BLOG

SOMA TARUJA LEO

SOMA TARUJA LEO

MTENDELE

MTENDELE

TAWODE

TAWODE

Monday, March 31, 2014

JAPAN YAIPIGA TAFU TANZANIA KATIKA KUINUA KILIMO

 Katibu Mkuu Wizara ya Fedha Dkt. Servacius Likwelile (kushoto) akitia saini hati ya makubaliano ya msaada wenye thamani ya ziadi ya bilioni 6 unaolenga kukuza sekta ya kilimo uliotolewa   na Serikali ya Japan  kupitia Shirika la Kimataifa la Japan (JAICA) leo jijini Dar es salaam. Kulia ni Balozi wa Japan nchini Masaki Okanda.
Katibu Mkuu Wizara ya Fedha Dkt. Servacius Likwelile (kushoto) akikabidilishana nakala ya makubaliano waliosainina na Balozi wa Japan nchini Masaki Okanda (kulia) ambayo yanahusu msaada uliotolewa na Serikali ya Japan  kupitia Shirika la Kimataifa la Japan (JAICA) leo jijini Dar es salaam. 

*HABARI KUTOKA TFF LEO, WANACHAMA WA TFF KUANDALIWA KATIBA MFANO YA MAREKBISHO

Kamati ya Sheria na Hadhi za Wachezaji ya TFF imekutana Machi 30 mwaka huu kujadili utekelezaji wa maagizo ya TFF kwa wanachama wake kurekebisha Katiba zao ili ziendane na Katiba ya TFF pamoja na ile ya FIFA kabla ya Machi 30 mwaka huu.

RIDHIWANI KIKWETE AENDELEA NA KAMPENI CHALINZE

Mgombea Ubunge kwa tiketi ya CCM kwenye Uchaguzi Mdogo wa Jimbo la Chalinze,Ridhiwani Jakaya Kikwete akizungumza na Baadhi ya Viongozi wa Dini kwenye Kijiji cha Mkange,Kata ya Mkange wakati alipopita kuwasalimia na kuwaomba ridhaa ya kumchagua kuwa Mbunge wa Jimbo la Chalinze,Jana Machi 30,2014.Picha zote na Othman Michuzi.
Msanii wa Muziki wa Kizazi kipya Sam wa Ukweli akitoa Burudani kwa wananchi wa Kijiji cha Java,Kata ya Mkange jana Machi 30,2014.
Shangwe kwa wananchi wa Kijiji cha Java,Kata ya Mkange.
Wananchi wa Kijiji cha Java,Kata ya Mkange wakifatilia kwa makini Mkutano wa Kampeni za CCM.

*BALAA LA MVUA ILIYONYESHA JIJINI DAR JANA

Vijana wakisaidia kulikwamua gari la Polisi, lililokwama katika shimo lililokuwa halionekani kutokana na maji kujaa katika njia nyingi za barabara eneo la Kiwalani jijini Dar es Salaam, kutokana na mvua kubwa zinazoendelea kunyesha jijini.

MATUKIO KATIKA PICHA BUNGE MAALUM LA KATIBA MJINI DODOMA

2 (2) 
Mjumbe wa Bunge Maalum la Katiba Tundu Lissu akitanga Kamati ya Uongozi kutoa ratiba itakayoongoza shughuli za Bunge hilo leo mjini Dodoma
3 (3) 
 Wajumbe wa Bunge Maalum la Katiba Zakia Meghji(kushoto) na Christopher Ole Sendeka(kulia) wakijadiliana leo mjini Dodoma kabla ya kuelekea katika Kamati zao kwa ajili ya kuanza kupitia rasimu ya Katiba mpya. 


JK aitaka halmashauri ya Jiji la Tanga kulipa fidia wananachi. .



