DC ITUNDA AMWAKILISHA RC SAGINI KWENYE MAHAFALI YA TIA MBEYA

📍Awahimiza wahitimu kuwa wabunifu na wazalendo

Na Mwandishi Wetu, Mbeya

MKUU wa Wilaya ya Mbeya, Mhe. Solomon Itunda, amemwakilisha Mkuu wa Mkoa wa Mbeya, Mhe. Jumanne Sagini, katika mahafali ya Chuo cha Uhasibu Tanzania (TIA), Kampasi ya Mbeya, ambapo amewapongeza wahitimu kwa kuhitimu mafanikio ya masomo yao na kuwataka kutumia elimu na ujuzi walioupata kuleta mabadiliko chanya katika jamii na taifa kwa ujumla.

Akizungumza wakati wa mahafali hayo, Mhe. Itunda amewahimiza wahitimu hao kuwa wabunifu, wazalendo na wenye maadili mema katika utekelezaji wa majukumu yao, akisisitiza kuwa elimu waliyoipata inapaswa kuwa nyenzo thabiti ya kutatua changamoto za kijamii, kuongeza tija mahali pa kazi, na kutumia fursa zilizopo kujiajiri badala ya kusubiri ajira pekee.

Aidha, aliwataka waendelee kuendana na kasi ya mabadiliko ya sayansi na teknolojia pamoja na mahitaji ya soko la ajira la sasa kwa kujifunza bila kuchoka, akibainisha kuwa mafanikio ya kijana mmoja mmoja na taifa kwa ujumla yanategemea uwezo wa vitendo, ubunifu, na uwajibikaji.

Katika hotuba yake, Mhe. Itunda ametumia fursa hiyo kumpongeza Rais wa Jamhuri ya Muungano wa Tanzania, Mhe. Dkt. Samia Suluhu Hassan, kwa uwekezaji mkubwa unaofanywa na Serikali katika sekta ya elimu, ikiwemo uboreshaji wa mazingira ya kujifunzia na kufundishia, uimarishaji wa miundombinu ya elimu ya juu, na upanuzi wa fursa za elimu kwa vijana wa Kitanzania, uwekezaji ambao ni nguzo kuu ya kujenga nguvu kazi yenye ushindani.

Pia, ameupongeza uongozi wa Chuo cha TIA kwa juhudi zake thabiti za kutoa elimu inayokidhi mahitaji halisi ya soko la ajira, na kumshukuru Mkuu wa Mkoa, Mhe. Jumanne Sagini, kwa imani na ushirikiano anaoendelea kumpa katika kumwakilisha kwenye shughuli mbalimbali za kiserikali mkoani hapo.

Mwisho

TUME YA TAIFA YA UNESCO YASHIRIKI JUKWAA LA NNE LA KIMATAIFA LA MAADILI YA AKILI UNDE RIYADH RIYADH, SAUDI ARABIA:

 Tume ya Taifa ya UNESCO ya Jamhuri ya Muungano wa Tanzania inashiriki katika Jukwaa la Nne la Kimataifa la Maadili ya Akili Unde linaloendelea mjini Riyadh, Saudi Arabia, likiwakutanisha wawakilishi kutoka nchi mbalimbali duniani kujadili namna ya kuhakikisha maendeleo na matumizi ya akili unde yanaongozwa na maadili, uwajibikaji na kuhudumia maslahi ya jamii.

Jukwaa hilo linatoa nafasi kwa nchi na wadau mbalimbali kubadilishana uzoefu na kujadili masuala yanayohusu mustakabali wa akili unde, ikiwemo namna ya kuimarisha mifumo ya sera na utawala, kujenga uwezo na kuhakikisha teknolojia hiyo inatumika kwa kuzingatia haki za binadamu, usalama, usawa na uwajibikaji.

Kwa Tume ya Taifa ya UNESCO, ushiriki huo ni sehemu ya kuendelea kuunganisha Tanzania na UNESCO katika mijadala na ajenda za kimataifa zinazohusu sayansi, teknolojia, elimu, utamaduni na maendeleo ya jamii.

Tume inawakilishwa katika jukwaa hilo na Bi Fides Mallya, Afisa Programu kutoka Sekta ya Sayansi Jamii ya Tume ya Taifa ya UNESCO ya Jamhuri ya Muungano wa Tanzania, anayeshiriki katika shughuli na mijadala mbalimbali inayoendelea katika jukwaa hilo.

