DC MGAZA aagiza viongozi wa vijiji na kata kuendelea kuhimiza upandaji miti kwenye maeneo yao.

Na Oscar Assenga, Mkinga.

MKUU wa wilaya ya Mkinga, Mboni Mgazi amewaagiza viongozi wa vijiji na kata kuendelea kuwahimiza wananchi kupanda miti kwenye maeneo yao na kuhakikisha wanaitunza ili iweze

kukua na kutumika kw malengo yanayotarajiwa.

Agizo la Mkuu wa wilaya alilitoa leo wakati wa uzinduzi wa wiki ya kupanda miti kiwilaya iliyofanyika kwenye kata ya Duga Maforoni wilayani humo katika hotuba yake ambayo ilisomwa na Afisa Tarafa ya Mkinga, Qegen Mkinga ambapo amesema wiki hiyo ya kupanda miti ililengwa makusudi ya kuwahimiza wananchi kushiriki katika mchakato huo wa upandaji na kutunza mazingira katika maeneo yao.

Mgaza amesema mabadiliko mbalimbali ya tabia ya nchini ambayo yanachangiwa na shughuli za kibinadamu ikiwemo ukataji miti usiozingatiwa urushiaji huleta madhara mbalimbali ikiwemo kupata mvua zisizo za uhakika, ongezeko la joto duniani na upungufu wa rasilimali zinazotokana na miti pamoja na kukauka kwa vyanzo vya maji.

Amesema licha ya kuleta madhara hayo huchangia pia ongezeko la magonjwa ya mlipuko pamoja na kuongezeka kina cha bahari hivyo kuwataka wananchi kutoruhusu ukataji wa miti ovyo kwenye maeneo yao kwani athari watakazo kumbana nazo ni kubwa kuliko wanavyodhani.

Aidha amesema kutokana na upungufu wa miti ya asili jamii imehamishia matumizi kwenye miti ya matunda kama vile mikorosho, miembe, minazi na mifenesi ambayo sasa inapasuliwa mabo kwa matumizi mbalimbali ambapo aliwataka wananchi wafuate ushauri wa kitaalamu na sio kujichukulia sheria mikononi za kuikata.

“Ni jukumu letu sisi wananchi wote kuona kwamba haya ni matatizo makubwa yenye madhara na ni vyema kukemea visababishi vya madhara haya na kuchukua tahadhari “Alisema DC Mgaza huku akisisitiza umuhimu wa kutunza mazingira.

Mkuu huyo wa wilaya amesema wilaya hiyo kwa kushirikiana na wadau mbalimbali wilayani humo wanajukumu la kutoa elimu ya upandaji wa miti kwa wananchi wa kuanzia ngazi za vijiji na kata pamoja na kukemea uharibifu wa mazingira.

Pamoja na hayo alisema wilaya hiyo imepanga kupanda miti 810,000 hasa katika maeneo yote yenye vyanzo vya maji ikiwemo kuwahimiza wananchi kuisimamia na kuilanda ili iweza kukua na kutunza mazingira yao siku zijazo.

Alisema hata hiyo wanajukumu la kuongeza kasi ya upandaji miti ili kukabiliana na upungufu wa miti uliopo na mabadiliko ya tabia ya nchi vile vile kufikia lengo lililowekwa na Taifa la kila wilaya kupanda miti 1,000,000 kila mwaka.

Katika uzinduzi huo jumla ya miti 100 ilipandwa katika maeneo yaliyopo pembezoni mwa vyanzo vya maji ambapo zoezi hilo linatarajiwa kuendelea wiki nzima.

Mwisho.