DKT JAKAYA MRISHO KIKWETE AONGOZA MKUTANO WA KAMPENI JIMBO LA WELEZO VISIWANI ZANZIBAR LEO

Mwenyekiti wa CCM na Rais Mstaafu wa Awamu ya Nne Dkt Jakaya Mrisho Kikwete leo Agosti 12, 2025 akihutubia wana-CCM na kuwaombea kura wagombea urais, uwakilishi, ubunge na udiwani wa chama hicho katika mkutano wa hadhara wa kampeni uliofanyika uwanja wa Skys Masingini jimbo la Welezo wadi ya Mtofaani Shehia ya Hawaii wilaya Magharibi A mkoa wa mjini Magharibi uliohudhuriwa na mamia ya wananchi.

Mwenyekiti wa CCM na Rais Mstaafu wa Awamu ya Nne Dkt Jakaya Mrisho Kikwete leo Agosti 12, 2025 akimnadi mgombea uwakilishi Mhe. Hassan Hafidh "Diaspora" baada ya kumkabidhi Ilani ya Chama katika mkutano wa hadhara wa kampeni uliofanyika uwanja wa Skys Masingini jimbo la Welezo wadi ya Mtofaani Shehia ya Hawaii wilaya Magharibi A mkoa wa mjini Magharibi leo Agosti 12, 2025.

Mwenyekiti wa CCM na Rais Mstaafu wa Awamu ya Nne Dkt Jakaya Mrisho Kikwete leo Agosti 12, 2025 akimnadi mgombea ubunge Bi. Asma Ali Hassan Mwinyi baada ya kumkabdihi ilani ya chama katika mkutano wa hadhara wa kampeni uliofanyika uwanja wa Skys Masingini jimbo la Welezo wadi ya Mtofaani Shehia ya Hawaii wilaya Magharibi A mkoa wa mjini Magharibi leo Agosti 12, 2025.

Sehemu ya wananchi waliohudhuria mkutano wa hadhara wa kampeni uliofanyika uwanja wa Skys Masingini jimbo la Welezo wadi ya Mtofaani Shehia ya Hawaii wilaya Magharibi A mkoa wa mjini Magharibi leo Agosti 12, 2025.

Mwenyekiti wa CCM na Rais Mstaafu wa Awamu ya Nne Dkt Jakaya Mrisho Kikwete akipata picha ya kumbukumbu na wananchi wenye ulemavu wana-CCM na wagombea uwakilishi, ubunge na udiwani wa chama hicho baada ya mkutano wa hadhara wa kampeni uliofanyika uwanja wa Skys Masingini jimbo la Welezo wadi ya Mtofaani Shehia ya Hawaii wilaya Magharibi A mkoa wa mjini Magharibi uliohudhuriwa na mamia ya wananchi.

Zanzibar, Agosti 12, 2025 — Mwenyekiti wa Chama Cha Mapinduzi (CCM) na Rais Mstaafu wa Awamu ya Nne, Mheshimiwa Dkt. Jakaya Mrisho Kikwete, leo ameungana na wana-CCM katika mkutano mkubwa wa hadhara uliofanyika Uwanja wa Skys Masingini, Jimbo la Welezo, Wadi ya Mtofaani, Shehia ya Hawaii, Wilaya ya Magharibi A, Mkoa wa Mjini Magharibi, kuwaombea kura wagombea wa chama hicho kuanzia urais, uwakilishi, ubunge hadi udiwani.

Wimbi la watu, nyimbo za CCM na rangi za kijani na dhahabu zilitawala uwanjani, huku umati wa wananchi kutoka Shehia ya Hawaii, Wadi ya Mtofaani na vitongoji jirani ukijitokeza kwa wingi kumkaribisha kiongozi huyo kwa shangwe na nderemo.

Katika hotuba yake, Dkt. Kikwete aliwaombea kura wagombea wote wa CCM, akiwemo Dkt. Samia Suluhu Hassan kwa nafasi ya Rais wa Jamhuri ya Muungano wa Tanzania, na Dkt. Hussein Ali Mwinyi kwa nafasi ya Rais wa Zanzibar. Aliwasifu viongozi hao akisema wamefanya makubwa katika kipindi cha miaka mitano iliyopita na ni wao pekee wenye nia, uzoefu na uwezo wa kuendeleza maendeleo ya nchi bara na visiwani kwa ufanisi mkubwa.

Aidha, aliwaombea kura na kuwakabidhi ilani ya CCM wagombea wa jimbo la Welezo akiwemo Hassan Hafidh “Diaspora”, anayewania uwakilishi, na Asma Ali Hassan Mwinyi, mgombea wa ubunge, Pamoja wagombea wa udiwani, akiwataja kuwa vijana wenye uwezo, weledi na dhamira ya kuinyanyua Welezo katika nyanja zote za kijamii na kiuchumi.

“Katika miaka mitano iliyopita tumeona maendeleo makubwa — barabara zimejengwa, shule zimeboreshwa, na vituo vya afya vimeongezeka. Haya yote ni matokeo ya uongozi wa CCM,” alisema Dkt. Kikwete huku umati ukilipuka kwa makofi na vigelegele.

Zaidi ya siasa, alisisitiza umuhimu wa kudumisha amani visiwani, akipongeza hali ya utulivu iliyoshuhudiwa katika kampeni za mwaka huu.

 “Ninafurahia kuona Zanzibar ya leo ikiwa tulivu, watu wakifanya siasa kwa upendo na ustaarabu. Huu ni ushahidi wa ukomavu wa kisiasa na jambo la kujivunia,” alisema huku akitabasamu.

Wananchi walionekana kuguswa na ujumbe wake wa amani. Mzee Juma Khamis Ali wa Mtofaani alisema, “Tangu enzi zake Kikwete amekuwa mtu wa amani; akizungumza ni kama mzazi anawashauri watoto wake.”

 Naye Asha Hussein Ame wa Shehia ya Hawaii aliongeza, “Tunamkubali kwa sababu hakuwahi kuja na maneno ya chuki, bali ya umoja na maendeleo.”