TUME YASHIRIKI MJADALA WA AFRIKA

Katika jukwaa hilo, Tume ya Taifa ya UNESCO inashiriki pia katika mjadalawa viongozi na wadau kutoka Afrika unaolenga kujadili namna bara hilo linavyoweza kuwezeshwa ili kunufaika kikamilifu na maendeleo ya teknolojia ya akili unde.

Mjadala huo unaangazia umuhimu wa Afrika kuimarisha uwezo wake katika sayansi, teknolojia, utafiti, ubunifu na ujuzi wa kidijitali, pamoja na kujenga mazingira bora ya kisera na kitaasisi yatakayowezesha matumizi salama na yenye tija ya akili unde.

Kwa kushiriki katika mjadala huo, Tume inaendelea kufuatilia mwelekeo wa kimataifa kuhusu akili unde na kuchangia katika mijadala inayolenga kuhakikisha maendeleo ya teknolojia hiyo yanazingatia mahitaji ya jamii na yanachangia maendeleo jumuishi na endelevu.

USHIRIKI WA TUME WAIUNGANISHA TANZANIA NA UNESCO

Ushiriki wa Tume katika jukwaa hilo unaonesha nafasi yake muhimu kama kiungo kati ya Tanzania na UNESCO, kwa kuwezesha ushiriki wa nchi katika mijadala, programu na ajenda za UNESCO katika ngazi ya kimataifa.

Kupitia majukwaa hayo, Tume inaendelea kufuatilia maendeleo na mwelekeo wa kimataifa katika maeneo ya UNESCO, kubadilishana uzoefu na nchi nyingine na kutafuta fursa za ushirikiano zinazoweza kuchangia maendeleo ya Tanzania.

Katika eneo la akili unde, ushiriki huo unaipa Tume fursa ya kufuatilia mijadala kuhusu maadili, utawala na matumizi yanayowajibika ya teknolojia hiyo, huku ikiendelea kuhusisha mijadala ya kimataifa na mahitaji ya maendeleo ya Tanzania.

UJUMBE WA TUME WAKUTANA NA BALOZI

Katika mwendelezo wa ushiriki wa Tume katika jukwaa hilo, ujumbe wa Tanzania unaoshiriki katika shughuli za jukwaa umepata fursa ya kufanya kikao na Balozi wa Tanzania nchini Saudi Arabia.

Kikao hicho kimekuwa fursa ya kubadilishana taarifa kuhusu ushiriki wa Tanzania katika jukwaa hilo na kuimarisha uratibu kati ya ujumbe wa Tanzania na Ubalozi wa Tanzania nchini Saudi Arabia katika masuala yanayohusu shughuli za kimataifa.

Jukwaa la Nne la Kimataifa la Maadili ya Akili Unde linaendelea mjini Riyadh likiwa sehemu ya juhudi za kimataifa za kuimarisha ushirikiano katika kuhakikisha maendeleo ya akili unde yanaenda sambamba na maadili, uwajibikaji, haki za binadamu na maendeleo jumuishi.

ENG.JOYCE BARAVUGA- SHULE ZIHAKIKISHE MAFUNZO YA TEHAMA YANAENDELEA

Mratibu wa Mafunzo ya Kidijitali kutoka Ofisi ya Waziri Mkuu – Tawala za Mikoa na Serikali za Mitaa (TAMISEMI), Eng. Joyce Baravuga, amesema mafanikio ya Mradi wa Kuziba Pengo la Kidijitali: Kuhakikisha Elimu ya Ujuzi wa Kidijitali Inayozingatia Usawa wa Kijinsia kwa Wanawake na Wasichana (Closing the Digital Divide: Ensuring Gender-Transformative Digital Skills Education for Women and Girls) yatategemea kwa kiasi kikubwa utayari wa shule kuendeleza mafunzo na shughuli za Klabu za TEHAMA (ICT Clubs) baada ya kumalizika kwa Kambi ya Mafunzo (Boot Camp).

Eng. Baravuga amewapongeza wakuu wa shule zilizochaguliwa kushiriki katika programu hiyo, akisema utayari na uthubutu wa shule ni miongoni mwa vigezo vilivyozingatiwa katika uteuzi.

