BLOG

SOMA TARUJA LEO

SOMA TARUJA LEO

TAWODE

TAWODE

Friday, May 30, 2014

NEY WA MITEGO :NAKULA UJANA UNANIPA RAHA KUPITA KIASI

Na Mwandishi Wetu, Dar es Salaam
MWIMBAJI wa Hip Hop, Emmanuel Elbariki maarufu kama Ney wa Mitego, amesema wimbo wake wa ‘Nakula Ujana’ unampa raha kutokana na kupokewa kwa shangwe na mashabiki wa kizazi kipya nchini.
Msanii Ney wa Mitego pichani.
Ney wa Mitego aliyasema hayo katika mazungumzo ya kuelezea namna gani amejiwekea mikakati ya kulinda hadhi na uwezo wake kisanaa jijini Dar es Salaam, ikiwa ni siku chache baada ya uzinduzi wa huduma mpya ya Kampuni ya Simu za Mikononi ya Airtel Tanzania, inayojulikana kama switch on, katika Hoteli Kilimanjaro Kempisk, inayotoa urahisi wa wateja wao kupata huduma ya internet kwa urahisi.

Alisema kuwa wimbo wake huo wa Nakula Ujana umetokea kupendwa na wengi, hasa anapokuwa katika maonyesho mbalimbali, hivyo kuonyesha kuwa maendeleo yake kisanaa yamekuwa mazuri kupita kiasi.

“Nawashukuru wadau wangu wote kwakuwa wanapenda kazi zangu, hasa huu wimbo wa Nakula Ujana, ambao mimi mwenye unanipa raha.
 
“Naamini kila kitu kitakuwa kizuri zaidi kwa kuwapatia raha mashabiki wangu wakati wowote, kwakuwa bado nitaendelea kupambana ili kufanya vizuri zaidi katika tasnia ya muziki wa kizazi kipya nchini,” alisema.

Katika uzinduzi huo wa huduma ya Airtel, watu mbalimbali walialikwa, sambamba na msanii Barnabas na Vanessa Mdee nao kuwa miongoni mwa wasanii waliokutana kwa pamoja katika tukio la aina yake.

Thursday, May 29, 2014

MAKAMU WA RAIS DKT. BILAL AHANI MSIBA WA MKE WA KATIBU MKUU WA WIZARA YA FEDHA

1 (3) 
 Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akisaini kitabu cha maombolezo ya kifo cha mke wa Katibu Mkuu wa Wizara ya Fedha na Uchumi, Dkt. Servacius Likwelil, wakati alipofika kumfariji Katibu huyo nyumbani kwake Boko Jijini Dar es Salaam, jana jioni. Mazishi yanatarajia kufanyika leo jioni kwenye Makaburi ya Kinondoni. Picha na OMR
3 (1) 
Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akijumuika na waombolezaji katika msiba wa mke wa Katibu Mkuu wa Wizara ya Fedha na Uchumi,  Dkt. Servacius Likwelil, wakati alipofika kumfariji Katibu huyo nyumbani kwake Boko Jijini Dar es Salaam, jana jioni. Mazishi yanatarajia kufanyika leo jioni kwenye Makaburi ya Kinondoni. Picha na OMR
4 (1) 
Naibu Waziri wa Fedha na Uchumi, Adama Malima, akizungumza machache katika shughuli hiyo ya kuhani msiba huo.

KATIBU MKUU WA CCM NDUGU ABDULRAHMAN KINANA AWASILI BABATI

Msafara wa  Katibu Mkuu wa CCM Ndugu Abdulrahman Kinana ukiwa umesimama wakati alipokuwa ukivuka katika mto Magala  katika kata ya Magara akitokea Mbulu, wakati Katibu mkuu huyo alipokuwa akiwasalimiana na wananchi na  kuongea nao kuhusu tatizo  la ujenzi wa daraja katika mto huo. Ambapo kumekuwa kukitokea usumbufu kwa wananchi na wanafunzi wanaopata huduma upande wa pili wa vijiji hivyo vya kata ya Magala, Kinana amewaambia wanakijiji hao kuwa atafuatilia na kuzungumza na Waziri wa Ujenzi Mh. John Pombe Magufuli ili kujenga hata daraja la muda ili kuwasaidia wananchi hao kwani magari mengi yanayovuka katika mto huo ni madogo yakibeba  watalii na watu lakini pia barabara hiyo ambayo imepitia milimani ni kiungo kati ya Mbulu na Babati, hivyo wananchi wa Mbulu wanapitia barabara hiyo ili kwenda kupata huduma Babati ambako ni makao makuu ya mkoa wa Manyara, Daraja hilo liliahidiwa na Rais Dr. Jakaya Kikwete wakati wa kampeni za mwaka 2010(PICHA NA KIKOSIKAZI CHA FULLSHANGWE–BABATI)

