KOCHA MSAIDIZI wa Coastal Union ya
Tanga, Jamhuri Kiwelu “Julio”amesema ushindi wa timu hiyo katika mechi ya Ligi
kuu ya Vodacom Tanzania bara dhidi yao na Mgambo Shooting imempa nguvu ya
kwenda kujipanga vema kuhakikisha timu hiyo inapata ushindi dhidi ya Kagera
Sugar.
Julio alitoa kauli hiyo mwishoni mwa
wiki mara baada ya kumalizika mechi hiyo
ilichezwa jana kwenye uwanja wa CCM Mkwakwani ambapo ilimalizika kwa Coastal
Union kuibuka na ushindi wa bao 1-0,bao hilo likifungwa na Yayo Kato Lutimba
baada ya kumalizika kazi nzuri iliyofanywa na Selemani Kibuta.
Alisema ushindi huo umeifungulia
milango ya ushindi timu hiyo kwenye mechi zao zilizosalia kwenye michuano hiyo
hivyo watafanya maandalizi kabambe ambayo yataiwezesha timu hiyo kutisha kwenye
ligi hiyo.
Aidha alisema kuwa dhamira yao ni
kuhakikisha timu hiyo inapata ushindi wa kishindo kila mchezo lengo likiwa
kuiondoka nafasi iliyopo ili kuweza kusogea kwenye juu kwenye msimamo wa Ligi
hiyo kwa kuweka mipango itakayokuwa ikitekelezeka.
“Nataka kukuambia kuwa safari hii ndio imeanza hivyo tunatoa tahadhari
kwa timu tutakazokutana nao kwenye michuano hii kwa sababu tumedhamiria
kubadilika na kupata ushindi kwa sababu ya ubora wa kikosi chetu “Alisema
Julio.
Hata hivyo ataanza kazi nyengine
kuanzia leo mazoezi kwa umakini mkubwa ili kuiwezesha timu hiyo
kuendeleza wimbi la ushindi kwenye mechi yao ijayo itakayochezwa kwenye uwanja
wa CCM Mkwakwani wikiendi ijayo.
“Hii ndio kazi tumeianza sasa tunarudi na kufanya kazi kubwa hivyo
nataka niwaambie mjitokeze kwenye mechi ijayo dhidi ya Kagera Sugar njoo uone
kitakachotokea kwenye mchezo huo “Alisema Kocha huyo.
EmoticonEmoticon