwa wananchi kuhusu matumizi ya bidhaa zisizosajiliwa na zisizokidhi viwango vya ubora, likieleza kuwa baadhi ya bidhaa hizo zina viambato vinavyoweza kusababisha madhara makubwa kiafya, ikiwemo saratani na kuvuruga mfumo wa homoni mwilini.
Recent Posts
KLINIKI YA KODI KILOMBERO NI KICHEKO KWA WALIPAKODI
HABARI 
Kliniki ya Kodi inayofanyika wilayani Kilombero katika mji mdogo wa Ifakara mkoani Morogoro imetajwa kuleta tabasamu kwa Walipakodi wilayani humo kutokana na kutatuliwa papo kwa hapo kwa changamoto za Kodi zilizokuwa zikiwakabili kwa muda mrefu.
RAIS JOÃO LOURENÇO WA ANGOLA AHITIMISHA ZIARA YA KITAIFA, AONDOKA NCHINI
HABARI
Rais wa Jamhuri ya Angola, Mhe. João Manuel Gonçalves Lourenço, amehitimisha ziara yake ya kitaifa ya siku tatu nchini na kuondoka kurejea nchini Angola, Oktoba 30, 2026.
Katika ziara hiyo, Rais Lourenço alifanya mazungumzo rasmi na mwenyeji wake, Rais wa Jamhuri ya Muungano wa Tanzania, Mhe. Dkt. Samia Suluhu Hassan, kuhusu masuala mbalimbali ya kuimarisha uhusiano wa kidiplomasia na kupanua ushirikiano wa kiuchumi na maendeleo kati ya mataifa hayo mawili.
Akiwa jijini Dodoma, Rais Lourenço alishiriki hafla ya uzinduzi wa Mji wa Serikali Mtumba pamoja na miundombinu ya barabara zake.
Mheshimiwa Lourenço aliagwa rasmi na mwenyeji wake Rais Samia katika Viwanja vya Ikulu Chamwino Dodoma kabla ya kuelekea Uwanja wa Ndege wa Dodoma.
Katika Uwanja wa Ndege wa Dodoma Mheshimiwa Lourenço alisindikizwa na kuagwa na Waziri wa Ulinzi na Jeshi la Kujenga Taifa Mhe. Dkt. Rhimo Nyansaho (Mb.) Naibu Waziri Mambo ya Nje na Ushirikiano wa Afrika Mashariki Mhe. Dkt. Ngwaru Maghembe, Mkuu wa Mkoa wa Dodoma Mhe. Rosemary Senyamule, Balozi wa Tanzania anayewakilisha Angola mwenye makazi yake Zambia Injinia Cyprian Luhemeja, Balozi wa Heshima wa Tanzania nchini Angola Bw. Mbwana Mziray na viongozi wengine wa Serikali.
RAIS SAMIA, RAIS JOÃO, WAZINDUA KILOMITA 59.1 ZA BARABARA ZA LAMI MJI WA SERIKALI MTUMBA
HABARI 
Na: OWM–TAMISEMI, Dodoma
Rais wa Jamhuri ya Muungano wa Tanzania, Mhe. Dkt. Samia Suluhu Hassan, na Rais wa Jamhuri ya Angola, Mhe. João Lourenço, leo Oktoba 30, 2026, wamezindua barabara za Mji wa Serikali Mtumba, jijini Dodoma, zinazowawezesha wananchi kufika katika Wizara na Taasisi za Serikali kupata huduma zinazotolewa na taasisi hizo za umma.
Akitoa taarifa kuhusu barabara hizo zilizojengwa na TARURA, Waziri wa Nchi, Ofisi ya Waziri Mkuu – Tawala za Mikoa na Serikali za Mitaa (OWM–TAMISEMI), Mhe. Prof. Riziki Shemdoe, amesema barabara hizo zina urefu wa kilomita 59.1 ambapo kati ya hizo, kilomita 11.7 ni za njia mbili na kilomita 36 ni za njia moja.
Aidha, ili kuzuia mafuriko katika Mji wa Serikali, tumejenga mabwawa matatu ya kuzuia mafuriko,” ameeleza Prof. Shemdoe.
Sanjari na hilo, Prof. Shemdoe amewashukuru Marais hao kwa kukubali kushiriki uzinduzi wa barabara hizo, huku akimshukuru kipekee Mhe. Rais Dkt. Samia Suluhu Hassan kwa uamuzi wake wa kuzipa baadhi ya barabara majina ya viongozi wakuu wa kitaifa waliopita, akiwemo Hayati Baba wa Taifa, Mwalimu Julius Kambarage Nyerere.