MAGEREZA NA GEPF WATILIANA MKATABA WA UWEKEZAJI

PIX 1  
Kamishna Jenerali wa Magereza Jonn Minja (kushoto) akiteta jambo na Mkurugenzi Mkuu wa Mfuko wa Hifadhi ya Jamii (GEPF) Bw. Daud Msangi (kulia) Alhamis 29, 2014
PIX 2 
Kamishna Jenerali wa Magereza John Minja (kushoto) na Bw. Daud Msangi   Mkurugenzi Mkuu wa GEPF (kulia) wakisaini Mkataba wa Uwekezaji baina ya Taasisi hizo mbili leo Alhamis 29 Mei, 2014 katika Ukumbi wa Mikutano wa Magereza, Jijini Dar es salaam. 
PIX 3 
Kamishna Jenerali wa Magereza John Minja (kushoto) na Bw. Daud Msangi   Mkurugenzi Mkuu wa GEPF (kulia) wakikabidhiana nyaraka za makubaliano ya uwekezaji baada ya kutiwa sahini.leo Alhamis 29 Mei, 2014 katika Ukumbi wa Mikutano wa Magereza, Jijini Dar es salaam.

Monday, May 26, 2014

TAARIFA KUTOKA SHIRIKISHO LA SOKA NCHINI LEO MEI 26

TAIFA STARS, MALAWI UWANJANI DAR
Taifa Stars na Malawi (Flames) zinapambana kesho (Mei 27 mwaka huu) katika mechi ya kirafiki ya kimataifa itakayochezwa Uwanja wa Taifa, Dar es Salaam kuanzia saa 11 kamili jioni.

Malawi tayari ipo jijini Dar es Salaam kwa ajili ya mechi hiyo wakati Taifa Stars iliyopiga kambi yake Tukuyu mkoani Mbeya inawasili jijini Dar es Salaam kesho (Mei 27 mwaka huu) saa 4 asubuhi kwa ndege ya Air Tanzania.

Kiingilio katika mechi hiyo kitakuwa sh. 5,000 kwa viti vya rangi ya chungwa, bluu na kijani. Kwa upande wa VIP B na C kiingilio kitakuwa sh. 10,000 wakati kwa VIP A itakuwa ni sh. 20,000.

Hiyo itakuwa ni mechi ya mwisho ya majaribio kwa Taifa Stars inayodhaminiwa na Kilimanjaro Premium Lager kabla ya kwenda jijini Harare kwa ajili ya mechi ya marudiano ya michuano ya Afrika dhidi ya Zimbabwe (Mighty Warriors).

Malawi (Flames) inayonolewa na mchezaji wake wa zamani Young Chidmozi nayo itakuwa inacheza mechi ya mwisho ya majaribio kabla ya kwenda N’djamena kuikabili Chad.

U15 TANZANIA NG’ARING’ARI AYG
Tanzania imeendelea kung’ang’ara kwenye Michezo ya Afrika kwa Vijana (AYG) kwa upande wa mpira wa miguu kwa vijana wenye umri chini ya miaka 15 baada ya jana (Mei 25 mwaka huu) kuichapa Swaziland mabao 3-0.

Mabao ya Tanzania katika mechi hiyo iliyochezwa Uwanja wa Taifa jijini Gaborone, Botswana yalifungwa na Amani Ally dakika ya sita, Nasson Chanuka dakika ya 32 wakati Amos Kennedy alikamilisha ushindi huo kwa bao la dakika ya 53.

Katika mechi yake ya kwanza, Tanzania ilitoka sare ya bao 1-1 na Mali na baadaye kuwafunga wenyeji Botswana mabao 2-0. Mechi za michuano hiyo zinaoneshwa moja kwa moja na kituo cha televisheni cha SuperSport cha Afrika Kusini.

Tanzania itacheza mechi yake ya nne kesho (Mei 27 mwaka huu) dhidi ya Nigeria wakati mechi ya mwisho itafanyika Mei 29 mwaka huu dhidi ya Afrika Kusini.

