MAMLAKA YA MAJI SAFI NA MAZINGIRA JIJINI TANGA YASEMA UHARIBIFU WA VYANZO VYA MAJI NI MOJA KATI YA CHANGAMOTO INAYOIKABILI.

MKURUGENZI MTENDAJI WA MAMLAKA YA MAJI SAFI NA MAZINGIRA JIJINI TANGA,MHANDISI,JOSHUA MGEYEKWA AKIZUNGUMZA NA WAANDISHI WA HABARI

UHARIBIFU na Uchafuzi wa vyanzo vya mto zigi ambao ndio chanzo pekee cha maji kwa jiji la Tanga kunakosababisha ujaaji tope kwenye bwawa la maji na kupungua ubora wa maji ni miongoni mwa changamoto zinazoikabili mamlaka ya maji safi na usafi wa mazingira jijini Tanga(Tanga UWASA).

Kauli hiyo imetolewa leo na Mkurugenzi Mtendaji wa Mamlaka hiyo,Mhandisi Joshua Mgeyekwa wakati akizungumza na waandishi wa habari kuhusu maadhimisho ya wiki ya Maji yatayoanza kesho mpaka Machi 22 mwaka uu jijini Tanga.

Wa kwanza kulia ni PRA wa Mamlaka ya Maji Safi na Mazingira Jijini Tanga,Mwanauwani Bawaziri akiwa na waandishi wa habari kwenye mkutano wa maadhimisho ya siku ya wiki ya maji katikati ni mwandishi wa gazeti la mtanzani mkoa wa Tanga,Amina Omari na Nestory Ngwega wa Daily News

Amesema ili kuweza kukabiliana na hilo mamlaka hiyo ina kamati ya mazingira kuzunguka bwawa hilo kwa kushirikiana na WWF(T) imeshaingia makubaliano na kikundi cha umoja wa wakulima wahifadhi mazingira kuhihwi Zigi (UWAMAKIZI tangu Novemba mwaka jana kwa kipindi cha miaka mitatu ili kukindi hicho kiweze kufanya hifadhi ya vyanzo vya mto zigi.

Katika maeneo ya vijiji vya Kimbo,Mashewa, Kwaisaka, Shembekeza na Mashewa ambapo watu wapatao 374 wamejiunga na kikundi hicho ambapo Tanga UWASA itachangia sh.milioni 100 kwa kikundi hicho katika kipindi cha miaka mitatu.

Aidha amesema changamoto nyengine inayowakabili ni utegemezi wa umeme wa TANESCO ambapo inatarajiwa hapo baadae kupitia “Water Sector Development Program –WSDP huu ni mpango wa kuboresha miundombinu ya maji unaofadhiliwa na benki ya dunia na serikali ya Tanzania kutanunuliwa “Standby Generators ili pale penye katiko la umeme la muda mrefu kuwashwe kupitia Generator hilo.

Akizungumzia mafanikio,Mhandisi Mgeyekwa amesema tokea kuanzishwa mamlaka hiyo miaka kumi na tano iliyopita wamefanikiwa kupunguza upotevu wa maji kutoka asilimia 45 hadi kufikia asilimia 23.4 kufikia desemba mwaka jana.

Ikiwemo kuongeza eneo la utoaji huduma kwa wateja kutoka asilimia 72 mwaka 1998 hadi kufikia asilimia 94.5 Juni mwaka jana pamoja na kuongezeka kwa upatikanaji maji safi na salama kutoka wastani wa saa kumi na nane hadi kufikia 23.5 kwa siku hadi February 2014.

Maadhimisho ya wiki ya maji mwaka huu yana kwenda sambamba na kauli mbiu isemayo Uhakika wa maji na nishati ambapo maadhimisho hayo yatakwenda samba na wafanyakazi wa mamlaka hiyo kuunganisha maji kwa wateja mbalimbali,mkutano wa wadau ikiwemo wenyeviti wa mitaa na vitongoji vya Jiji la Tanga,Kupanda miche ya mkonge eneo la mamlaka utofu.