BALOZI DKT. NCHIMBI AFIKA NYUMBANI KWA FAMILIA YA MAREHEMU MARY SULLE KUWAPA POLE

  

KATIBU Mkuu wa Chama Cha Mapinduzi (CCM), Balozi Dkt. Emmanuel John Nchimbi akizungumza na familia ya aliyekuwa Katibu wa CCM Wilaya ya Rombo, mkoani Kilimanjaro, Bi. Mary Sulle, alipofika kuwapatia pole na kuwafariji Alhamis tarehe 20 Machi 2025. Bi Sulle aliyefariki usiku wa kuamkia tarehe 18 Machi 2025, anatarajiwa kuzikwa leo Ijumaa 21 Machi 2025, nyumbani kwao Karatu.

MNEC JUMAA ASEMA MIAKA MINNE YA RAIS DKT SAMIA IMEKUWA YA MAFANIKIO MAKUBWA , ATAJA MAMBO MAKUBWA MANNE MUHIMU

 

Na Gustaphu Haule, Pwani.

MJUMBE wa Halmashauri Kuu ya Taifa ya Chama Cha Mapinduzi ( CCM) kupitia Jumuiya ya Wazazi Hamoud Jumaa( MNEC), amesema kuwa miaka minne ya uongozi wa Rais Dkt .Samia Suluhu Hassan imekuwa na mafanikio makubwa kwa Taifa na Wananchi wake.

Jumaa amesema mafanikio hayo yametokana na sera na mikakati ya Rais Dkt. Samia Suluhu Hassan ambayo imekuwa ikilenga kuongeza ushirikiano na maendeleo ya jamii kwa ujumla.

Kauli hiyo ya Jumaa imekuja ikiwa ni sehemu ya kumpongeza Rais Samia kwa kazi alizofanya katika kipindi cha miaka minne ya uongozi wake tangu aliporidhi kiti hicho kutoka kwa mtangulizi wake Hayyati John Pombe Magufuli (JPM) aliyefariki Machi 2021.

Mjumbe wa Halmashauri Kuu ya Taifa ya Chama Cha Mapinduzi (CCM) Hamoud Jumaa (MNEC) katikati akiteta jambo na Mbunge wa Jimbo la Kibaha Mjini Silvestry Koka (kushoto) na Kulia ni Waziri wa Tawala za Mikoa na Serikali za Mitaa (Tamisemi) ambaye pia ni Mbunge wa Jimbo la Rufiji Mohamed Mchengerwa.

Jumaa amesema kwa maoni yake Rais Dkt. Samia amefanikiwa kutokana na kusimamia mambo makubwa manne ambayo kimsingi yamesaidia kuleta tija na faida kwa Watanzania na Taifa nzima kiujumla.

Jumaa, ametaja jambo la kwanza kuwa ni ushirikiano katika jamii, ambapo amesema Serikali imehamasisha ushirikiano wa jamii katika maamuzi yanayohusu maendeleo ya elimu,afya na miundombinu.

Amesema jambo hilo ,limewapa Wazazi na wanajamii nafasi ya kutoa maoni na kushiriki katika utekelezaji wa miradi ya maendeleo katika maeneo yao bila kushurutishwa wala kulazimishwa.

Mjumbe wa Halmashauri Kuu ya Taifa ya Chama Cha Mapinduzi (CCM) Hamoud Jumaa (MNEC) kulia akizungumza na Waziri wa Tawala za Mikoa na Serikali za Mitaa (Tamisemi) Mohamed Mchengerwa

(kushoto).

Jumaa, amesema jambo la pili ni kuimarisha miundombinu,ambapo Rais Samia amefanikiwa katika ujenzi na uboreshaji wa vituo vya afya na Shule hasa katika maeneo yasiyopatikana huduma bora.

Amesema, katika suala la kuimarisha miundombinu imesaidia jamii kupata huduma bora za afya na elimu na kwamba imechangia kuboresha maisha ya kila siku ya Wananchi.

Jambo la tatu, ni kuwezesha kiuchumi,Jumaa amesema kuwa Rais Samia amekuwa na dhamira ya dhati ya kuwainua kiuchumi Wananchi wake na katika kudhihirisha hilo amerudisha mikopo isiyokuwa na riba sambamba na kuendesha programu mbalimbali za ujasiriamali.

Mjumbe wa Halmashauri Kuu ya Taifa ya Chama Cha Mapinduzi (CCM) Hamoud Jumaa (MNEC) Kulia akiteta jambo na Katibu wa CCM Mkoa wa Pwani Kite Mfilinge(kushoto)

Amesema kuwa,katika hilo Rais Samia ametoa fursa kwa jamii kujitegemea kiuchumi ambapo imewasaidia wazazi, Wanawake na Vijana kujenga biashara ndogondogo na kuboresha hali ya maisha.

Jumaa ametaja jambo la nne kuwa ni Kukuza Maadili na Umoja wa Jamii ambapo Rais Samia ameanzisha program za elimu ya maadili na nidhamu ambazo kwa kiasi kikubwa zimejikita katika kuimarisha uhusiano na umoja katika jamii.