KOZI ZA UKOCHA LESENI A, B KUFANYIKA JUNI
Kocha a ukocha wa mpira wa miguu kwa ajili ya Leseni A na B zinazotambuliwa na Shirikisho la Mpira wa Miguu Afrika (CAF)  zitafanyika jijini Dar es Salaam kuanzia Juni 2 mwaka huu.

Ada kwa kozi ya Leseni A itakayoanza Julai 21 hadi 26 mwaka huu ni sh. 300,000 wakati ile ya Leseni B itakayofanyika kuanzia Juni 2 hadi 15 mwaka huu ni sh. 200,000. Maombi ya kushiriki kozi hizo yatumwe kwa Katibu Mkuu wa Shirikisho la Mpira wa Miguu Tanzania (TFF) wakati kwa upande wa Zanzibar yatumwe kwa Katibu Mkuu wa Chama cha Mpira wa Miguu Zanzibar (ZFA) kabla ya Mei 31 mwaka huu.

Washiriki ambao watajitegemea kwa chakula watalipa ada hizo wakati wa usajili utakaofanyika Juni 1 mwaka huu kwa upande wa Leseni B na Leseni A watalipa Julai 20 mwaka huu vilevile wakati wa usajili.

TFF itatoa malazi kwa washiriki kwenye hoteli yake iliyopo Uwanja wa Kumbukumbu ya Karume wakati wakufunzi wa kozi hizo ni Sunday Kayuni na Salum Madadi ambao wanatambuliwa na CAF. Pia CAF baadaye itatuma Mkufunzi atakayetunga na kusimamia mitihani hiyo.

BONIFACE WAMBURA
OFISA HABARI NA MAWASILIANO
SHIRIKISHO LA MPIRA WA MIGUU TANZANIA (TFF)

Mb Dog aendelea kufunga mkanda

Na Mwandishi Wetu, Dar es Salaam
MWIMBAJI wa muziki wa kizazi kipya, Mbwana Mohamed Mb Dog, amesema baada ya kuachia video yake ya ‘Mbona Umenuna’, anaendelea na juhudi za kuwapatia raha wadau na mashabiki wake kama njia ya kuonyesha makali yake kisanaa.


Mb Dog, pichani.
Akizungumza jana jijini Dar es Salaam, Mb Dog alisema video yake imeandaliwa kwa kiwango cha juu, huku ikiwa ni sababu ya yeye kuendelea kutoa nyimbo nzuri zinazoonyesha ubora wake.

Alisema kuwa lengo lake ni kufanya makubwa zaidi katika tasnia ya muziki wa Bongo Fleva, hasa baada ya kuamua kurudi tena katika soko hilo kwa mikakati ya aina yake.

“Nipo katika harakati za kuonyesha namna gani naweza kuonyesha ubora wangu kama ilivyokuwa mwanzo nilipotoka na wimbo wa kwanza wa Latifa, nikiwa na ‘Madee’.

“Naamini hii ni njia nzuri ya kuwapatia burudani kamili wadau na mashabiki wangu katika tasnia ya muziki wa kizazi kipya, hasa baada ya kuachia video yangu ya Mbona Umenuna,” alisema Mb Dog.

Mb Dog yupo kwenye harakati kabambe ya kumrudisha kileleni kwenye sanaa ya Bongo Fleva, akitokea chini ya Kampuni ya Qs Mhonda J Entertainment, yenye maskani yake jijini Dar es Salaam.

Saturday, May 24, 2014

Mkoa Wa Tanga Wapokea tuzo Mikoa Inayofanya Vizuri katika Sekta Ya Elimu Nchini

        Mkuu wa Mkoa wa Tanga Mhe. Chiku Gallawa (kulia) akipokea tuzo ya Elimu Kwa Mkoa wa Tanga kutoka kwa Katibu Tawala Mkoa wa Tanga  Bw. Salum Mohamed Chima mapema wiki hii ofisini kwake iliyokabidhiwa na Mhe. Mizengo. P. Pinda, Waziri Mkuu wa Jamhuri ya Muungano wa Tanzania wakati wa sherehe za Uzinduzi wa Wiki ya Elimu nchini iliofanyika Dodoma Mei 2014. Mkoa wa Tanga umekuwa wa kwanza kitaifa kwa kuwa  na shule nyingi zililizofanya vizuri mitihani ya Taifa ya Darasa la Saba 2013, kidato cha nne 2013 na Kidato cha sita 2013.
Katibu Tawala Mkoa wa Tanga Bw. Salum Mohamed Chima  ( kushoto) wakati akikabidhiwa Tuzo hiyo na Katibu Tawala Msaidizi Upande wa Elimu Bw. Ramadhani C. Chomola mara baada ya kuiwasilisha kutoka Dodoma
Tuzo yenyewe; Hongera Sana Mkoa wa Tanga

