SASA KESI ZA MAPENZI HADI KWA MADOGO: MWANAFUNZI WA KIKE WA KIDATO CHA TATU ACHOMWA KISU TUMBONI NA MWANAFUNZI MWENZAKE WA KIKE KWA WIVU WA MAPENZI‏

Na Walter Mguluchuma .Mpanda Katavi

Mwanafunzi wa kidato cha tatu katika shule ya Sekondari ya Istiqama iliyoko mjini Mpanda Mkoa wa Katavi (17) jinalake limehifadhiwa amejeruhiwa kwa kuchomwa na kisu mara mbili tumboni na mwanafunzi mwenzake wa kike (15) wa kidato cha tatu wa shule hiyo kwa kisa cha kugombea mwanaume.

Kwa mujibu wa Kamanda wa Polisi wa Mkoa wa Katavi Kamishina Dhahiri Kidavashari alisema tukio hilo la mwanafunzi huyo kuchomwa kisu tumboni mara mbili lilitokea hapo Desemba 14 mwaka huu majira ya saa kumi na mbili na nusu jioni katika eneo la mtaa wa Kashaulili mjini hapa

Siku hiyo ya tukio mwanafunzi huyo aliyejeruhiwa alimtumia ujumbe wa mfupi wa simu ya mkononi ya kumtukana mwanafunzi mwenzake wa kike wa kidato cha tatu wa shule hiyo ya Sekondari ya Istiqama akimtaka pia aache mahusiano ya kimapenzi na mwanaume ambae ni mpenzi wake na aliyejeruhiwa

Alisema kutokana na ujumbe huo wa matusi ulipelekea siku hiyo wanafunzi hao wa kike walipokutana kutokee ugomvi baina yao katika eneo hilo la Mtaa wa Kashaulili

Kamanda Kidavashari alieleza ndipo wakati wa ogomvi huo mwanafunzi huyo alipo chomwa kisu mara mbili tumboni hari ambayo ilimfanya apige mayowe ya kuomba msaada na watu waliokuwepo jirani na eneo hilo walifika na kumkamata mtuhumiwa na kumfikisha kituo cha polisi cha Wilaya ya Mpanda

Kidavashari alisema majeruhi amelazwa katika Hospitali ya Wilaya ya Mpanda akiendelea kupatiwa matibabu huku hali yake ikiwa inaendelea vizuri

Mtuhumiwa tayari amefikishwa katika mahakama ya Wilaya ya Mpanda hapo kujibu mashitaka ya kumchoma kisu mwanafunzi mwenzake

Chanzo sangafesto.blogspot.com