NA OSCAR ASSENGA, TANGA.
RAIS wa Jamhuri ya Muungano wa Tanzania,Dokta Jakaya Mrisho Kikwete ameitaka Halmashauri ya Jiji la Tanga kuhakikisha inawalipa fidia wananchi waliojenga karibu na eneo la kituo cha mabasi na eneo la kuegeshea malori Kange kwa sababu walipima wenyewe viwanja wakati wakijua kutakuwa na ujenzi huo.

Agizo hilo alilitoa jana wakati alipotembelea stendi hiyo kuweka jiwe la msingi  na kupokea taarifa wakati akiwa kwenye ziara yake ya kikazi wilayani Tanga ambayo aliianza Jumapili wiki hii ya kugadua miradi mbalimbalimbali ya maendeleo na kuzungumza na wananchi kupitia mikutano ya hadhara.


Alisema haiwezekani stendi hiyo kujengwa bila kuwepo kwa eneo mbadala ambalo litaweza kuongezeka wakati matumizi yake yatakapongezeka kutokana na mahitaji ya wakazi wa jiji la Tanga hivyo wanapaswa kufikiria namna ya kufanya ili kuweza kupanua ikiwemo kuwalipa fidia wananchi waliojenga stendi hiyo pembeni yake.

    “Hakikisheni mnafikiria namna ya kuongeza eneo la stendi ili liweza kukidhi mahitaji yatakayotokana na mabasi kuongezeka hivyo halmashauri mnakazi kulipatia ufumbuzi suala hilo kabla ya kukumbana na hali hiyo “Alisema Rais Kikwete.


Aidha aliwataka wasifanye makosa kama waliyoyafanya kwa mara ya kwanza kujenga kwenye eneo hilo kuwa dogo ikiwemo kujenga hapo sasa hakikisheni mipango yenu mengine mnatafuta eneo la kupanua stendi.

Sunday, March 30, 2014

WANAFUNZI WA UDOM MWAKA WA MWISHO, WAAHIDI KUJIUNGA NA PPF

Meneja Uhusiano na Masoko wa Mfuko wa Pensheni wa PPF, Lulu Mengele, akitoa mada kuhusiana na huduma mbalimbali zitolewazo na Mfuko huo kwenye semina iliyoandaliwa na Mfuko huo kwa wanafunzi wa mwaka wa mwisho Chuo Kikuu cha Dodoma (UDOM), ambapo zaidi ya wanafunzi 500 walihudhuria semina hiyo Jumamosi Machi 29, 2014.
Baadhi ya wanafunzi wa Chuo Kikuu cha Dodoma (UDOM), wakifuatilia mada kutoka kwa Meneja Uhusiano na Masoko wa Mfuko wa Pensheni wa PPF, Lulu Mengele.

KATIBU MKUU WA CCM NDUGU KINANA AWASILI MKOANI RUKWA LEO TAYARI KWA KUANZA ZIARA YAKE YA SIKU 21

 Baadhi ya Wananchi na wanachama mbalimbali wakisubiri kumpokea katibu Mkuu wa CCM,Ndugu Abdulrahman Kinana kabla ya kuwasili kwenye uwanja wa ndege mjini Sumbawanga mkoani Rukwa mapema leo asubuhi. 
 Ndege iliyombeba Katibu Mkuu wa CCM,Ndugu Kinana ikiwasili katika uwanja wa ndege mjini Sumbawanga,mkoani Rukwa mchana huu. 
 Ndugu Kinana akishuka kwenye ndege mara baada ya kuwasili mchana huu Sumbawanga mkoani Rukwa,tayari kwa kuanza ziara yake rasmi mkoni humu,ambapo ziara yake rasmi inaanzia Wilaya ya Nkasi,mkoani Rukwa.