Rais wa Jamhuri ya Muungano wa Tanzania, Mhe. Dkt. Samia Suluhu Hassan, akiwa na Rais wa Jamhuri ya Angola, Mhe. João Lourenço, leo Oktoba 30, 2026, pia amezindua rasmi majengo ya ofisi za Wizara na Taasisi za Serikali na baada ya uzinduzi huo amezungumza na wananchi wa Dodoma.
'KUSTAAFU NI FURSA NYENGINE YA MAISHA'
HABARI
Menaja wa Mfuko wa PSSSF kanda ya Ziwa Mashariki Bw. Rajab Kinande, akizungumza na wastaafu kwenye mafunzo kuhusu huduma za Mfuko wa huo Jijini Mwanza Oktoba 30, 2026.
Baadhi ya wastaafu wa Kanda ya Ziwa Mashariki, waliohudhuria semina ya mafunzo iliyoandaliwa na Mfuko wa PSSSF na kufanyika Jijini Mwanza Oktoba 30, 2026
Baadhi ya wastaafu wa Kanda ya Ziwa Mashariki, waliohudhuria semina ya mafunzo iliyoandaliwa na Mfuko wa PSSSF na kufanyika Jijini Mwanza Oktoba 30, 2026
Baadhi ya wastaafu wa Kanda ya Ziwa Mashariki, waliohudhuria semina ya mafunzo iliyoandaliwa na Mfuko wa PSSSF na kufanyika Jijini Mwanza Oktoba 30, 2026
Menaja wa Mfuko wa PSSSF kanda ya Ziwa Mashariki Bw. Rajab Kinande, akizungumza na wastaafu kwenye mafunzo kuhusu huduma za Mfuko wa huo Jijini Mwanza Oktoba 30, 2026.
Msimamizi kitengo cha Huduma kwa Wateja PSSSF Kanda ya Ziwa Mashariki Bi. Happiness Manyenye, akitoa mada kuhusu umuhimu wa mstaafu kujihakiki.
Mwanza oktoba 30, 2026
Na Mwandishi Wetu, Mwanza
KAIMU Mkuu wa Mkoa wa Mwanza Bw. Martin Nkwabi, amesema maisha ya kustaafu ni hatua ya kufunguka kwa fursa mpya ya maisha baada ya kumaliza utumishi na kamwe isichukuliwa kama ndio mwisho wa maisha.
Bw. Nkwabi ameyasema hayo wakati akifungua semina ya mafunzo kwa wastaafu wanaopokea pensheni katika Mfuko wa Hifadhi ya Jamii kwa Watumishi wa Umma (PSSSF) iliyofanyika Jijini Mwanza leo. Mafunzo hayo yameandaliwa na PSSSF ili kuwapatia elimu ya namna ya uwekezaji wa kifedha zao baada ya maisha yao nje ya utumishi.
"Kustaafu si jambo baya hata kidogo, bali ni kitu kizuri sana. Huku ndiko kufunguka kwa fursa zingine mpya baada ya kumaliza utumishi katika taifa letu kwa uaminifu. Huu ni wakati wenu sasa wa kupumzika, kufurahi, na kufanya yale mliyokuwa mkitamani kuyafanya mioyoni mwenu kabla hamjaingia kwenye utumishi, niwapongeze sana PSSSF kwa semina hii," alisema Bw. Nkwabi.
Naye Meneja wa PSSSF Kanda ya Ziwa Mashariki, Bw. Rajab Kinande, amesema mafunzo hayo yanaakisi kaulimbiu ya PSSSF ya Leo. Kesho Pamoja. Amewasihi watumishi na wastaafu watarajiwa kujiandaa mapema kabla ya kustaafu kwa kuweka taarifa zao kwa usahihi badala ya kusubiri hadi siku ya kustaafu, "Mfuko umeboresha utoaji wa huduma zake, ambapo taarifa za wanachama zimehifadhiwa kwenye mfumo hali inayorahisisha upatikanaji wa huduma ikiwemo Mafao.”
Mstaaafu, Manyama Manyama , ametoa pongezi zake kwa PSSSF kwa kuandaa semina hiyo maalum ya wastaafu, huku akisisitiza umuhimu wa wastaafu kutojiona wanyonge katika jamii kutokana na mchango wao mkubwa walioutoa kwa taifa.
RAIS JOÃO LOURENÇO WA ANGOLA AHITIMISHA ZIARA YA KITAIFA, AONDOKA NCHINI
HABARIRais wa Jamhuri ya Angola, Mhe. João Manuel Gonçalves Lourenço, amehitimisha ziara yake ya kitaifa ya siku tatu nchini na kuondoka kurejea nchini Angola, Oktoba 30, 2026.
