LONDO AWAAGA KUNDI LA TISA LA TANZANIA KUELEKEA CHINA MAONESHO YA CIIE 2026

-Awaasa kutumia fursa Za maonesho hayo kufungua masoko, uwekezani na teknolojia;

TANROADS MBEYA YATEKELEZA MAAGIZO YA MAKAMU WA RAIS, NJIA 106 ZAFUNGULIWA

Wakala ya Barabara Tanzania (TANROADS) Mkoa wa Mbeya umeanza kutekeleza maelekezo ya Makamu wa Rais wa Jamhuri ya Muungano wa Tanzania, Mhe. Deogratius Ndejembi, kwa kufungua maeneo na njia 106 za pembezoni mwa mradi wa ujenzi wa barabara ya njia nne kutoka Nsalaga hadi Ifisi, hatua inayolenga kupunguza adha kwa wananchi na wafanyabiashara wakati ujenzi ukiendelea.

NGORONGORO KUTUMIA VYOMBO VYA HABARI KUTANGAZA UTALII KIMATAIFA

Mamlaka ya Hifadhi ya Ngorongoro imesema itaendelea kushirikiana na vyombo vya habari vya ndani na nje ya nchi kutangaza vivutio vya utalii vilivyopo katika hifadhi hiyo ili kuvutia watalii wengi zaidi kutoka maeneo mbalimbali duniani.
Akizungumza katika mkutano wa Waandishi wa Habari Vijijini, Afisa Uhifadhi Mkuu anayeshughulikia Uhusiano kwa Umma wa Mamlaka ya Hifadhi ya Ngorongoro, Kassim Nyaki, amesema vyombo vya habari vina mchango mkubwa katika kufikisha taarifa kwa watu wengi kwa wakati mmoja.

Amesema mamlaka hiyo itaendelea kutumia fursa ya vyombo vya habari kuhakikisha wananchi wanapata taarifa kuhusu vivutio vya utalii vilivyopo Ngorongoro, sambamba na kuvitangaza katika masoko ya utalii ya kimataifa.

Kwa upande wake, Afisa Utalii wa Ngorongoro, CO II Hillary Kimaro, amesema Ngorongoro ni kitovu cha maajabu mengi (Destination of Many Wonders), kutokana na kuwa na vivutio mbalimbali vinavyojumuisha wanyamapori, malikale na urithi wa utamaduni.

Ameeleza kuwa eneo hilo la Urithi wa Dunia linatoa fursa ya kipekee kwa watalii kujionea maajabu ya asili, ikiwemo kuzaliwa kwa ndama na uhamaji wa nyumbu katika eneo la Ndutu.

Naye Mwenyekiti wa Chama cha Waandishi wa Habari Vijijini (RUJAT), Neville Meena, amelipongeza Mamlaka ya Hifadhi ya Ngorongoro kwa kutambua na kuthamini mchango wa waandishi wa habari katika kutangaza vivutio vya utalii nchini.

Amesema ushirikiano kati ya mamlaka hiyo na vyombo vya habari ni muhimu katika kuongeza uelewa kuhusu utalii wa Tanzania na kuvutia maelfu ya watalii kutoka sehemu mbalimbali za dunia.

WAZIRI MKUU DKT.MWIGULU AREJEA NCHINI AKITOKEA URUSI

Waziri Mkuu, Dkt. Mwigulu Nchemba, amerejea nchini leo, Oktoba 31, 2026, akitokea Moscow, Urusi, ambako alimwakilisha Rais wa Jamhuri ya Muungano wa Tanzania, Dkt. Samia Suluhu Hassan, katika Mkutano wa Tatu wa Wakuu wa Nchi na Serikali wa Afrika na Urusi, uliofanyika Oktoba 28–29, 2026.

Mkutano huo ulilenga kuimarisha uhusiano wa kidiplomasia, ushirikiano wa kiuchumi na biashara, pamoja na kupanua fursa za ushirikiano katika sekta mbalimbali kati ya Urusi na nchi za Afrika.

