Wageni mbalimbali wakiingia na
kutoka Katika Banda la Watanzania kujione bidhaa za Watanzania
Wanaoshiriki katika Maonesho ya Kimataifa ya Sanaa,Ubunifu na Utamaduni
yanayoendelea Mascut-Oman.
Picha zote na Faki Mjaka-Mascut Oman
Msanii wa kuchora Fred Halla
akifanya sanaa yake ya Uchoraji katika Katika Banda la Watanzania.Fred
ni mmoja wa Watanzania Wanaoshiriki katika Maonesho ya Kimataifa ya
Sanaa,Ubunifu na Utamaduni yanayoendelea Mascut-Oman.
Msanii wa Uchongaji Iddy Amana
akiwahudumia wateja katika Banda la Watanzania. Iddy ni mmoja wa
Watanzania Wanaoshiriki katika Maonesho ya Kimataifa ya Sanaa,Ubunifu na
Utamaduni yanayoendelea Mascut-Oman.
Mpishi wa Vyakula mbali mbali Haji
Omar akiwahudumia wateja wake wanaopenda vyakula vya Kitanzania.Haji ni
mmoja wa Watanzania Wanaoshiriki katika Maonesho ya Kimataifa ya
Sanaa,Ubunifu na Utamaduni yanayoendelea Mascut-Oman.
Baadhi ya Wateja wa Vyakula
vya kitanzania wakila chakula chenye Asili ya Tanzania,Zanzibar (Urojo)
katika Maonesho ya Kimataifa ya Sanaa,Ubunifu na Utamaduni yanayoendelea
Mascut-Oman.
Mkuu wa Msafara wa Watanzania
Wanaoshiriki katika Maonesho ya Kimataifa ya Sanaa,Ubunifu na Utamaduni
yanayoendelea Mascut-Oman Bi Khadija Bhatashy akiulizia bei ya bidhaa
katika Banda la Iran. Iran ni moja ya nchi washiriki wa Maonesho hayo.
……………………………………………………………………………………………….
Na Faki Mjaka-Mascut Oman,
Kukosekana kwa Semina ya pamoja na uelewa mdogo wa lugha ya
Kiarabu ni miongoni mwa Changamoto zinazowakabili Wajasiriamali wa
Kitanzania wanaoshiriki Maonesho ya Kimataifa ya Sanaa na Utamaduni
nchini Omani.
Hayo yameelezwa na Watanzania wanaoshiriki Maonesho hayo
yanayoendelea kwa muda wa mwezi mmoja na kushirikisha Mataifa
mbalimbali.
Mmoja ya Wajasiriamali hao Kulthum Mohamed amesema uelewa mdogo
wa lugha ya Kiarabu ni changamoto kwake inayomkabili katika kutoa
ufafanuzi wa baadhi ya Bidhaa alizokuwa nazo.
Mjasiri Amali huyo wa Viungo (spices) amedai kuwa licha ya
baadhi ya Waarabu kujua Lugha ya Kiswahili amebaini hawapendi kuzungumza
jambo ambalo linawapa shida.
“Licha ya hawa WaomanI kukijua Kiswahili lakini wengi wao
wanavyofika hapa wanajifanya hawakijui jambo ambalo linatukwaza kidogo
katika kutoa ufafanuzi wa Bidhaa zetu kwa Lugha ya Kiarabu” Alisema
Kulthum.
Aidha K amebaini kuwa hakukuwa na Semina ya Pamoja ya Washiriki
kujua mambo mbalimbali na Vipaumbele vya Waarabu jambo ambalo lingeweza
kuwajengea uelewa mpana wa Waoman nakujua Bidhaa muhimu zaidi za kuja
nazo katika Maonesho hayo.
Kwa upande wake Mkuu wa Msafara huo wa Watazania katika Maonesho
hayo ya Utamaduni na Sanaa Bi Khadija Battashy amesema kuna baadhi ya
Bidhaa ambazo haziendani sana na Utamaduni wa Omani kama vile nguo za
kike zenye Mikono Mifupi.
“Kwa mfano utakuta baadhi ya Nguo tulizokuja za kike nyingi zao
zimetengenezwa zikiwa na Mikono mifupi tena zimepasuliwa sasa kwa
Utamaduni wao hawa hawazipendelei sana,nadhani tungetengeneza za Mikono
mifupi Wangezipenda zaidi” Alisema Bi Khadija Battashy.
Hata hivyo anaamini Tanzania itafanya vyema katika Monesho hayo
na hata kuibuka Mshindi wa mwanzo ikiwa kutatokea kutangazwa mshindi.
Kwa upande wake Mjasiriamali wa Bidhaa za Nguo Bi Anna Matinde
amesema ana matumaini makubwa kuwa Bidhaa za Tanzania zitapata Wateja
kutoka na ubora wake.
“Mi naamini Bidhaa zetu ni bora na zitapata Wateja maana hata
hiyo Mishahara ya Waarabu bado tunaamini ikitoka watazidi kununua bidhaa
zetu” Aliongeza Bi Anna.
Kwa Upande wao Wageni wanaolitembelea Banda la Tanzania
wamelisifia kutokana na kuwa na bidhaa bora na za upekee zikiwemo za
Viungo kama vile Karafuu na Mavazi ya Kimasai.
Maonesho hayo ya Muda wamwezi mmoja ya Sanaa, Ubunifu na
Utamaduni yanayofanyika katika Jimbo la Al-Amerat mjini Mascut, huanza
kila ifikapo saa 10 jioni na kufungwa saa nne usiku kwa Majira ya Oman
ambapo Nchi mbalimbali Washiriki huonesha Bidhaa zilizotengenezwa kwa
Mikono zinazowakilisha Utamaduni wao na Watu hununua Bidhaa hizo.
Share this
EmoticonEmoticon