  Mkuu wa Mkoa wa Tanga Mhe. Chiku Gallawa akimpongeza Katibu Tawala Msaidizi Upande wa Elimu Mkoa wa Tanga Bw. Ramadhani C. Chomola

   Furaha na vifijo ofisini kwa Mkuu wa Mkoa wakati wa kutolewa habari njema ya Ushindi wa Mkoa wa Tanga.

TANAPA YATAJA MAJINA 10 YA WANAHABARI WATAKAO WANIA TUZO


Meneja uhusiano wa mamlaka ya Hifadhi za Taifa Tanzania(TANAPA),Paschal Shelutete akizungumza wanahabari kuhusiana na tuzo za Uandishi wa Habari za Shirika la Hifadhi za Taifa za mwaka 2013.
TAARIFA KWA VYOMBO VYA HABARI WAANDISHI 10 WAFIKA FAINALI TUZO ZA HABARI ZA TANAPA ZA 2013.

Jumla ya Waandishi wa Habari 10 wamefanikiwa kufikia hatua ya fainali ya Tuzo za Uandishi wa Habari za Shirika la Hifadhi za Taifa za mwaka 2013.
 
Wanahabari waliofanikiwa kufika hatua ya fainali ni pamoja na Frank Leonard (Habari Leo), Jackson Kalindimya (Nipashe), Humphrey Mgonja (Radio SAUT FM), Raymond Nyamwihula (Star TV) na Vedasto Msungu (ITV).
 
Wengine ni pamoja na Kakuru Msimu (Star TV), Gerald Kitabu (The Guardian), Salome Kitomari (Nipashe), David Rwenyagira (Radio 5) na Cassius Mdami (Channel Ten).
  
Hafla ya utoaji Tuzo za Habari za TANAPA itafanyika siku ya Jumanne tarehe 27 Mei, 2014 jijini Mwanza ambapo Mgeni Rasmi anatarajiwa kuwa Waziri wa Maliasili na Utalii Mhe. Lazaro Nyalandu.
  
Hafla hii itaenda pamoja na Mkutano wa kila mwaka baina ya TANAPA na Wahariri wa Habari kutoka vyombo mbalimbali vya habari nchini inayotarajiwa kuanza wiki ijayo jijini Mwanza.
  
Jumla ya kazi zilizotumwa kwa ajili ya kushindanishwa mwaka huu ni 114 tofauti na kazi 34 za mwaka jana. Ongezeko hili la asilimia 235 lililazimu Jopo la Majaji kutumia muda mwingi zaidi wa kupitia kazi zote na kupata washindi. Kati ya kazi 114 zilizotumwa, kazi zilizohusu Uhifadhi ni 64 (sawa na 56%) na kazi zilizohusu Utalii wa Ndani zilikuwa 50 (sawa na 44%). 
 
Tuzo za Uandishi wa Habari za TANAPA hutolewa kila mwaka kwa nia ya kuwashirikisha wanahabari kushindanisha umahiri wa kazi zao katika kuelimisha jamii umuhimu wa dhana ya Uhifadhi kwa maeneo yaliyotengwa kisheria kama Hifadhi za Taifa na uhamasishaji wa Utalii wa Ndani kwa faida ya uchumi wa nchi yetu.

