KOCHA wa Barcelona, Luis Enrique leo anatarajiwa kufanyiwa operesheni ya ugonjwa wa kidoletumbo.
Kwa
mujibu wa gazeti Mundo Deportivo la Hispania, mwalimu huyo mwenye umri
wa miaka 44 alikimbizwa chumba cha dharula cha wagonjwa, kabla ya kwenda
kufanyiwa vipimo kuthibitisha tatizo lake.
Enrique,
ambaye aliwachezea vigogo hao wa Hispania kuanzia mwaka 1996 hadi 2004,
aliteuliwa kuwa kocha Mkuu wa Barcelona mwezi uliopita kwa Mkataba wa
miaka miwili.
Baada ya upasuaji huo, kocha huyo Mspanyola atahitaji kukaa nje muda mrefu kwa maumziko bila kuanya kazi.
Enrique anaweza kuondoka hospital baada ya saa 24 iwapo mambo yatakwenda vizuri bila matatizo yoyote.
Kocha huyo wa zamani wa Celta Vigo atakuwa tayari kurejea kazini kwa ajili ya msimu mpya, iwapo mambo yatakwenda vizuri.
Gerard
Pique na Javier Mascherano waliosaini mikataba mipya hive karibuni
kubaki katika klabu hiyo, wakati kiungo wa Sevilla, Ivan Rakitic yupo
mbioni kutua Nou Camp.
Enrique
anatarajiwa kumpoteza Cesc Fabregas msimu ujao ambaye anatakiwa na
Chelsea walio tayari kutoa Pauni Milioni 30 kumchukua nyota huyo azibe
pengo la Frank Lampard aliyeondoka baada ya kumaliza Mkataba.