📌 *Aipongeza TANESCO kwa kazi nzuri.*
📌 *Asema kituo cha Lemuguru kitakuza biashara ya umeme na nchi jirani*
Naibu Katibu Mkuu wa Wizara ya Nishati, Dkt. Khatibu Kazungu amekagua vituo vya umeme vya Lemuguru na Njiro mkoani Arusha na kuipongeza TANESCO kwa kazi kubwa iliyofanyika ya ujenzi wa vituo hivyo.
"Nachukua nafasi kulipongeza Shirika la Umeme Tanzania (TANESCO) kwa kazi kubwa iliyofanyika katika vituo hivi na hii ni njia ya kukuza uchumi wa Tanzania na pia kuongeza fursa kwa wananchi kupata huduma bora ya umeme."Amesema Dkt. Kazungu
Dkt. Kazungu amesema Tanzania inapata fursa ya kuuza umeme Kenya kupitia kituo cha Lemuguru na kwa baadaye kupitia kituo hicho hicho cha Lemugru umeme utauzwa kwenda Ethiopia na hivyo kuwa na nafasi kubwa zaidi kuongoza kiuchumi Afrika
Mashariki.
Kuhusu kituo cha Njiro amesema ukarabati unaendelea kufanyika kwa usimikaji wa Transfoma ili kuongeza nguvu ya kituo na utoaji wa umeme wa uhakika.
 |
Dkt.Kazungu amemtaka Mkandarasi katika kituo hicho kuendelea na kazi usiku na mchana ili ikamilike ndani ya siku 28 kwani ukomo wa kandarasi yake ni 28 Februari 2025.
 |
Pia ameitaka TANESCO kuilinda miundombinu ya umeme ambayo Serikali inatumia gharama kubwa kuijenga.
 |
EmoticonEmoticon