POLISI TANGA YAWASHIKILIA WAHAMIAJI HARAMU 13

NA MWANDISHI WETU,KOROGWE. JESHI la Polisi Mkoani Tanga linamshikilia mkazi mmoja wa Kwa mathias Kibaha Mkoani Pwani kwa tuhuma za kujihusisha na biashara ya kuwasafirisha wahamiaji haramu wapatao 13 raia wa Ethiopia jambo ambalo ni kosa kisheria Kamanda wa Polisi Mkoani Tanga, Fresser Kashai aliwaambia waandishi wa habari kuwa tukio hilo lilitokea Januari 2 mwaka huu saa kumi na mbili na nusu jioni kwenye kijiji cha Semkiwa wilayani Korogwe ambapo walikamatwa watuhumiwa hao. Alimtaja mtuhumiwa huyo kuwa ni Magomba Daudi (42) mkazi wa Kwamathias Kibaha Mkoani Pwani ambaye alikamatwa na Jeshi hilo akiwa amewahifadhi wahamiaji haramu hao kwenye gari lenye za usajili T.218 DLC Toyota Noah linalomilikiwa na Mohamed Kibwanga. Kamanda Kashai alisema kuwa dereva huyo alikamatwa akiwa anawasafirisha wahamiaji haramu hao ambao ni raia wa Ethiopia wakati akijua kufanya hivyo ni kuvunja sheria za nchini. Aliwataja wahamiaji haramu waliokamatwa ambao ni raia wa ethiopia kuwa ni Mackimu Daniel(20),Balachu Tamire(21),Elias Yacon(22),Anado Dafacho(24),Lambare Tamire(20),Gefachew Mohamed(22),Tadesse Hebebo(23). Aidha aliwataja wengine wanaoshikiliwa ni pamoja na Wolde Baremo(23),Tistu Aubab(23),Testye Bekd (26),Vusto Pexros (25),Hatmu Lalgu (23) ambapo watuhumiwa wote hao watafikishwa mahakamani kujibu mashtaka yanayowakabili baada ya upelelezi wa awali kukamilika. Hata hivyo,Kamanda Kashai alitoa wito kwa wananchi kuacha kujishughulisha na biashara za uhamiaji haramu kwa sababu kufanya hivyo ni uvunjifu wa sheria na huenda wakaishia mikononi mwa Polisi badala yake wafanye biashara nyengine ambazo zinaweza kuwaingizia kipato halali.    “Mimi nadhani ufike wakati ambao wananchi na jamii kwa ujumla itambue kuwa biashara wa wahamiaji haramu ina madhara makubwa hivyo hatuna budi kuachana nayo na kuangalia kazi mbadala zitakazoweza kuwaingizia kipato “Alisema Kamanda Kashai.

Share this

Author : OSCAR ASSENGA

Related Posts