MWAMBEGELE ASISITIZA UCHAGUZI HURU NA WA HAKI NONDE

Mwenyekiti wa Tume Huru ya Taifa ya Uchaguzi Mhe. Jaji wa Rufani Jacobs Mwambegele leo tarehe 31 Oktoba, 2026 ametembelea mafunzo ya siku moja ya Makarani Waongozaji Wapiga Kura katika kata ya Nonde iliyopo Halmashauri ya Jiji la Mbeya Mkoani Mbeya, yanayofanyika katika ukumbi wa Mkapa ikiwa ni sehemu ya maandalizi ya uchaguzi Mdogo wa Udiwani wa Kata ya Nonde unaotarajiwa kufanyika tarehe 04 Novemba,2026.

MDIME: SIMBA INAHITAJI VIONGOZI WENYE MAONO

Na Mwandishi Wetu, TANGA

Wakati saa ya uchaguzi wa viongozi wa Klabu ya Simba ikianza kusogea, viongozi wa matawi ya klabu hiyo Mkoa wa Tanga wamefunguka na kutoa wito kwa wanachama kujitokeza kuwania nafasi mbalimbali zilizotangazwa, wakisisitiza umuhimu wa kupata viongozi watakaosimamia maendeleo ya klabu hiyo kwa miaka minne ijayo.

Mwenyekiti wa Matawi ya Simba Mkoa wa Tanga, Edgar Mdime, amesema wanachama wenye sifa na vigezo wanapaswa kutumia fursa hiyo kuchukua fomu, kuzijaza na kuzirejesha kwa wakati ili waweze kushiriki katika kinyang'anyiro cha kuwania nafasi za uongozi.

Mdime amesema uongozi wa matawi mkoani humo umepokea taarifa rasmi iliyotolewa na Bodi ya Wakurugenzi ya Simba Sports Club kuhusu kuitishwa kwa Mkutano Mkuu wa klabu hiyo unaotarajiwa kufanyika Januari 3, 2027.

Amesema Mkutano Mkuu huo ambao hufanyika mara moja kila baada ya miaka minne, ni sehemu muhimu ya mchakato wa kuamua mustakabali wa uongozi wa klabu, hivyo wanachama wanapaswa kuonyesha mwitikio kwa kujitokeza kushiriki katika mchakato huo.

Akisisitiza msimamo wa uongozi wa matawi mkoani Tanga, Mdime amesema wanahitaji kuona wanachama wengi wenye nia njema na Simba wakijitokeza kuwania nafasi hizo ili klabu ipate viongozi watakaoshirikiana katika kuleta maboresho na kuendeleza mafanikio yake.

Ameongeza kuwa uchaguzi huo ni fursa inayopatikana baada ya kipindi cha miaka minne, hivyo wanachama hawapaswi kuipuuza bali kuitumia kuchangia mustakabali wa klabu yao.

AIGUSA TFF, BMT NA SERIKALI

Katika hatua nyingine, Mdime amevitaka vyombo vinavyosimamia masuala ya michezo nchini, ikiwemo Shirikisho la Mpira wa Miguu Tanzania (TFF), Baraza la Michezo la Taifa (BMT) pamoja na Serikali, kuhakikisha Mkutano Mkuu wa Simba unafanyika kwa kuzingatia sheria, kanuni na Katiba ya klabu hiyo.

Amesema ni muhimu taratibu zote zinazohusu mkutano huo kufuatwa ili kuhakikisha mchakato mzima unakwenda kwa mujibu wa misingi inayotambuliwa na Katiba ya Simba.

BAVUMA AUNGANA NA MDIME

Kwa upande wake, Makamu Mwenyekiti wa Matawi ya Simba Mkoa wa Tanga, Bavuma Jr, ameunga mkono wito huo kwa kuwataka wanachama wenye sifa kujitokeza kuwania nafasi mbalimbali zilizotangazwa na klabu hiyo.

Bavuma amesema Simba inahitaji viongozi watakaokuwa tayari kubeba majukumu ya kuiongoza klabu na kusukuma mbele gurudumu la maendeleo katika kipindi chote cha uongozi wao.

Amesema kwa upande wao kama viongozi wa matawi, wataendelea kutekeleza wajibu wao kwa kushirikiana na makao makuu ili kuhakikisha klabu inapata mafanikio na kusonga mbele.

Ameeleza kuwa ushirikiano kati ya viongozi wa matawi na uongozi wa makao makuu ni jambo muhimu katika kuimarisha klabu na kufanikisha malengo yake.