Imetolewa na Idara ya Mawasiliano
Hifadhi za Taifa Tanzania
23.05.2014

HIVI NDIVYO HUSSEIN,OBINA NA RAZACK KHALFANI WALIVYOSAINI MIKATABA YA KUJIUNGA NA COASTAL UNION

 Mshambuliaji Mpya wa timu ya Coastal Union,Husein Sued akisaini mkataba wa mwaka mmoja wa kujiunga na timu hiyo yenye makazi yake barabara ya kumi na moja jijini wanashuhudia katikati ni
Katibu wa Coastal Union,Kassim El Siagi na wa kwanza kulia ni Meneja wa timu hiyo,Akida Machai,Picha na Oscar Assenga,Tanga.
                                      HAPA AKITIA SAINA YA DOLE GUMBA

KUSHOTO NI RAZACK KHALIFANI AKISAINI MKATABA MPYA WA KUJIUNGA NA TIMU YA COASTAL UNION YA TANGA KULIA NI KATIBU MKUU WA TIMU HIYO,KASSIM EL SIAGI


Mchezaji mpya wa timu ya Coastal Union ya Tanga,Iker Bright Obina kulia akisaini mkataba wa kuichezea timu hiyo kwenye msimu ujao wa ligi kuu Tanzania bara kwenye ukumbi wa klabu hiyo,wanaoshuhudia katikati ni Katibu wa Coastal Union,Kassim El Siagi,kushoto ni Mwenyekiti wa Coastal Union,Hemed Aurora “Mpiganaji”,

KUTOKA BUNGENI MJINI DODOMA MCHANA WA LEO


Waziri wa Ushirikiano wa Afrika ya Mashariki Mhe.Samweli Sitta akijibu hoja za wabunge kabla Bunge halijapitisha Bajeti ya Wizara ya Ushirikiano wa Afrika ya Mashariki kwa Mwaka 2014/2015.
Maofisa wa wizara ya Ushirikiano wa Afrika ya Mashariki wakiwa pamoja na Wabunge wa Afrika ya Mashariki wakifuatilia kikao cha Bajeti ya Wizara ya Ushirikiano wa Afrika ya Mashariki kwa 
Mwaka 2014/2015.
Waziri wa Ushirikiano wa Afrika ya Mashariki Mhe.Samweli Sitta akijadiliana jambo na Katibu Mkuu wa Wizara ya Ushirikiano wa Afrika ya Mashariki,Joyce Mapunjo mara baada ya Bunge kupitisha Bajeti ya Wizara hiyo kwa Mwaka 2014/2015.
Wabunge wa Afrika Mashariki wakiwasili Bungeni Mjini Dodoma.
Mbunge wa kuteuliwa Mhe.James Mbatia akifurahia jambo na Mhe.Shyrose Banji Mbunge wa Afrika Bunge la Afrika ya Mashariki.
Katibu Mkuu wa Wizara ya Ushirikiano wa Afrika ya Mashariki,Joyce Mapunjo (kulia) akijadiliana jambo na Waziri wa Nchi Ofisi ya Makamu wa Rais Muungano,Mhe.Samia Suluhu (kushoto) na Mhe.Celina Kombani.
Mbunge wa Chalinze,Mhe.Ridhiwani Kikwete (kushoto) akijadiliana jambo na Mbunge wa Bunge la Afrika ya Mashariki,Mhe. Shyrose Banji 

Friday, May 23, 2014

BREAKING NEWS!!!!CCM TAWI LA CHUO CHA ECKENFORDE TANGA YAIBOMOA NGOME YA CHADEMA,MWENYEKITI WAO NA KATIBU WA BAVICHA IRINGA MJINI AJIUNGA NA CCM LEO

MWENYEKITI WA CHAMA CHA MAPINDUZI WILAYA YA TANGA,KASSIM MBUGHUNI "MZEE WA UPAKO"AKIPOKEA KADI CHADEMA KUTOKA KWA ALIYEKUWA MWENYEKITI WA CHADEMA TAWI LA CHUO CHA ECKENFORDE  YA TANGA,NA KATIBU WA BAVICHA IRINGA MJINI,FRANCIS LUNYUNGU LEO

Thursday, May 22, 2014

MISS TANGA KUPATIKANA JUNI 21,2014 JIJINI TANGA,MSHINDI KUONDOKA NA GARI LENYE THAMANI YA MILIONI 10


 Bi Regina Gwae ( wapili kushoto), Akiongea na wana habari kwa niaba ya kamati ya maandalizi ya Nice and lovely jijini Dar es Salaam kuhusu shindano la miss Tanga linalo tarajiwa kufanyika tarehe 21 juni 2014 katika ukumbi wa Mkonge hotel (watatu kulia),Meneja Mauzo Nice and lovely Bw.Brian Kelly.
 waandishi wa habari wakiwa kwenye mkutano huo.
Bi Regina Gwae (kushoto),akiwaonyesha waandishi wa habari gari lenye thamani ya shilingi miliono 10 toka kwa kampuni ya Nice and lovely  litakalo shindaniwa katika shindano hilo (kulia), meneja mauzo wa kampuni hiyo Bw.Brian Kelly.
========  ====  ======
Wito umetolewa kwa wakazi wa Mkoa wa Tanga na vitongoji vyake kujitokeza kwa wingi kushuhudia shindano kubwa na la aina yake la kuwania taji la ulimbwende linalo tarajiwa kufanyika tarehe 21 juni 2014 katika ukumbi wa Mkonge hotel.

