NA BONIFACE WAMBURA,DAR ES SALAAM.
Baada
ya kupoteza mechi mbili nyumbani, Mgambo Shooting iko ugenini kesho
(Oktoba 9 mwaka huu) kuikabili Azam katika mechi ya Ligi Kuu ya Vodacom
itakayofanyika Uwanja wa Azam Complex uliopo Chamazi, Dar es Salaam.
Mgambo
Shooting yenye pointi tano, ikiwa nafasi ya pili kutoka mwisho
imeshinda mechi moja tu dhidi ya Ashanti United huku ikipoteza mbili
nyumbani dhidi ya JKT Ruvu na Tanzania Prisons. Kocha Mohamed Kampira
ana kibarua cha kuhakikisha anapata pointi mbele ya Azam.
Mechi
nyingine za ligi hiyo ni Rhino Rangers itacheza na Mbeya City kwenye
Uwanja wa Ali Hassan Mwinyi mjini Tabora wakati JKT Ruvu watakuwa wageni
wa Mtibwa Sugar kwenye Uwanja wa Manungu uliopo Turiani mkoani
Morogoro.
Uwanja
wa Kumbukumbu ya Sheikh Kaluta Amri Abeid jijini Arusha utakuwa shuhuda
wa mechi kati ya wenyeji Oljoro JKT na Ruvu Shooting ya Pwani
inayofundishwa na Charles Boniface Mkwasa.
EmoticonEmoticon