Kwa ujumla, viongozi hao wa matawi ya Simba Mkoa wa Tanga wameeleza kuwa wanatarajia kuona wanachama wakitumia fursa ya uchaguzi huo kushiriki katika kuunda uongozi wa klabu kwa kipindi kingine cha miaka minne.

TANZANIA YAFUNGUA FURSA ZA UWEKEZAJI BINAFSI KATIKA NISHATI, YALENGA SOKO LA UMEME AFRIKA

Naibu Waziri wa Fedha, Serikali ya Jamhuri ya Muungano wa Tanzania, Mhe. Laurent Luswetula (Mb), akielezea uzoefu wa Tanzania katika jopo la majadiliano kuhusu maendeleo ya Sekta ya Nishati, yaliyofanyika wakati wa Mkutano wa Afrika wa Taasisi za Tafiti na Majadiliano ya Sera (Africa Think Tank Summit – ATTS), mjini Cotonou, Jamhuri ya Benin.

Naibu Waziri wa Fedha, Serikali ya Jamhuri ya Muungano wa Tanzania, Mhe. Laurent Luswetula (Mb), akiteta jambo na Rais wa Taasisi ya Mikakati ya Kipan-Afrika (IPS) – Amani, Usalama na Utawala Bora, Mhe. Cheikh Tidiane Gadio, baada ya kushiriki jopo la majadiliano kuhusu maendeleo ya Sekta ya Nishati, yaliyofanyika wakati wa Mkutano wa Afrika wa Taasisi za Tafiti na Majadiliano ya Sera (Africa Think Tank Summit – ATTS), mjini Cotonou, Jamhuri ya Benin.

Naibu Waziri wa Fedha, Serikali ya Jamhuri ya Muungano wa Tanzania, Mhe. Laurent Luswetula (Mb), Rais wa Taasisi ya Mikakati ya Kipan-Afrika (IPS) – Amani, Usalama na Utawala Bora, Mhe. Cheikh Tidiane Gadio, wakifuatilia mijadala mbalimbali iliyokuwa ikiendelea katika Mkutano wa Afrika wa Taasisi za Tafiti na Majadiliano ya Sera (Africa Think Tank Summit – ATTS), mjini Cotonou, Jamhuri ya Benin.

Naibu Waziri wa Fedha, Serikali ya Jamhuri ya Muungano wa Tanzania, Mhe. Laurent Luswetula (Mb), akiteta jambo na Rais na Ofisa Mtendaji Mkuu wa Kituo cha Afrika cha Mabadiliko ya Kiuchumi (ACET), Mhe. Mavis Owusu-Gyamfi, baada ya kushiriki jopo la majadiliano kuhusu maendeleo ya Sekta ya Nishati, yaliyofanyika wakati wa Mkutano wa Afrika wa Taasisi za Tafiti na Majadiliano ya Sera (Africa Think Tank Summit – ATTS), mjini Cotonou, Jamhuri ya Benin.

Naibu Waziri wa Fedha, Serikali ya Jamhuri ya Muungano wa Tanzania, Mhe. Laurent Luswetula (wa pili kushoto), akiwa katika picha ya pamoja na washiriki wa jopo la majadiliano kuhusu maendeleo ya Sekta ya Nishati, yaliyofanyika wakati wa Mkutano wa Afrika wa Taasisi za Tafiti na Majadiliano ya Sera (Africa Think Tank Summit – ATTS), mjini Cotonou, Jamhuri ya Benin.

Naibu Waziri wa Fedha, Serikali ya Jamhuri ya Muungano wa Tanzania, Mhe. Laurent Luswetula (Mb) (katikati) akiwa katika picha ya pamoja na Ujumbe wa Wataalam wa Tanzania, baada ya kushiriki jopo la majadiliano kuhusu maendeleo ya Sekta ya Nishati, yaliyofanyika wakati wa Mkutano wa Afrika wa Taasisi za Tafiti na Majadiliano ya Sera (Africa Think Tank Summit – ATTS), mjini Cotonou, Jamhuri ya Benin.

Ujumbe wa Wataalam wa Tanzania wakifuatilia Mkutano wa 35 wa Bodi ya Magavana wa Taasisi ya Kujenga Uwezo Afrika (The African Capacity Building Foundation - ACBF), uliofanyika katika hoteli ya Sofitel Cotonou Marina jijini Cotonou, Jamhuri ya Benin.