WAZIRI MKUU ATAKA UBALOZI URUSI UPANUE MASOKO YA BIDHAA ZA TANZANIA
HABARI
Waziri Mkuu, Dkt. Mwigulu Nchemba amewataka watumishi wa Ubalozi wa Tanzania nchini Urusi waendelee kuitangaza vyema nchi na kuongeza juhudi za kutafuta fursa za masoko kwa bidhaa za Tanzania nchini humo.
Ameyasena hayo leo Oktoba 30, 2026, wakati akizungumza na watumishi wa Ubalozi huo ulioko jijini Moscow na kuwapongeza kwa kazi kubwa wanayoifanya ya kuiwakilisha vema Tanzania nchini humo.
Sambamba na hayo, Mheshimiwa Dkt Mwigulu amebainisha kuwa hivi sasa nchi imekuwa na uzalishaji wa mazao wa ziada unaohitaji masoko ya uhakika.
“Bado tunahitaji masoko ya bidhaa zetu. Tumekuwa na uzalishaji wa mazao wa ziada nchini, hivyo tumieni fursa hii kutengeneza masoko katika miji mingine kwa maana nchi hii ni kubwa sana. Kadhalika, endeleeni kufuatilia fursa zilizopo katika sekta ya elimu, jambo ambalo pia limejitokeza kwenye Mkutano wa Wakuu wa Nchi,” amesema.
Aidha, Waziri Mkuu amewataka watumishi hao wafuatilie na kusimamia utekelezaji wa maagizo yote yaliyotokana na ziara ya Mheshimiwa Rais, Dkt. Samia Suluhu Hassan, nchini Urusi, iliyofanyika Juni, mwaka huu.
Awali, Dkt. Mwigulu alitembelea duka la AZBUKA VKUSA linalouza bidhaa kutoka Tanzania, jijini Moscow.
MHE. SALOME ALIPONGEZA BUNGE KWA USIMAMIZI WA MRADI WA JULIUS NYERERE
NishatiDodoma
Naibu Waziri wa Nishati, Mhe. Salome Makamba, amelipongeza Bunge la Jamhuri ya Muungano wa Tanzania kwa mchango wake katika kusimamia utekelezaji wa Mradi wa Kufua Umeme wa Julius Nyerere (JNHPP) hadi kukamilika kwake kwa asilimia 100.
Mhe. Salome ametoa pongezi hizo wakati akijibu swali la Mbunge wa Jimbo la Mwera, Mhe. Suleiman Mohamed Rashid, aliyetaka kujua lini Serikali itakamilisha Mradi wa Bwawa la Julius Nyerere.Akijibu swali hilo, Mhe. Salome amesema mradi huo ulikamilika kwa asilimia 100 Februari 23, 2025, na kuzinduliwa rasmi na Rais wa Jamhuri ya Muungano wa Tanzania, Mhe. Dkt. Samia Suluhu Hassan, Agosti 22, 2026.
Ameeleza kuwa kwa sasa mitambo yote ya mradi huo inafua umeme wenye jumla ya Megawati 2,115, ambao huingizwa kwenye Gridi ya Taifa kulingana na mahitaji ya umeme nchini.
TAMASHA LA 44 LA TaSUBa KUINUA HADHI YA SANAA ZA TANZANIA
HABARI
NA EMMANUEL MBATILO, BAGAMOYO
Kaimu Mkuu wa Taasisi ya Sanaa na Utamaduni Bagamoyo (TaSUBa), Gabriel Kiiza, amesema Tamasha la 44 la Kimataifa la Sanaa na Utamaduni Bagamoyo limekuja kwa msisimko mkubwa kutokana na kushirikisha wasanii wengi zaidi, wakiwemo kutoka nje ya nchi.
RAIS SAMIA NA RAIS WA ANGOLA WATUMIA USAFIRI WA SGR KUELEKEA DODOMA
HABARI
Rais wa Jamhuri ya Muungano wa Tanzania, Dkt. Samia Suluhu Hassan, akiwa ameambatana na mgeni wake, Rais wa Jamhuri ya Angola, João Manuel Gonçalves Lourenço, wameanza safari ya kuelekea jijini Dodoma kwa kutumia treni ya SGR.
Viongozi hao wameondoka katika Stesheni ya Magufuli jijini Dar es Salaam, kuelekea Dodoma kushiriki hafla ya uzinduzi wa Mji wa Serikali Mtumba pamoja na barabara za lami, leo Oktoba 30, 2026.