Akiongea na wana habari kwa niaba ya kamati ya maandalizi ya Nice and lovely Bi Rejina Gwae amesema kuwa wanajivunia kupata nafasi ya kuwa waandaji wa shindano hilo na kutoa wito kwa warembo wote wenye nia ya kushiriki kujitokeza kwa wingi.

Kuhusu zawadi kwa mshindi Bi Rejina amesema kuwa mshindi ataondoka na gari lenye thamani ya shilingi miliono 10 toka kwa kampuni ya Nice and lovely akasema kuwa pia kuna zawadi nyingine za pesa taslimu toka kwa washindi wengine ambazo wanatarajia kuzitangaza baadae.

Kwa upande wake meneja mauzo wa Loreal  wamilikiwa wa bidhaa za Nice and lovely Briyan Kelly alianza kwa kuishukuru kampuni ya Mac D promotion kwa kuwapa nafasi ya kuwa wadhamini wa nafasi hiyo na kuahidi kuitendea haki nafasi hiyo.

Akamalizia kwa kutoa wito kwa wote wenye nia ya kushiriki katika shindano hilo kujitokeza kwa wingi na kusema kuwa fomu za kushiriki zinapatikana Mkonge hotel, D,boutique tanga mjini,Breez fm,Tanga beach resort, Five brothers, Mwambao fm, Sophia records, Danny fashion barabara ya 13, ofisi za the guardian tanga barabara ya 15 na  Yolanda salon mtaa wa Eckenford na Nyumbani hotel.

BODI YA MIKOPO YASHIRIKI KATIKA MAONYESHO YA VYUO VIKUU


Afisa Mikopo Michael Masakwiya akitoa ufafanuzi katika maonyesho ya vyuo vikuu yaliyofanyika kwenye ukumbi wa Diamond Jubilee jijini Dar es salaam Board M 191 
Afisa Mikopo Mwandamizi Josephat Bwathondi akitoa ufafanuzi zaidi. Board M 203 
Maafisa wakitoa maelezo kwa wanafunzi Board M 207 
Afisa Habari Mwandamizi Veneranda Malima akitoa maelezo kwa wanafunzi

MATUKIO MBALIMBALI KATIKA MIKUTANO YA MH.WAZIRI WA FEDHA AMBAYE ANAHUDHURIA MKUTANO MKUU WA MWAKA WA BENKI YA MAENDELEO YA AFRIKA (AFDB) UNAOFANYIKA KIGALI -RWANDA

PIC 1 
Waziri wa Fedha Mh.Saada Mkuya Salum akiwa katika majadiliano na viongozi wa Benki ya HSBC kuhusu ujenzi wa uwanja wa ndege wa Julius Nyerere ‘Terminal III’. Majadiliano hayo yalifanyika katika Hotel ya Mills Colonie Mjini Kigali Rwanda.
PIC 2  
Mh.Saada Mkuya Salum,Waziri wa Fedha akiagana na Mkurugenzi wa Benki ya HSBC baada ya majadiliano yaliyofanyika katika Hotel ya Mills Colonie Kigali Rwanda.
PIC 3 
Waziri wa Fedha Mh.Saada M.Salum akimsikiliza kwa makini Bi.Erika Rubin mratibu wa mfuko wa Mkoba Fund wakati wa mkutano wao uliofanyika katika Hotel ya Serena Mjini Kigali Rwanda. Kulia kwa Mh.Waziri ni Nd.Jovin Rugemarila Afisa anayeshughulikia masuala ya ADB na mbele yake ni Kamishina msaidizi wa Fedha za nje –Wizara ya Fedha Nd.Jarome Bureta.
PIC 4 
Mh.Saada Salum Mkuya akiwa kwenye mazungumzo ya faragha na mratibu wa Mkoba Fund Bi.Erika Rubin mara baada ya mkutano wao uliofanyika katika ukumbi wa Muhabura Mjini Kigali Rwanda.
PIC 5 
Katibu Mkuu wa Wizara ya Fedhda Dkt.Silvacius Likwilile akieleza kwa muhtasari yale yaliyojadiliwa katika mikutano ya Benki ya maendeleo ya Afrika inayoendelea Nchini Rwanda. Anayemhoji Katibu Mkuu ni mtangazaji wa TBC Nd. Stanley Ganzel.