(Picha na Kitengo cha Mawasiliano Serikalini, WF, Cotonou, Benin)


Na Farida Ramadhan - WFi, Cotonou, Benin


Serikali ya Tanzania imeeleza dhamira yake ya kuendelea kuimarisha Sekta ya Nishati kwa kushirikisha sekta binafsi katika uzalishaji na usambazaji wa umeme, huku ikiimarisha uwekezaji wa ndani katika miradi mikubwa ya nishati na kuandaa miundombinu ya kuuza umeme katika nchi jirani za Afrika Mashariki na maeneo mengine ya Afrika.

Dhamira hiyo imeelezwa na Naibu Waziri wa Fedha, Mhe. Naibu Waziri wa Fedha, Mhe. Laurent Luswetula (Mb), kwa niaba ya Waziri wa Fedha, Mhe. Balozi Khamis Mussa Omar, katika jopo la majadiliano kuhusu maendeleo ya Sekta ya Nishati, lililofanyika kama sehemu ya Mkutano wa Afrika wa Taasisi za Tafiti na Majadiliano ya Sera (Africa Think Tank Summit – ATTS), uliofanyika mjini Cotonou, Jamhuri ya Benin.

Mhe Luswetula ambaye alikuwa miongoni mwa wazungumzaji katika jopo la majadiliano hayo, alisema hatua hiyo inalenga kuhakikisha Tanzania inakuwa na umeme wa kutosha na wa uhakika kwa matumizi ya majumbani, viwandani na biashara, sambamba na kutumia fursa ya ziada ya umeme uliopo kuimarisha biashara ya nishati katika soko la kikanda.

“Serikali ya Tanzania imefungua milango kwa sekta binafsi kuingia katika uzalishaji na usambazaji wa umeme, kwa lengo la kuhakikisha tunapata umeme wa kutosha na wa uhakika kwa wananchi wetu,” alisema Mhe. Luswetula.

Alisema Sera ya Taifa ya Nishati ya mwaka 2015 imeweka msisitizo katika ushiriki wa sekta binafsi, jambo ambalo limewezesha makampuni mbalimbali kuingia katika uzalishaji na usambazaji wa umeme nchini.

Mhe. Luswetula alibainisha kuwa hadi sasa kampuni kubwa binafsi zimechangia uzalishaji wa zaidi ya megawati 350, hususan katika maeneo ya vijijini, huku wazalishaji wa kati wakichangia zaidi ya megawati 59 na wazalishaji wadogo zaidi ya megawati 2.41.

Hata hivyo, alisema usafirishaji wa umeme (transmission) bado ni jukumu linalotekelezwa zaidi na Serikali kupitia Shirika la Umeme nchini (TANESCO) kutokana na ukubwa wa uwekezaji unaohitajika, lakini uwezekano wa sekta binafsi kushiriki unaweza kuangaliwa kupitia mashauriano na mifumo itakayokubalika kitaifa.

Katika majadiliano hayo, ambayo pia yaliangazia namna Serikali kupitia Wizara ya Fedha inavyofadhili miradi ya uzalishaji na usambazaji wa umeme, Mhe. Luswetula alisema Wizara hiyo inajivunia utashi wa Serikali ya Jamhuri ya Muungano wa Tanzania wa kutumia fedha za ndani kufadhili miradi mbalimbali ya nishati nchini, akitolea mfano ujenzi wa Bwawa la Kufua Umeme la Mwalimu Julius Nyerere (JNHPP).

Alisema bwawa hilo lenye uwezo wa kuzalisha megawati 2,115 limejengwa kwa kutumia fedha za ndani takribani Sh. trilioni 7.5, sawa na zaidi ya dola za Marekani bilioni 3.5, akieleza kuwa licha ya ukubwa wa gharama za mradi huo, Serikali iliamua kutumia rasilimali za ndani kuutekeleza kwa manufaa ya Taifa.

“Bwawa la Mwalimu Nyerere ni mfano wa namna tulivyoamua kama nchi kutumia fedha zetu za ndani kutekeleza miradi mikubwa ya kimkakati. Ni fedha nyingi zilizotumika, zaidi ya Sh. trilioni 7.45, lakini leo tunaona manufaa yake kupitia uzalishaji wa umeme mwingi unaowanufaisha Watanzania na kuongeza uwezo wa nchi yetu katika upatikanaji wa nishati,” alisisitiza Mhe. Luswetula.