Amesema suala la maadili na umoja limewasaidia wazazi na watoto kuishi katika mazingira yenye heshima , ushirikiano na jamii.

Hatahivyo,Jumaa amesema kwa ujumla juhudi hizo zinaongeza ushawishi wa Jamii katika kufanya maamuzi muhimu na kuchangia katika maendeleo endelevu huku zikisaidia kujenga jamii yenye ustawi wa kijamii na uchumi.

RAIS DKT SAMIA SULUHU ATETA NA MJUMBE MAALUMU WA RAIS WA MISRI MHE BADR ABDELATTY IKULU NDOGO YA TUNGUU-ZANZIBAR

 

Rais wa Jamhuri ya Muungano wa Tanzania, Mhe. Dkt. Samia Suluhu Hassan leo Machi 20, 2025 amekutana na kuzungumza na Mjumbe Maalum wa Rais wa Misri, Mhe. Badr Abdelatty ambaye pia ni Waziri wa Mambo ya Nje, Uhamiaji na Wamisri Waishio Nje wa Jamhuri ya Kiarabu ya Misri Ikulu ndogo ya Tunguu - Zanzibar.

Mazungumzo hayo pia yamehudhuriwa na Naibu Waziri Mkuu na Waziri wa Nishati, Mhe. Dkt. Doto Biteko, Waziri wa Mambo ya Nje na Ushirikiano wa Afrika Mashariki, Mhe. Mahmoud Thabit Kombo, Naibu Katibu Mkuu Nishati - Mafuta na Gesi, Dkt. James Mataragio pamoja na Viongozi wengine.

TCRA Kuendelea Kushirikiana na TBN ili kusaidia kuzalisha maudhui yenye tija

 Na Mwandishi Wetu , Dar.

Mamlaka ya Mawasiliano Tanzania (TCRA) imeahidi kufanyakazi na Mtandao wa Wana Blogu Tanzania (TBN), pamoja na vyama vingine vya waandishi wa habari ambavyo vinawakilisha mahitaji na matakwa ya wanachama wao.

Kauli hiyo imetolewa leo Jijini Dar es Salaam na Meneja wa Huduma za Utangazaji wa TCRA, Injinia Andrew Kisaka, alipokutana na ujumbe wa TBN ofisini kwake, katika kikao cha kujadiliana mambo mbalimbali zikiwamo changamoto zinazowakabili bloga nchini.

"Sisi huwa tunapenda kufanya kazi na vyama ambavyo vinawakilisha mahitaji na matakwa ya wanachama wao, badala ya kufanyakazi na mwaandishi mmoja mmoja...tunafurahi sana kufanyakazi na waandishi kupitia vyama vyao," alisema Injinia Kisaka.

Injinia Kisaka amesema kuwa TCRA imefurahi kukutana na TBN kwa kuwa wanafahamu kuwa bloga wanasehemu kubwa sana kwenye maudhui ya ndani, na hata kwenye usajili wa TCRA bloga wanachukua nafasi kubwa sana katika maudhui ya mtandaoni.

"Kwa hiyo TBN mtakuwa silaha moja wapo nzuri sana yakutuwezesha sisi kama Mamlaka ya Mawasiliano nchini, tunao simamia utangazaji pamoja na maudhui ya mtandaoni kuwa karibu na nyinyi na kuhakikisha maudhui ya mtandaoni yanaleta tija na maendeleo kwa wananchi," alisema Injinia Kisaka

 

Viongozi waliokutana na Mhandisi  Andrew Kisaka  uliongozwa na Katibu Mtendaji wa TBN Khadija Kalili ,Kaimu Mwenyekiti TBN Rwehabura Rugambwa   ,Mweka Hazina Beda Msimbe  na Wajumbe  Muhidin Issa Michuzi, Frank Wandiba, Carren Mgonja na Shaaban Lulela . 

Mamlaka ya wasiliano Tanzania (TCRA) leo tarehe 19.03.2025 imekutana na na Uongozi wa Tanzania Bloggers Netwark (TBN) katika Ofisi za TCRA Makao Makuu Jijini Dar Es Salaam.

Katika kikao hicho TBN imeiomba TCRA kupunguza gharama za usajili wa Blogu kama siuo kuziondoa kabisa.

Aidha TBN imeiomba TCRA iwe inatoa mafunzo ya mara kwa mara kwa Bloggers ilikuwajengea uzoefu katika kazi zao za kila siku.

Baada ya kusikiliza maombi hayo  Meneja wa Huduma za Utangazaji  TCRA Mhandisi Andrew Kisaka amesema wameyapokea maombi ya TBN na watayafanyia kazi huku ameahidi kutoa mrejesho.

Mhandisi  Kisaka ambaye ndiye alikua mwenyeji wa msafara huo wa Viongozi  wa TBN  amesema kuwa kwa niaba ya TCRA,

Mhandisi Andrew Kisaka akifafanua jambo mbele ya kamati ya Uongozi TBN iliyofika ofisini kwake leo  tarehe 19.Machi.2025 Jijini Dar es Salaam. 