Amesema shule hizo zinapaswa kuwa wadau muhimu wa programu hiyo kwa kuhakikisha maarifa na ujuzi unaopatikana kupitia mafunzo unaendelea kutumika shuleni na kuwafikia wanafunzi wengine.

Amewataka walimu na wakuu wa shule kuhakikisha Klabu za TEHAMA zinaendelea baada ya wanafunzi kurejea shuleni, ili kuwapa wasichana nafasi ya kuendelea kujifunza, kufanya mazoezi na kuendeleza ubunifu wao katika teknolojia.

Aidha, amewataka walimu, hususan wanaohusika na TEHAMA, kushiriki kikamilifu katika mafunzo hayo na kuhakikisha maarifa yanayopatikana hayabaki kwa wanafunzi walioshiriki pekee, bali yanawafikia wanafunzi wengine shuleni.

Eng. Baravuga pia amesisitiza umuhimu wa kukusanya taarifa za utekelezaji wa shughuli za mafunzo kila siku, akisema taarifa hizo zitasaidia kupima mafanikio ya programu, kubaini changamoto na mapungufu, pamoja na kuweka msingi wa kuboresha utekelezaji katika hatua zijazo.

Amesema ukusanyaji wa taarifa kwa wakati utasaidia pia kutambua maeneo yanayohitaji kupewa msukumo zaidi na kuhakikisha malengo ya programu yanafikiwa.

Vilevile, amesisitiza umuhimu wa wanafunzi kuchaguliwa kwa kuzingatia vigezo vilivyowekwa bila upendeleo, ili kuhakikisha fursa zinazotolewa kupitia programu hiyo zinawafikia walengwa kwa usawa.

Eng. Baravuga amesema ushiriki wa shule, walimu na viongozi wa shule ni muhimu katika kuhakikisha Kambi ya Mafunzo haibaki kuwa tukio la muda mfupi, bali inakuwa mwanzo wa kujenga mazingira endelevu ya kujifunza, kutumia na kubuni kupitia TEHAMA miongoni mwa wanafunzi.

DR.FAITH SHAYO : LER US BUILD GIRLS INTEREST IN ICT

MOROGORO. Dr. Faith Shayo has called for greater efforts to build girls’ interest, confidence and enthusiasm in Information and Communication Technology (ICT), saying that creating interest is an important first step towards encouraging more girls to participate in technology.

Speaking during preparations for the ICT Boot Camp in Morogoro, Dr. Shayo said the programme is not primarily about providing girls with digital devices, but about helping them develop an interest in technology and understand its potential to improve their lives and communities.

She said access to devices remains important, but the immediate priority is to give girls the opportunity to learn, explore technology and develop the confidence to use it creatively.

“We want to build girls’ interest and enthusiasm in ICT. We want them to see that they can use technology to develop solutions to challenges in their communities,” she said.

Dr. Shayo said a key outcome of the programme is the establishment and strengthening of ICT Clubs in participating schools, providing girls with a space where they can continue learning, practising their skills and developing innovative ideas beyond the Boot Camp.

The programme is expected to reach 500 girls, with activities continuing after the Boot Camp. The girls will return to their schools and continue participating in ICT Club activities under the guidance of teachers and school leaders.

She said experts will continue visiting the schools to follow up on the progress of the clubs, while Project Coordinator Mr. Ginarious Ernest will also visit selected schools as part of the follow-up process.

Dr. Shayo said the practical nature of the Boot Camp is intended to help girls move beyond simply learning about technology and begin exploring how ICT can be used to address real challenges in their communities.

The Boot Camp is scheduled to officially begin tomorrow at Kilakala Secondary School in Morogoro, bringing together girls from 10 schools as part of the UNESCO-BNU project, “Closing the Digital Divide: Ensuring Gender-Transformative Digital Skills Education for Women and Girls.”

UNESCO PUTS GIRLS AT THE HEART OF TANZANIA’S DIGITAL FUTURE

The room comes alive as the girls settle into their groups.

Around the tables, conversations begin.

One idea leads to another as the students share their views, listen to their colleagues and work together to understand the challenges they have been given.

As part of the UNESCO-BNU project, this is learning by participation.

The girls are not sitting back and waiting for answers.