Aidha, alisema Tanzania kwa sasa ina uwezo wa uzalishaji wa umeme unaozidi megawati 4,646, huku mahitaji ya ndani yakiwa zaidi ya megawati 2,300, hali inayotoa fursa ya kutumia ziada ya umeme kwa ajili ya biashara na nchi jirani.

Alibainisha kuwa Serikali inaendelea kuimarisha miundombinu ya usafirishaji wa umeme ili kuiwezesha Tanzania kuingia kikamilifu katika soko la biashara ya nishati la kikanda, hususan Afrika Mashariki, pamoja na kuandaa mifumo ya kuunganisha na masoko mengine ya Afrika kupitia miundombinu inayopita Zambia.

Mhe. Luswetula alisema pamoja na kuimarisha uzalishaji na miundombinu ya kusafirisha umeme kwa ajili ya biashara ya kikanda, Serikali imeendelea kuzingatia uwezo wa wananchi na mahitaji ya viwanda kwa kuweka gharama za umeme zilizo rafiki, ambapo kwa matumizi ya viwanda, bei ya umeme ni Shilingi 100 kwa kila kilowati, huku watumiaji wadogo wakinufaika na viwango vya chini vya gharama za umeme.

Alisema hatua hiyo ni sehemu ya dhamira ya Serikali kuhakikisha wananchi wanapata huduma ya umeme kwa gharama nafuu na kunufaika na nishati inayosambazwa kupitia gridi ya Taifa, huku akibainisha kuwa Tanzania ni miongoni mwa nchi za Afrika zenye gharama nafuu za umeme.

ELIMU YA FEDHA YAWAFIKIA WAKULIMA NA WAFUGAJI MLANGALI

Afisa Usimamizi wa Fedha Mwandamizi kutoka Idara ya Uendelezaji wa Sekta ya Fedha, Wizara ya Fedha, Bi. Grace Samwel, akitoa elimu kwa wananchi wa Kata ya Mlangali, Wilaya ya Ludewa, kuhusu umuhimu wa kusajili vikundi vya huduma ndogo za fedha na vikundi vya kijamii ili kuviwezesha kufanya shughuli za kifedha kwa utaratibu rasmi na kuimarisha usimamizi wa rasilimali zao, wakati wa Programu ya Elimu ya Fedha iliyofanyika katika ukumbi wa Kituo cha Afya Mlangali Wilaya ya Ludewa.

Afisa Usimamizi wa Fedha Mwandamizi kutoka, Idara ya Uendelezaji Sekta ya Fedha, Wizara ya Fedha, Bw. Salim Khalfan Kimaro, akitoa elimu kwa wananchi wa Kata ya Mlangali, Wilaya ya Ludewa, mkoani Njombe, kuhusu umuhimu wa kusajili vikundi vya huduma ndogo za fedha na vikundi vya kijamii ili kuviwezesha kufanya shughuli za kifedha kwa utaratibu rasmi na kuimarisha usimamizi wa rasilimali zao, wakati wa Programu ya Elimu ya Fedha iliyofanyika katika ukumbi wa Kituo cha Afya Mlangali Wilaya ya Ludewa.

Afisa Masoko na Uhusiano kutoka Dhamana ya Uwekezaji na Usimamizi Rasilimali Tanzania, (UTT AMIS), Bw. Ramadhani Waziri, akitoa elimu kuhusu uwekezaji kupitia mifuko ya uwekezaji wa pamoja (Collective Investment Schemes), umuhimu wa kuweka akiba na namna wananchi wanavyoweza kuwekeza fedha zao kulingana na uwezo wao ili kukuza kipato na kujenga ustawi wa kifedha, kwa wananchi wa Kata ya Mlangali, Wilaya ya Ludewa, kwenye program maalum ya elimu ya fedha iliyotolewa kwa wananchi katika ukumbi wa Kituo cha Afya Mlangali Wilaya ya Ludewa.

Afisa Uendeshaji na Biashara kutoka Dhamana ya Uwekezaji na Usimamizi Rasilimali Tanzania, (UTT AMIS), Bw. Benedict Raphael, akitoa elimu kuhusu uwekezaji kupitia mifuko ya uwekezaji wa pamoja (Collective Investment Schemes), umuhimu wa kuweka akiba na namna wananchi wanavyoweza kuwekeza fedha zao kulingana na uwezo wao ili kukuza kipato na kujenga ustawi wa kifedha, kwa wananchi wa Kata ya Mlangali, Wilaya ya Ludewa, kwenye program maalum ya elimu ya fedha iliyotolewa kwa wananchi katika ukumbi wa Kituo cha Afya Mlangali Wilaya ya Ludewa.