VPL:YANGA SC YAPINGWA 2-1 MKWAKWANI AZAM FC AILAMBA SIMBA 2-1


Jumamosi Machi 29
Ashanti United 2 JKT Oljoro 1
Jumapili Machi 30
Azam FC 2 Simba 1
Mgambo JKT 2 Yanga 1
Mbeya City 1 Tanzania Prisons 0
Kagera Sugar 0 v Ruvu Shooting 0
Mtibwa Sugar 3 v Coastal Union 1
JKT Ruvu 3 v Rhino Rangers 1
MABINGWA Watetezi Yanga Leo huko katika dimba la Mkwakwani Tanga walifungwa Bao 2-1 na Mgambo JKT iliyokuwa ikicheza Mtu 10 baada ya Mchezaji wao Mohamed Neto kutolewa nje kwa Kadi Nyekundu katika Dakika ya 30 kwa kile kilichodaiwa kukutwa na Hirizi na kipigo hicho inaelekea kinapeleka Ubingwa kwa Azam FC ambao Leo wameichapa Simba Bao 2-1.
Huko Mkwakwani, Mgambo JKT walipata Bao lao la Kwanza Dakika ya Kwanza tu Mfungaji akiwa Fully Maganga na Yanga kusawazisha katika Dakika ya 50 kwa Penati ya Nadir Haroub "Cannavaro" lakini Penati nyingine iliyopigwa na Malima Busungu katika Dakika ya 69 iliwapa ushindi Mgambo JKT.
Jijini Dar es Salaam, Azam FC waliichapa Simba Bao 2-1 kwa Bao za Hamisi Mcha, Dakika ya 16, na John Bocco, Dakika ya 56 wakati Bao la Simba lilifungwa na Joseph Owino katika Dakika ya 45.
Matokeo haya yanaifanya Azam FC izidi kupaa kileleni wakiwa na Pointi 53 kwa Mechi 23 na kubakiza Mechi 3 huku Yanga wakiwa Nafasi ya Pili wakiwa na Pointi 46 kwa Mechi 22 na kubakisha Mechi 4.

Saturday, March 29, 2014

BUNGE MAALUM LAPITISHA AZIMIO LA KURA YA MSETO

1900159_602127046540927_77902724_n 
Na Magreth Kinabo – MAELEZO, Dodoma
Hatimaye baada ya mvutano wa baadhi wa wajumbe wa Bunge la  Maalum la Katiba kuhusu upigaji wa kura ya siri na ya wazi kuendelea  leo  Mwenyekiti wa Kamati ya Kanuni na Haki za Bunge Maalum, Mhe . Pandu Ameir Kificho amewasilisha  azimio la mapendekezo ya  ya upigaji kura wa wazi na siri  kutumika kwa pamoja katika kaununi ya 37 na 38, ambalo limetipitishwa na Bunge hilo kwa  matokeo ya  jumla kwa kura  ya ndiyo 376 na hapana 133 .

Friday, March 28, 2014

RC GALLAWA-VIONGOZI KUWENI MSTARI WA MBELE KUWAHIMIZA WANANCHI KUJIUNGA NA MFUKO WA AFYA YA JAMII MIJINI(TIKA)

MKUU WA MKOA WA TANGA,LUTENI MSTAAFU CHIKU GALLAWA AKIFUNGUA MKUTANO WA SIKU  YA MFUKO WA AFYA YA JAMII MIJINI WA TIBA KWA KADI (TIKA) KOROGWE MJI AMBAPO LENGO LA MKUTANO HUO NI KUCHUKUA MAONI NA KUWAELEZA JINSI TIKA INAVYOFANYA KAZI

MKUU WA WILAYA YA KOROGWE ,MRISHO GAMBO AKIZUNGUMZA KATIKA MKUTANO WA WADAU SIKU YA MFUKO WA AFYA YA JAMII MIJINI WA TIBA KWA KADI(TIKA)

MENEJA WA MFUKO WA TAIFA WA BIMA LA AFYA(NHIF)MKOA WA TANGA,ALLY MWAKABABU AKIELEZEA  UMUHIMU WA  MATUMIZI YA TIBA KWA KADI (TIKA)MBELE YA MGENI RASMI AMBAYE NI MKUU WA MKOA WA TANGA,LUTENI MSTAAFU CHIKU GALLAWA