New American Ambassador to Tanzania Mark Childress Presents his Credentials


D92A4199 
President Dr.Jakaya Mrisho Kikwete this morning received credentials from new American ambassador to Tanzania Mark Childress during a brief official ceremony held at Dar es Salaam State House in the presence of senior State House and Foreign Affairs officials.
Prior to his appointment Mark Childress held various posts in the US administration including Assistant to the President and Deputy Chief of Staff for Planning at the White House. From 2011 to 2012, he served as Senior Counselor for Access to Justice at the Department of justice and from 2010 to 2011 he was Principal Deputy General Counsel at the Department of Health and Human Services among others.
His International experience includes two years in Nigeria working on agricultural development issues on a Rotary scholarship and as an attorney for aboriginal rights issues with the Cape York Development Corporation in Cairns, Australia from 2005-2006.
Ambassador Mark received a B.A From yale University and a J.D. from the University of Carolina Law School.
In the Picture President Dr.Jakaya Mrisho Kikwete receives credentials from new American ambassador to Tanzania Mark Childress(photos by Freddy Maro). 

MKUTANO WA WAHARIRI NA WAANDISHI WA HABARI KANDA YA NYADA ZA JUU KUSINI ULIOANDALIWA NA TFDA

Mkurugenzi  wa TFDA akitoa  maelezo ya utangulizi  kuhusu  warsha  hiyo leo katika  ukumbi wa RMO mkoani Mbeya

Utambulisho  wa  washiriki  ukifanyika
Mgeni  rasmi  na  wawakilishi wa TFDA wakiingia  ukumbini
Wanahabari  wakiwa katika warsha  hiyo ya  siku  moja leo
Warsha ya  wanahabari na  wahariri mikoa ya nyanda za juu kusini
Warsha  ikiendelea  katika  ukumbi wa RMO Mbeya Picha na www.mwadhishiwetu.blogspot.com

Taarifa Kwa Vyombo Vya Habari Kuhusiana Na Ugonjwa Wa Dengue Katika Mkoa Wa Tanga

 
Mganga Mkuu wa Mkoa wa Tanga Dr. Asha Mahita akitoa  taarifa  kwa Waandishi wa habari  ( Hawapo pichani ) wakati wa Mkutano na vyombo vya habari katika Ofisi ya Mkuu wa Mkoa Tanga kuhusiana na ugonjwa wa Dengue katika Mkoa wa Tanga .Amewataka wakazi wa Tanga na wananchi kwa ujumla  kuondoa hofu ya kuwepo kwa ugonjwa huo katika Mkoa wa Tanga  kwa sababu hadi sasa hakuna mgonjwa yeyote aliyethibitishwa kuhusishwa na ugonjwa huo. Aidha Dr Asha anawasisitiza  wakazi wa Tanga kuendelea kufanya usafi katika  mazingira yote kwani ugonjwa wa Dengue huambukizwa na Mbu anaeitwa Aedes ambaye mara nyingi hupatikana  maeneo yaliyotuama maji masafi mfano kwenye ndoo za maji, vifuu, matairi ya gari n.k. Kushoto ni Afisa Habari wa Mkoa wa Tanga  Bi. Monica Laurent
 
 
Afisa Habari Mkoa wa Tanga Bi Monica Laurent akijibu moja ya maswali kutoka kwa Waandishi wa Habari wakati wa Mkutano na Waandishi wa Habari ( hawapo pichani). Wakazi wa Tanga waelewe kuwa  tayari Mkoa wa Tanga umepokea  vipimo vya Ugonjwa wa Dengue  na kwa sasa vinapatikana katika hospitali ya Rufaa Bombo na kuna uwezekana wa kuvisambaza katika Wilaya za Mkoa wa Tanga. Ni jukumu la kila mmoja kuwahi katika vituo vya afya mara ahisipo dalili za ugonjwa wa Dengue


Waandishi wa Habari kutoka vyombo mbalimbali wakati wa mkutano