 "Tunafurahi kukutana nanyi leo na kujadiliana mambo mbalimbali sambamba na kutambua namna mnavyoendesha shughuli za kihabari maana Bloggers mna umuhimu mkubwa sana kwenye maudhui ya ndani na kwa mustakabali wa nchi kwa ujumla hivyo ninawaahidi kuwa tumepokea maombi yenu, tutayanyia kazi na majibu tutawapatia" amesema Mhandisi Kisaka.

TANGA UWASA WAJA NA MBINU ZA KUKABILIANA NA MAJI YANAYOPOTEA

Na Oscar Assenga, TANGA.

MAMLAKA ya Maji Safi na Usafi wa Mazingira ( Tanga Uwasa) imebuni mbinu mpya za kukabiliana na maji yanayopotea kila siku ambao utakuwa chachu ya kuwarahisishia kupata taarifa kwa wakati na kufikia kwa haraka kuitatua .

Hayo yalibainishwa na Mkurugenzi wa Usambazaji wa Maji na Usafi wa Mazingira wa Mamlaka hiyo Mhandisi Salum Hamis wakati wa kikao cha wadau wiki ya Maji 2025 kilichofanyika leo Jijini Tanga .

Katika kikao hicho mada mbalimbali zilijadiliwa ikiwemo hali ya huduma,mapitio ya mkataba wa huduma kwa wateja na udhibiti wa maji yanayopotea.

Ambapo katika kukabiliana nalo wameandaa mfumo huo ambao utakuwa ukitumika kwa wale wenye simu janga utawasaidia popote wanatapokuwa wakiingia kwenye mfumo wanapiga picha eneo lenye mvujo na kuingia kwenye mfumo na kuandika mvujo.

Alisema baada ya kuandika kupitia mfumo huo utaonekana ukiwa umeripotiwa muda gani na kama umechelewa kufanyiwa kazi itaonekana na kuwarahisishia wao kama wanataka kutoa adhabu kwa watendaji wazembe kuwachukulia hatua watajua kutokana na mfumo kuwaonyesha.

“Mpaka sasa kuna kiasi kikubwa cha maji yanayopotea na tuna zaidi ya asilimia 30 ya maji wanayozalisha kwa mwezi yanapotea hii maana yake ni pesa maana hayo maji tunakuwa tayari tumeyagharamia kwa upande wa kuyawekea dawa na umeme”Alisema

“Kwetu hili ni hasara kubwa sana na ndio maana wanathamini Taarifa za mivujo ya maji tukifanikiwa wa kupunguza maji yanayopotea hata kwetu gharama za uendeshaji zitapungua kwa kiasi kikubwa”Alisema Mhandisi Hamisi.

Katika hilo tumejipanga pia kuongeza vitendea kazi kwa watumishi ikiwemo kugawa pikipiki kuwasambaza zaidi kuhakikisha kila eneo kunakuwa na watu wao ikiwemo magari au pikipiki na bajaji ili kuhakikisha wanakabiliana na upotevu huo kwa hali na mali

“Lakini niwaambie kwamba mfumo huo utawasaidia wadau, wananchi kuweza kuripoti taarifa zao za mivujo na hivyo kuwa rahisi kuweza kufanyiwa kazi na mtu aliyekabidhiwa eneo lake la utendaji kazi na namna anavyo hudumia wateja na kama hawajibiki mfumo utawaonyesha na kuona namna ya kumchukulia hatua”Alisema

Awali akizungumza wakati akifungua kikao hicho Kaimu Mkurugenzi wa Tanga Uwasa Victor Mollel amewataka wadau kuendelea kuwapatia taarifa za changamoto mbalimbali wanazokumbana nazo kwa sababu zinawasaidia katika kuboresha taarifa zao za utendaji wa kazi.

Alisema kauli mbiu ya mwaka huu ya maji ni uhifadhi uoto asili kwa uhakika wa maji wao wanajua chanzo cha maji cha Jiji la Tanga yanatoka Amani Muheza kwenye Mto Zigi hivyo kuna jitihada mbalimbali yanaendelea kwa ajili ya uhifadhi wa Mazingira.

Naye kwa upande wake Kaimu Mkurugenzi Huduma kwa Wateja Daudi Mkumbo alisema katika mkataba au rasimu ya mkataba mpya ya huduma kwa mteja Tanga Uwasa inaowajibu wa kutowakatia wateja huduma ya maji kwa siku za mapumziko kama Jumamosi, Jumapili na Ijumaa kuaza saa sita mchana

Mkumbo ambaye pia ni Meneja wa Huduma kwa Wateja alisema hiyo inatokana na kwamba katika wakati huo wakazi wa Tanga wengi wapo kwenye ibada hiyo itawawia vigumu katika kushughulia kurudisha maji, siku za mapumziko wahudumu wakiwemo mafundi kuwa kwenye mapumziko.