MWENYEKITI WA HALMASHAURI YA KOROGWE MJI, NA DIWANI WA KATA YA KILOLE ,ANGELO BENDERA AKISISITIZA JAMBO WAKATI AKIZUNGUMZA KWENYE MKUTANO HUO

MKURUGENZI WA HALMASHAURI YA KOROGWE MJI,LEWIS KALINJUNA AKISISITIZA UMUHIMU WA JAMII KUJIUNGA NA MFUKO HUO KATIKA MKUTANO HUO

AFISA MATEKELEZO NA URATIBU WA MFUKO WA TAIFA WA BIMA YA AFYA (NHIF)-SINGIDA ISSAYA SHEKIFU AKITOA UZOEFU WAKE KILA MMOJA WILAYA YA IRAMBA -SINGIDA JINSI WANANCHI WALIVYOFADIKA KUPITIA TIKA.

*RIDHIWANI KIKWETE AITEKA BWILINGU

 Mgombea wa nafasi ya Ubunge Jimbo la Chalinze kupitia CCM Ndugu Ridhiwani Kikwete akihutubia wakazi wa kijiji cha Matuli Kata ya Bwilingu na kuwaambia CCM ni Chama pekee kinachoweza kuahidi na kutekeleza yale yalioahidiwa.
 Mgombea wa Ubunge Jimbo la Chalinze kupitia tiketi ya CCM Ndugu Ridhiwani Kikwete akisalimiana na Katibu Mkuu wa zamani wa Umoja wa Vijana CCM Ndugu Martine Shigela  wakati wa mkutano wa kampeni za CCM kijiji cha Matuli kata ya Bwilingu.

KASEBA NA MASHALI WAPIMA UZITO KUPIGANA JUMAMOSI MARCH 29 PTA SABASABA!!

Bondia Japhert Kaseba akipima uzito kwa ajili ya mpambano wake wa ubingwa na Thomasi mashali kushoto mpambano utakaofanyika PTA Sabasaba siku ya jumamosi march 29 picha nawww.superdboxingcoach.blogspot.com

KAMATI YA UCHUMI NA FEDHA YA HALMASHAURI YA MJI KOROGWE, TANGA YAPITISHA MPANGO WA TIBA KWA KADI (TIKA)

Mwenyekiti wa Hamashauri ya Mji Korogwe ambaye ni Diwani wa Kata ya Kilole, Mheshimiwa Angello Bendera akiendesha kikao cha Kamati ya Uchumi na Fedha cha Halmashauri ya Mji kujadili mchakato wa kubadilisha sheria ndogo ya Mfuko wa Afya ya Jamii (CHF) kwenda katika Mfumo wa Afya ya Jamii Mijini wa Tiba kwa Kadi (TIKA). Kikao hicho cha tatu kimefanyika leo Machi 27, 2014 katika ukumbi wa Halmashauri ya Mji wa Korogwe. Pembeni ni Makamu Mwenyekiti wa Halmashauri ya Mji ambaye ni Diwani wa Kata ya Mtonga, Mheshimiwa Francis Komba (kushoto), anayefuatia ni Mganga Mkuu wa Halmashauri ya mji Korogwe, Dokta Jerry Mwakanyamale (kulia) na Meneja wa Bima ya Afya – Mkoa wa Tanga, Bw. Ally Mwakababu (kushoto).
Meneja wa Bima ya Afya – Mkoa wa Tanga, Bw. Ally Mwakababu (kushoto) akieleza umuhimu wa matumizi ya Tiba kwa Kadi (TIKA) kikao cha Kamati ya Uchumi na Fedha cha Halmashauri ya Mji kujadili mchakato wa kubadilisha sheria ndogo ya Mfuko wa Afya ya Jamii (CHF) kwenda katika Mfumo wa Afya ya Jamii Mijini wa Tiba kwa Kadi (TIKA). Kikao hicho cha tatu kimefanyika leo Machi 27, 2014 katika ukumbi wa Halmashauri ya Mji wa Korogwe. Pembeni ni Mganga Mkuu wa Halmashauri ya mji Korogwe, Dokata Jerry Mwakanyamale (kulia), Mwenyekiti wa Hamashauri ya Mji Korogwe ambaye ni Diwani wa Kata ya Kilole, Mheshimiwa Angello Bendera na Makamu Mwenyekiti wa Halmashauri ya Mji ambaye ni Diwani wa Kata ya Mtonga, Mheshimiwa Francis Komba.