Baadhi ya wananchi kutoka Kata ya Mlangali, Wilaya ya Ludewa, mkoani Njombe, wakiwa pamoja na Timu ya Wataalamu wa Elimu ya Fedha kutoka Wizara ya Fedha na Taasisi zake, wakijadili namna ya kutumia maarifa ya kifedha katika shughuli zao za kila siku, hususan katika kupanga na kusimamia mapato yatokanayo na kilimo na ufugaji, kudhibiti gharama za uzalishaji, kufanya maamuzi sahihi ya uwekezaji, kuweka akiba na kulinda mitaji yao dhidi ya vihatarishi vya kiuchumi.

(Picha na Kitengo cha Mawasiliano Serikalini-WF, Njombe)

Na Chedaiwe Msuya, WF, Njombe

Wakulima na wafugaji wa Kata ya Mlangali, Halmashauri ya Wilaya ya Ludewa mkoani Njombe, wamepatiwa elimu ya usimamizi wa fedha kwa lengo la kuwawezesha kuongeza tija katika shughuli zao za uzalishaji, kuboresha kipato na kuimarisha ustawi wa kiuchumi.

Mafunzo hayo yaliyofanyika katika Ukumbi wa Kituo cha Afya Mlangali, yametolewa na wataalamu kutoka Wizara ya Fedha, Mamlaka ya Masoko ya Mitaji na Dhamana (CMSA) pamoja na Dhamana ya Uwekezaji na Usimamizi Rasilimali Tanzania, (UTT AMIS).

Kupitia mafunzo hayo, washiriki wamejengewa uelewa kuhusu namna bora ya kusimamia mapato, kudhibiti gharama za uzalishaji na kufanya maamuzi sahihi ya kifedha ili kuhakikisha shughuli zao za kilimo na ufugaji zinakuwa na tija na kuleta manufaa ya kiuchumi.

Aidha, wameelimishwa umuhimu wa kutofautisha fedha za matumizi ya familia na mtaji wa uzalishaji, kupanga matumizi ya fedha kwa ajili ya pembejeo na mahitaji mengine ya uzalishaji, pamoja na kutathmini mapato na matumizi ili kubaini faida inayopatikana.

Vilevile, mafunzo hayo yamewapatia washiriki maarifa ya kuandaa mipango madhubuti ya kifedha kabla ya kuanzisha au kupanua shughuli za kilimo na ufugaji, hatua inayotarajiwa kuwasaidia kutumia rasilimali walizonazo kwa ufanisi zaidi.

Kupitia elimu hiyo, wakulima na wafugaji wanatarajiwa kuwa na uwezo mkubwa zaidi wa kusimamia shughuli zao kiuchumi, kuongeza uzalishaji na kipato, pamoja na kujenga msingi imara wa maendeleo endelevu katika sekta za kilimo na ufugaji.

TBS YAZIDI KUDHIBITI BIDHAA HATARISHI SOKONI

SHIRIKA la Viwango Tanzania (TBS) limetoa tahadhari kwa wananchi kuhusu matumizi ya bidhaa zisizosajiliwa na zisizokidhi viwango vya ubora, likieleza kuwa baadhi ya bidhaa hizo zina viambato vinavyoweza kusababisha madhara makubwa kiafya, ikiwemo saratani na kuvuruga mfumo wa homoni mwilini.

KLINIKI YA KODI KILOMBERO NI KICHEKO KWA WALIPAKODI

   

Kliniki ya Kodi inayofanyika wilayani Kilombero katika mji mdogo wa Ifakara mkoani Morogoro imetajwa kuleta tabasamu kwa Walipakodi wilayani humo kutokana na kutatuliwa papo kwa hapo kwa changamoto za Kodi zilizokuwa zikiwakabili kwa muda mrefu. 

RAIS JOÃO LOURENÇO WA ANGOLA AHITIMISHA ZIARA YA KITAIFA, AONDOKA NCHINI

Rais wa Jamhuri ya Angola, Mhe. João Manuel Gonçalves Lourenço, amehitimisha ziara yake ya kitaifa ya siku tatu nchini na kuondoka kurejea nchini Angola, Oktoba 30, 2026.