They are thinking for themselves, exchanging ideas and challenging one another as they work towards a common solution.

You can see the teamwork taking shape.

Some students speak. Others listen carefully. Ideas are added, discussed and refined.

What looks like a simple classroom discussion is becoming something much bigger—a practical exercise in critical thinking, collaboration and confidence.

And gradually, each group begins to shape its ideas into something they can share.

The discussions continue, the ideas become clearer, and the girls prepare for the next moment.

It is time to stand up and let the whole class hear what they have created together.

NECTA: WATAHINIWA MILIONI 1.16 KUFANYA MTIHANI WA DARASA LA SABA

Baraza la Mitihani la Tanzania (NECTA) limetangaza kuwa Mtihani wa Kumaliza Elimu ya Msingi (PSLE) kwa mwaka 2026 utafanyika Septemba 9 na 10, ukihusisha watahiniwa 1,168,649 kutoka shule 20,019 nchini.

Katibu Mtendaji wa NECTA, Prof. Said A. Mohamed, amesema kati ya watahiniwa hao, wavulana ni 531,467 sawa na asilimia 45, huku wasichana wakiwa 637,182 sawa na asilimia 55.


Amesema watahiniwa 1,081,204 sawa na asilimia 93 watafanya mtihani kwa Kiswahili, huku 87,445 sawa na asilimia saba wakifanya kwa lugha ya Kiingereza.


Kwa mujibu wa Prof. Mohamed, watahiniwa wenye mahitaji maalumu 4,867 pia wamesajiliwa kufanya mtihani huo. Kati yao, 82 ni wasioona, 1,591 wenye uoni hafifu, 999 wenye uziwi, 576 wenye ulemavu wa akili na 1,619 wenye ulemavu wa viungo.


Amesema masomo yatakayotahiniwa ni Kiswahili, English Language, Sayansi na Teknolojia, Hisabati, Maarifa ya Jamii na Stadi za Kazi, pamoja na Uraia na Maadili.


Prof. Mohamed amesema mtihani huo ni wa mwisho kufanyika kwa kutumia mtaala wa sasa, huku ukilenga kupima maarifa na ujuzi walioupata wanafunzi katika miaka saba ya elimu ya msingi na kutumika katika mchakato wa uchaguzi wa wanafunzi wanaojiunga na elimu ya sekondari.


Amesema maandalizi yote ya mtihani huo yamekamilika, yakiwemo usambazaji wa karatasi za mitihani na nyaraka muhimu katika halmashauri zote nchini, mafunzo kwa wasimamizi pamoja na kuweka mikakati ya kuhakikisha usalama wa vituo vya mitihani.


Amewataka wasimamizi wa mitihani kutekeleza majukumu yao kwa uadilifu na kuzingatia kanuni za mitihani, huku wakihakikisha watahiniwa wote wanapata fursa ya kufanya mtihani kwa muda uliopangwa.


Kwa watahiniwa wenye mahitaji maalumu, amesema NECTA imeweka utaratibu wa kuwapatia maandishi ya nukta nundu kwa wasioona, maandishi yaliyokuzwa kwa wenye uoni hafifu na muda wa ziada wa dakika 20 kwa kila saa katika somo la Hisabati na dakika 10 kwa kila saa kwa masomo mengine.


Aidha, amewataka watahiniwa kuepuka vitendo vya udanganyifu, akisisitiza kuwa matokeo ya mwanafunzi atakayebainika kufanya udanganyifu yatafutwa kwa mujibu wa kanuni.


Amewataka wamiliki na wakuu wa shule kutokuingilia majukumu ya wasimamizi wakati wa mtihani, akionya kuwa NECTA inaweza kufuta kituo cha mtihani endapo itabaini uwepo wake unahatarisha usalama wa mtihani.


Pia ameitaka jamii kutoa ushirikiano kwa kuhakikisha mitihani inafanyika kwa amani na utulivu, ikiwemo kuheshimu maeneo ya mitihani na kuepuka kuingia shuleni wakati wa uendeshaji wa mtihani.


NECTA imetoa wito kwa wananchi kutoa taarifa za vitendo vya udanganyifu kupitia namba 0759 360 000 au barua pepe esnecta@necta.go.tz.


Mtihani huo utafanyika Jumatano, Septemba 9, na Alhamisi, Septemba 10, 2026.