Naibu Waziri wa Mambo ya Nje na Ushirikiano wa Afrika Mashariki, Cosato Chumi akizungumza kwa niaba ya Waziri wa Mambo ya Nje na Ushirikiano wa Afrika Mashariki, Balozi Mahmoud Thabit Kombo baada ya kusainiwa kwa tamko la makubaliano ya kuendelea kuunga mkono jitihada za maendeleo Desemba 10, 2024 jijini Dar es Salaam.Na Dotto Mwaibale, Dar es Salaam
SERIKALI ya Jamhuri ya Muungano wa Tanzania na Umoja wa Ulaya zimesaini
Tamko la makubaliano ya kuendelea kuunga mkono jitihada za maendeleo kwa faida
za pande zote mbili.
Naibu Waziri wa Mambo ya Nje na Ushirikiano wa Afrika Mashariki,
Cosato Chumi akizungumza kwa niaba ya Waziri wa Mambo ya
Nje na Ushirikiano wa Afrika Mashariki, Balozi Mahmoud Thabit Kombo baada ya
kusainiwa kwa tamko hilo Desemba 10, 2024 jijini Dar es Salaam alisema ushirikiano huo ni wa muhimu sana.
“Majadiliano haya ya leo ni sehemu ya utekelezaji wa Mkataba wa Samoa,
uliosainiwa mwaka 2023, ambao unaelekeza umuhimu wa kuwa na majadiliano ya mara
kwa mara kati ya Umoja wa Ulaya na Nchi za Afrika, Karibiani, na Pasifiki
(ACP). “ alisema.
Alisema Tanzania ni moja ya nchi
wanachama wa kundi la ACP, ambayo inaendelea kutekeleza wajibu wake kwa
kushiriki kikamilifu kwenye majadiliano hayo muhimu kila mwaka kwa lengo la
kuimarisha ushirikiano wa kimkakati na Umoja wa Ulaya.
Chumi alisema majadiliano hayo yalijielekeza zaidi katika masuala
yanayogusa maslahi ya pande zote, ikiwa ni pamoja na utawala bora, demokrasia,
usalama wa baharini, biashara na uwekezaji, na ulinzi na usalama kikanda na
kimataifa.
Chumi alitaja baadhi ya maazimio yaliyofikiwa kwenye mkutano huo ambapo
alisema kuwa Tanzania na Umoja wa Ulaya zimedhamiria kuimarisha zaidi
ushirikiano wa pande mbili chini ya Mkataba wa Samoa. Ushirikiano huo unaendana
na Dira ya Maendeleo ya Taifa ya 2020- 2025 na Mpango wa Tatu wa Maendeleo ya
Miaka Mitano ambapo pande zote mbili zimekubaliana kuongeza ushirikiano ili
kuhakikisha matokeo chanya na yenye manufaa kwa wananchi.
Aidha Chumi kwa niaba ya Tanzania akizungumzia ushirikiano wa maendeleo
liushukuru Umoja wa Ulaya kwa msaada wake endelevu kupitia mfumo wa mpango wake
wa maendeleo wa majirani na ushirikiano wa wa kimataifa ambao umeweka Uro 726
Milioni kwa Tanzania.
Alisema fedha hizo zimewezesha kutekeleza miradi muhimu katika sekta ya
nishati , uchumi wa buluu, mabadiliko ya tabia nchi na mpango wa miji kuwa ya
kijani.
Kwa upande wake Mkurugenzi Mtendaji wa Umoja wa Ulaya anayeshughulikia
Kanda ya Afrika katika Kurugenzi ya Huduma za Nje ya Umoja wa Ulaya (Europeana
External Action Service), Balozi Ritha Maria Laranjinha alihimiza kudumisha
ushirikiano huo kwa ajili ya maslahi mapana ya wananchi.
EmoticonEmoticon