Katika ziara hiyo, Rais Lourenço alifanya mazungumzo rasmi na mwenyeji wake, Rais wa Jamhuri ya Muungano wa Tanzania, Mhe. Dkt. Samia Suluhu Hassan, kuhusu masuala mbalimbali ya kuimarisha uhusiano wa kidiplomasia na kupanua ushirikiano wa kiuchumi na maendeleo kati ya mataifa hayo mawili.

Akiwa jijini Dodoma, Rais Lourenço alishiriki hafla ya uzinduzi wa Mji wa Serikali Mtumba pamoja na miundombinu ya barabara zake.

Mheshimiwa Lourenço aliagwa rasmi na mwenyeji wake Rais Samia katika Viwanja vya Ikulu Chamwino Dodoma kabla ya kuelekea Uwanja wa Ndege wa Dodoma.

Katika Uwanja wa Ndege wa Dodoma Mheshimiwa Lourenço alisindikizwa na kuagwa na Waziri wa Ulinzi na Jeshi la Kujenga Taifa Mhe. Dkt. Rhimo Nyansaho (Mb.) Naibu Waziri Mambo ya Nje na Ushirikiano wa Afrika Mashariki Mhe. Dkt. Ngwaru Maghembe, Mkuu wa Mkoa wa Dodoma Mhe. Rosemary Senyamule, Balozi wa Tanzania anayewakilisha Angola mwenye makazi yake Zambia Injinia Cyprian Luhemeja, Balozi wa Heshima wa Tanzania nchini Angola Bw. Mbwana Mziray na viongozi wengine wa Serikali.

RAIS SAMIA, RAIS JOÃO, WAZINDUA KILOMITA 59.1 ZA BARABARA ZA LAMI MJI WA SERIKALI MTUMBA

 

Na: OWM–TAMISEMI, Dodoma

Rais wa Jamhuri ya Muungano wa Tanzania, Mhe. Dkt. Samia Suluhu Hassan, na Rais wa Jamhuri ya Angola, Mhe. João Lourenço, leo Oktoba 30, 2026, wamezindua barabara za Mji wa Serikali Mtumba, jijini Dodoma, zinazowawezesha wananchi kufika katika Wizara na Taasisi za Serikali kupata huduma zinazotolewa na taasisi hizo za umma.

Akitoa taarifa kuhusu barabara hizo zilizojengwa na TARURA, Waziri wa Nchi, Ofisi ya Waziri Mkuu – Tawala za Mikoa na Serikali za Mitaa (OWM–TAMISEMI), Mhe. Prof. Riziki Shemdoe, amesema barabara hizo zina urefu wa kilomita 59.1 ambapo kati ya hizo, kilomita 11.7 ni za njia mbili na kilomita 36 ni za njia moja.

“Mhe. Rais, tuna vituo 52 vya mabasi vilivyojengwa katika barabara hizo. Barabara zote zimewekewa taa 1,635. Pia tumejenga kilomita 59.1 za njia za watembea kwa miguu na kilomita 59.1 za njia za waendesha baiskeli.

 Aidha, ili kuzuia mafuriko katika Mji wa Serikali, tumejenga mabwawa matatu ya kuzuia mafuriko,” ameeleza Prof. Shemdoe.

Sanjari na hilo, Prof. Shemdoe amewashukuru Marais hao kwa kukubali kushiriki uzinduzi wa barabara hizo, huku akimshukuru kipekee Mhe. Rais Dkt. Samia Suluhu Hassan kwa uamuzi wake wa kuzipa baadhi ya barabara majina ya viongozi wakuu wa kitaifa waliopita, akiwemo Hayati Baba wa Taifa, Mwalimu Julius Kambarage Nyerere.

Rais wa Jamhuri ya Muungano wa Tanzania, Mhe. Dkt. Samia Suluhu Hassan, akiwa na Rais wa Jamhuri ya Angola, Mhe. João Lourenço, leo Oktoba 30, 2026, pia amezindua rasmi majengo ya ofisi za Wizara na Taasisi za Serikali na baada ya uzinduzi huo amezungumza na wananchi wa Dodoma.

