 |
| MKUU WA WILAYA YA MUHEZA,SUBIRA MGALU AKIKAGUA TIMU YA IFM LEO |
TIMU ya Kiwanda Cha Cement Mkoani Tanga(Tanga Cement) leo
imeanza vibaya mashindano ya Shimuta baada ya kujikuta wakitandikwa mabao 2-1
dhidi ya timu ya Chuo cha Usimamizi wa Fedha Dar es Salaam (IFM) katika mechi
ya ufunguzi iliyochezwa uwanja wa CCM Mkwakwani.
Katika mchezo huo ambao ulikuwa mkali na wenye upinzani wa
hali ya juu ambapo mpaka timu zote zinakwenda mapumziko IFM walikuwa wakiongoza
kwa bao 1-0 ambalo lilifungwa na Yasin Mkumbo ambaye alitumia uzembe wa mabeki
wa Tanga Cement na kupachika wavuni bao hilo.
 |
| MKUU WA WILAYA YA MUHEZA,SUBIRA MGALU AKIIKAGUA TIMU YA TANGA CEMENT LEO |
Kipindi cha pili kilianza kwa kasi ambapo kila timu iliingia
uwanjani hapo zikiwa na lengo la kuhakikisha zinapata matokeo mazuri kwenye
ngwe hiyo ya lala salama iliyokuwa ikichezwa na mwamuzi Ibrahimu Kidiwa.
Wakionekana kujipanga baada ya kuwa nyuma bao 1-0,Tanga
Cement waliweza kufanya mashambulizi ya mara kwa mara langoni mwa IFM na
kufanikiwa kuandika bao la kufutia machozi kupitia mchezaji wake Daud Izack.
Baada ya bao hilo
Tanga Cement waliweza kujipanga na kuendeleza mashambulizi mfululizo langoni
mwa IFM bila mafanikio yoyote kutokana na wachezaji wake kupata mipira na
kuipiga nje ya lango la wapinzani wao.
Kutokana na shambulio hilo,IFM
waliweza kucharuka na kupeleka mashambulizi langoni mwa Tanga Cement na
kufanikiwa kuandika bao la pili ambalo lilifungwa na Steven Shekiondo ambaye
aliamsha shangwe na nderemo kwa mashabiki wao.
EmoticonEmoticon