Naibu Waziri wa Nishati na Madini,
Dk. Medard Kalemani akizungumza na wananchi kijiji cha Negezi kata ya
Ukenyenge wilayani Kishapu jana wakati wa uzinduzi wa mradi wa kusambaza
umeme vijiji katika mkoa wa Shinyanga awamu ya tatu.
Naibu Waziri wa Nishati na Madini,
Dk. Medard Kalemani akibonyeza kitufe kuwasha kifaa maalumu cha Umeme
Tayari (UMETA) kijiji cha Negezi kata ya Ukenyenge wilayani Kishapu jana
wakati wa uzinduzi wa mradi wa kusambaza umeme vijiji katika mkoa wa
Shinyanga awamu ya tatu jana.
Naibu Waziri wa Nishati na Madini,
Dk. Medard Kalemani (katikati) akikata utepe jana kuashiria uzinduzi wa
mradi wa kusambaza umeme vijiji katika mkoa wa Shinyanga awamu ya tatu
jana kijiji cha Negezi kata ya Ukenyenge wilayani Kishapu.
Mkuu wa Wilaya ya Kishapu,
Nyabaganga Taraba akizungumza kwa niaba ya Mkuu wa Mkoa wa Shinyanga,
Zainab Telack katika uzinduzi wa mradi wa kusambaza umeme vijijini.
Mkurugenzi Mkuu wa Wakala wa Umeme Vijijini (REA), Mhandisi Gissima Nyamo-Hanga akizungumza.
Mbunge wa Kishapu, Suleiman
Nchambi akizungumza na wananchi baada ya kutambulishwa na Mkuu wa Wilaya
ya Kishapu, Nyabaganga Taraba (pembeni yake).
Naibu Waziri wa Nishati na Madini,
Dk. Medard Kalemani akifurahia ngoma na kikundi cha utamaduni wakati wa
hafla ya uzinduzi huo.
Naibu Waziri wa Nishati na Madini,
Dk. Medard Kalemani akimzawadia kifaa maalumu cha Umeme Tayari (UMETA)
ambacho kinatumika bila utandazaji nyaya (wiring) katika nyumba, mkazi
wa kijiji cha Negezi wakati wa uzinduzi wa mradi wa umeme vijijini.
Sehemu ya wananchi wakifuatilia
matukio katika hafla hiyo ya uzinduzi wa mradi wa umeme vijijini
kijijini Negezi kata ya Ukenyenge wilayani Kishapu.
Naibu Waziri wa Nishati na Madini,
Dk. Medard Kalemani akiongozwa na Mkuu wa Wilaya ya Kishapu, Nyabaganga
Taraba kuelekea sehemu ya kukaa mara baada ya kuwasili viwanja vya
uzinduzi kijijini Negezi. Kushoto ni Katibu Tawala Wilaya ya Kishapu,
Shadrack Kangese.
Na Mwandishi Maalumu, Kishapu
Naibu Waziri wa Nishati na Madini,
Dk. Medard Kalemani amezindua mradi wa kusambaza umeme vijijini awamu
ya tatu katika mkoa wa Shinyanga wilayani Kishapu wenye thamani ya sh.
bilioni 35.5.
Katika uzinduzi huo uliofanyika
kijiji cha Negezi kata ya Ukenyenge wilayani Kishapu, ukihusiha vijiji
149, Dk. Kalemani aliagiza Wakala wa Nishati Vijijini (REA) kuhakikishwa
wanasambaza umeme sehemu zote bila upendeleo.
Aliwahimiza wananchi kutumia fursa
ya kuwepo kwa nishati hiyoi katika kuboresha maisha yao kwa kutumia
miradi ya uzalishaji mali pamoja na huduma mbalimbali za kijamii.
Aliwataka wautumie kwa kujenga
viwanda vya kusindika mazao pamoja na huduma za afya,elimu, maji na
viwanda vingine kama mashine za kusaga ambazo zitawapatia kipato na
kuboresha maisha.
Aidha, naibu waziri huyo alizitaka
serikali za kata na vijiji kubainisha maenbeo maalumu ya viwanda ambayo
katika mradi huo yatafikishiwa miundombinu ya umeme mkubwa.
”Tunataka kuwezesha wajasriamali
vijijini kupatiwa umeme utakaowezseha kuanzishwa kwa viwanda vidogo na
vikubwa vijijini kwa gharama nafuu,” alisema Dk. Kalemani.
Aliongeza kuwa wananchi
watakaounganishiwa umeme wanatakiwa kukamilisha utandazaji wa nyaya
katikia nyumba zao mapema ili mkandarasi akifika wawe tayari kulipia na
kuunganishiwa umeme.
Alisema kwa sehemu ambazo
utandazaji utakuwa haujakamilika au nyumba si kubwa wanahimizwa kuomba
kufungiwa kifaa cha Umeme Tayari (UMETA) ambacho hakihitaji kutandaza
nyaya.
Kwa upande wake Mkuu wa Wilaya ya
Kishapu, Nyabaganga Taraba aliishukuru Serikali kwa mradi huo wa REA
huku akisema utasaidia kutengeneza ajira wilayani humo.
Taraba akizungumza kwa niaba ya
Mkuu wa Mkoa wa Shinyanga, Zainab Telack alisema nishati ya umeme
vijijini itasaidia kuanzishwa kwa viwanda vidogo na vya kati hivyo
aliwataka wananchi kutumia fursa hiyo na kuacha uharibifu wa mazingira.
Hata hivyo, alitoa kilio chake kwa
kumuomba naibu waziri kushughulikia changamoto ya baadhi ya wakandarasi
kutomaliza miradi kwa wakati jambo ambalo linarudisha nyuma maendeleo.
Pia mkuu huyo wa wilaya aliwaomba
wananchi watoe ushirikiano kwa kutoa maeneo kwa ajili ya kupitisha
miundombinu ya umeme kwa kuwa ni kujiletea maendeleo yao wenyewe.
Aliomba Shirika la Umeme Tanzania
(Tanesco) Mkoa wa Shinyanga kutatua kero ya kukatika kwa umeme mara kwa
jambo ambalo limekuwa ni kero kwa wananchi na linarudisha nyuma
maendeleo.
Utekelezaji wa mradi huo ulianza
Februari 2017 na unatarajiwa kukamilika Machi 2019 ambapo tayari sh.
bilioni 7.4 zimetumika katika awamu ya kwanza wakati awamu ya pili jumla
ya sh. bilioni 22.95 zilitumika.