'KUSTAAFU NI FURSA NYENGINE YA MAISHA'

Mwakilishi wa Mkuu wa mkoa wa Mwanza Bw. Martin Nkwabi,  akifungua mafunzo kwa wastaafu kuhusu huduma za Mfuko wa PSSSF, ambapo wastaafu wa Kanda Ya Ziwa mashariki zaidi ya 100 walipata mafunzo hayo Jijini humo Oktoba 30, 32026

Menaja wa Mfuko wa PSSSF kanda ya Ziwa Mashariki Bw. Rajab Kinande, akizungumza na wastaafu kwenye mafunzo kuhusu huduma za Mfuko wa huo Jijini Mwanza Oktoba 30, 2026.

Baadhi ya wastaafu wa Kanda ya Ziwa Mashariki, waliohudhuria semina ya mafunzo iliyoandaliwa na Mfuko wa PSSSF na kufanyika Jijini Mwanza Oktoba 30, 2026

Baadhi ya wastaafu wa Kanda ya Ziwa Mashariki, waliohudhuria semina ya mafunzo iliyoandaliwa na Mfuko wa PSSSF na kufanyika Jijini Mwanza Oktoba 30, 2026

Baadhi ya wastaafu wa Kanda ya Ziwa Mashariki, waliohudhuria semina ya mafunzo iliyoandaliwa na Mfuko wa PSSSF na kufanyika Jijini Mwanza Oktoba 30, 2026

Menaja wa Mfuko wa PSSSF kanda ya Ziwa Mashariki Bw. Rajab Kinande, akizungumza na wastaafu kwenye mafunzo kuhusu huduma za Mfuko wa huo Jijini Mwanza Oktoba 30, 2026.

Mstaafu Bi. Maria Tibaijuika akizungumza kwenye semina hiyo.

Msimamizi kitengo cha Huduma kwa Wateja PSSSF Kanda ya Ziwa Mashariki  Bi. Happiness Manyenye, akitoa mada kuhusu umuhimu wa mstaafu kujihakiki.

Mwanza oktoba 30, 2026

Na Mwandishi Wetu, Mwanza

KAIMU Mkuu wa Mkoa wa Mwanza Bw. Martin Nkwabi, amesema maisha ya kustaafu ni hatua ya kufunguka kwa fursa mpya ya maisha baada ya kumaliza utumishi na kamwe isichukuliwa kama ndio mwisho wa maisha.

Bw. Nkwabi ameyasema hayo wakati akifungua semina ya mafunzo kwa wastaafu wanaopokea pensheni katika Mfuko wa Hifadhi ya Jamii kwa Watumishi wa Umma (PSSSF) iliyofanyika Jijini Mwanza leo. Mafunzo hayo yameandaliwa na PSSSF ili kuwapatia elimu ya namna ya uwekezaji wa kifedha zao baada ya maisha yao nje ya utumishi.

"Kustaafu si jambo baya hata kidogo, bali ni kitu kizuri sana. Huku ndiko kufunguka kwa fursa zingine mpya baada ya kumaliza utumishi katika taifa letu kwa uaminifu. Huu ni wakati wenu sasa wa kupumzika, kufurahi, na kufanya yale mliyokuwa mkitamani kuyafanya mioyoni mwenu kabla hamjaingia kwenye utumishi, niwapongeze sana PSSSF kwa semina hii," alisema Bw. Nkwabi.

Naye Meneja wa PSSSF Kanda ya Ziwa Mashariki, Bw. Rajab Kinande, amesema mafunzo hayo yanaakisi kaulimbiu ya PSSSF ya Leo. Kesho Pamoja. Amewasihi watumishi na wastaafu watarajiwa kujiandaa mapema kabla ya kustaafu kwa kuweka taarifa zao kwa usahihi badala ya kusubiri hadi siku ya kustaafu, "Mfuko umeboresha utoaji wa huduma zake, ambapo taarifa za wanachama zimehifadhiwa kwenye mfumo hali inayorahisisha upatikanaji wa huduma ikiwemo Mafao.” 

Mstaaafu, Manyama Manyama , ametoa pongezi zake kwa PSSSF kwa kuandaa semina hiyo maalum ya wastaafu, huku akisisitiza umuhimu wa wastaafu kutojiona wanyonge katika jamii kutokana na mchango wao mkubwa walioutoa kwa taifa.