SHEIN ASISITIZA NIDHAMU, UADILIFU KWA WAHITIMU WA MZUMBE
HABARIMkuu wa Chuo Kikuu Mzumbe na Rais Mstaafu wa Zanzibar, Mwenyekiti wa Baraza la Mapinduzi Dkt. Ali Mohamed Shein akizungumza leo, Oktoba 29, 2026, jijini Dar es Salaam, katika Mahafali ya 25 ya Chuo Kikuu Mzumbe yaliyofanyika katika Kituo cha Mikutano cha Kimataifa cha Julius Nyerere.
TANZANIA YAIMARISHA KINGA YA JAMII KUCHOCHEA UKUAJI WA MIUNDOMBINU- DKT. MUNISI
HABARINa OWM (KAM), Addis Ababa
Naibu Waziri, Ofisi ya Waziri Mkuu - Kazi, Ajira na Mahusiano, Dkt. Evaline Munisi, amesema Tanzania imeendelea kuimarisha mazingira ya kisera na kisheria yanayolenga kupanua wigo wa kinga ya jamii kwa ustawi wa wananchi na maendeleo ya uchumi wa taifa.
WAZIRI MKUU DKT.MWIGULU APIGIA CHAPUO NISHATI SAFI YA KUPIKIA AFRIKA
HABARI
_Asema ni kuunga mkono jitihada za Rais Dkt. Samia Suluhu Hassan_
WAZIRI MKUU Dkt. Mwigulu Nchemba amewataka viongozi wanaoshiriki Mkutano wa Tatu wa Wakuu wa Nchi na Serikali walipe kipaumbele zaidi suala la kutafuta ufumbuzi wa nishati safi ya kupikia na hasa katika kipindi hiki cha mpito.
Ametoa wito huo leo (Alhamisi, Oktoba 29, 2026), wakati akitoa hotuba kwa niaba ya Rais Dkt. Samia Suluhu Hassan kwenye kikao kilichofanyika Ikulu ya Kremlin, jijini Moscow, Urusi.
Waziri Mkuu amewaeleza wakuu wa nchi waliohudhuria mkutano huo kwamba suala hilo linapaswa kupewa kipaumbele muhimu kwa sababu Rais Samia Suluhu Hassan amejitolea kutetea jambo hilo katika bara lote la Afrika.
“Hii ni sababu muhimu ambayo Mheshimiwa Rais Samia Suluhu Hassan amejitolea kutetea katika bara lote la Afrika. Tukiamua kushughulikia changamoto hii siyo tu tutakuwa tunakidhi hitaji la mazingira; bali ni kipaumbele muhimu cha maendeleo ambacho kinaokoa maisha ya mamilioni ya watu, kinawezesha na kukomboa wakati ambao unatumiwa na wanawake, na zaidi ya yote tutakuwa tunalinda mifumo yetu ya ikolojia ya misitu isiyoweza kuundwa upya pindi ikiharibiwa,” amesema.
Ametumia fursa hiyo kuwakumbusha viongozi hao kuhusu Azimio la Nishati la Dar es Salaam la mwaka 2025 ambalo lilikuja na mpango kabambe unaolenga kutoa umeme wa kuaminika kwa Waafrika milioni 300 ifikapo 2030.
“Ili kufikia malengo haya ya kikanda, Serikali ya Jamhuri ya Muungano wa Tanzania inakaribisha kwa dhati ushirikiano wa kimkakati katika matumizi ya amani ya nishati ya nyuklia, ikitumia utaalam wa Urusi unaotambulika duniani kote katika teknolojia ya hali ya juu ya nishati.”
MWANRI AONGOZA WAJUMBE WA BARAZA LA VYAMA VYA SIASA KUTEMBELEA MJI WA SERIKALI MTUMBA
siasa
Naibu Katibu Mkuu wa CCM Bara, Ndugu Aggrey Mwanri, ambaye pia ni Makamu Mwenyekiti wa Baraza la Vyama vya Siasa nchini, leo Oktoba 29, 2026, ameongoza wajumbe wa Baraza hilo kutoka vyama vya siasa vyenye usajili kamili kutembelea Mji wa Serikali Mtumba, jijini Dodoma.
Ziara hiyo imefanyika kuelekea uzinduzi rasmi wa Mji huo unaotarajiwa kufanyika kesho, Oktoba 30, 2026, ambapo mgeni rasmi anatarajiwa kuwa Rais wa Jamhuri ya Muungano wa Tanzania, Mhe. Dkt. Samia Suluhu Hassan.
Subscribe to:
Posts (Atom)