Mkuu wa wilaya ya korogwe,Mhandisi Robart
Gabriel kushoto akizungumza na askari katika msitu wa kijiji cha Kijungumoto
kata ya Mashewa kabla ya kuanza zoezi la uteketezaji wa mashamba ya
bangi wilayani Korogwe
Ofisa Upelelezi Mkoani wa Tanga,Amedeus Tesha akishiriki uvunaji bangi.
DC Korogwe,Robart akizungumza na askari wa jeshi la polisi ambao wameshiriki zoezi hilo.
Bangi ambayo imeshavunwa.
Baadhi ya askari wa FFU tanga wakiwa wamepumzika baada ya zoezi la uvunaji.
Mkuu wa wilaya ya korogwe,mhandisi Robart akichoma bangi baada ya kuivuna.
Pichani mkono wa kulia ni mkuu wa wilaya korogwe,Robart akiongea na viongozi wa kijiji cha kijungumoto kushoto.
NA SOPHIA WAKATI,KOROGWE
NA SOPHIA WAKATI,KOROGWE
EKARI 25 za
mashamba ya bangi zimefyekwa huku zikiteketezwa kwa moto katika kitongoji
cha Nembwibwi,kijiji cha Kijungumoto kata ya Mashewa iliyopo wilayani Korogwe
hatua ambayo imeelezwa kuwa ni mkakati wa serikali katika kutokomeza
madawa ya kulevya ili kuokoa nguvu kazi.
Operesheni
ya kuharibu mashamba hayo imeongozwa na mkuu wa wilaya ya Korogwe
Robert Gabriel ambaye ni mwenyekiti wa kamati ya ulinzi na Usalama
wilayani humo akiwa ameshirikiana na maafisa wa vyombo vya ulinzi na
usalama,askari polisi,magereza na wale wa kutoka uhamiaji.
Kwa
mujibu wa mkuu huyo wa wilaya Mhandisi Robert Gabriel ni kwamba taarifa
za uwepo wa mashamba hayo alizipata kupitia kwa wasamaria wema na ndipo
uchunguzi ukafanyika hatua iliyowezesha operesheni kufanyika kwa siku
mbili mfululizo huku wahusika na bangi wakisakwa.
Akizungumza
na waandishi wa habari mjini Korogwe mkuu huyo wa wilaya
alisema,Korogwe bila uwepo wa madawa ya kulevya inawezekana na kwamba
operesheni hiyo ambayo imeanza itakuwa endelevu lengo likiwa kupiga
marufuku kabisa uwepo wa bangi na bidhaa nyingine haramu.
Pamoja
na hayo,mkuu huyo wa wilaya alielezea kusikitishwa kwake na viongozi wa
serikali za vijiji hasa wevyeviti na watendaji kutokuonyesha
ushirikiano madhubuti katika kufanikisha vita hivyo dhidi ya madawa ya
kulevya ambapo alisema kuanzia sasa hatua za kisheria zitachukuliwa
dhidi yao.
Gabriel
alisema,inashangaza kuona kwamba bangi imekuwa ikilimwa kwa wingi tena
kwa muda mrefu kwenye baadhi ya maeneo huku viongozi hao wakidai kukosa
taarifa juu ya uwepo wa mashamba hayo mazingira ambayo yanatia wasiwasi
juu ya uadilifu wao na kwamba wakati wa wao kubadilika umefika.
"Hii
haitawezekana,kuanzia sasa kiongozi ambaye atashindwa kutoa taarifa
kama eneo lake kuna shamba la bangi ama kuna jambo lolote haramu
linaendelea tutamchukulia hatua kali za kisheria,hivi inawezekanaje
kiongozi ndani ya eneo lake la utawala hajui kinachoendelea"alihoji DC.
Uamuzi
huo wa DC Gabriel kuwashughulikia kisheria viongozi wa vijiji umekuja
baada ya kuomba kutajiwa wahusika wa mashamba ya zao la Bangi huko
kitongoji cha Nembwibwi ambapo kila kiongozi aliyemuuliza alidai kuwa
hakuwa akifahamu kama kulikuwa na kilimo hicho cha bangi.
Kaimu
afisa mtendaji wa kata ya Mashewa Hamisi Shekigeda alipoulizwa na mkuu
wa wilaya Robert Gabriel kama anafahamu kwenye eneo lake la kazi
kulikuwa na mashamba ya bangi alijibu kwamba hakuwa akijua lolote hadi
pale alipofika kwenye eneo hilo alikoitwa akielezwa operesheni
inafanyika.
Alitanabaisha
kuwa yeye (Shekigenda) hakuwa akifika kwenye eneo hilo kwa vile
lilikosa kufahamika ni nani hasa mmiliki wake halali kutokana na kuwepo
kwa mgogoro kati yao watu wa Korogwe na Lushoto huku kila upande ukidai
kuwa na haki ya kulimiliki eneo hilo la ardhi.
Naye
mwenyekiti wa serikali ya kijiji cha Kijungumoto Katuni Ally alimueleza
DC Robert Gabriel kuwa hakuwa akifahamu iwapo eneo hilo kunaendeshwa
kilimo cha zao haramu la Bangi ambapo aliahidi kuendelea kushirikiana na
serikali kwa karibu ili kutokomeza kilimo hicho cha zao hilo.
Licha
ya ahadi hizo DC Robert Gabriel aliahidi kufanya ufuatiliaji wa karibu
kukomesha vitendo vyote haramu wilayani mwake huku akisistiza kuwa
ushirikiano unahitaji kwa wadau wote hatua ambayo itaweza kuliokoa Taifa
huku akisistiza kusema kuwa Korogwe bila ya dawa za kulevya
inawezekana.