Thursday, March 27, 2014

Timu ya uendeshaji wa huduma za afya wilayani Korogwe, mkoani Tanga

Meneja wa Bima ya Afya – Mkoa wa Tanga, Bw. Ally Mwakababu (kushoto) akitoa maelezo ya utangulizi wakati wa ufunguzi wa kikao cha Timu ya Uendeshaji wa Huduma za Afya ya Halmashauri (CHMT) kikijadili mchakato wa kubadirisha sheria ndogo ya Mfuko wa Afya ya Jamii (CHF) kwenda katika Mfumo wa Afya ya Jamii Mijini wa Tiba kwa Kadi (TIKA). Kikao hicho cha kwanza kilifanyika jana Machi 25, 2014 katika ukumbi wa Halmashauri ya Mji wa Korogwe, Tanga. Pembeni ni mgeni rasmi aliyekaribishwa kufungua kikao hicho, Mkurugenzi wa Halmashauri ya Mji wa Korogwe, Bw. Lewis Kalinjuna (katikati) na Mganga Mkuu wa Halmashauri ya mji Korogwe, Jerry Mwakanyamale (kulia).
 Mganga Mkuu wa Halmashauri ya mji wa Korogwe, Jerry Mwakanyamale (Kulia) akiongea wakati wa kumkaribisha mgeni rasmi Mkurugenzi wa Halmashauri ya Mji wa Korogwe, Bw. Lewis Kalinjuna (Katikati) katika ufunguzi wa kikao cha Timu ya Uendeshaji wa Huduma za Afya ya Halmashauri (CHMT) kikijadili mchakato wa kubadirisha sheria ndogo ya Mfuko wa Afya ya Jamii (CHF) kwenda katika Mfumo wa Afya ya Jamii Mijini wa Tiba kwa Kadi (TIKA). Kikao hicho cha kwanza kilifanyika leo Machi 25, 2014 katika ukumbi wa Halmashauri ya Mji wa Korogwe, Tanga. Pembeni ni Meneja wa Bima ya Afya – Mkoa wa Tanga, Bw. Ally Mwakababu (kushoto).

NSSF MEDIA CUP KUANZA KUTIMUA VUMBI MACHI 29

Meneja Kiongozi Idara ya Uhusiano na Huduma kwa Wateja wa Shirika la Taifa la Hifadhi ya Jamii (NSSF), Eunice Chiume akizungumza wakati swa hafla ya kukabidhi vifaa kwa timu zinazoshiriki mashindano ya NSSF Media Cup yanayotarajiwa kuanza rasmi Machi 29. 
 Meneja Kiongozi Idara ya Uhusiano na Huduma kwa Wateja wa Shirika la Taifa la Hifadhi ya Jamii (NSSF), Eunice Chiume akizungumza wakati swa hafla ya kukabidhi vifaa kwa timu zinazoshiriki mashindano ya NSSF Media Cup yanayotarajiwa kuanza rasmi Machi 29.

*ZIARA YA KINANA TEMEKE, AKUTANA NA VIKUNDI VYA VICOBA VILIVYOASISIWA NA MTEMVU

Katibu Mkuu wa CCM, Abdulrahman Kinana akisalimiana na Mbunge wa Kigamboni Dk. Faustine Ndungulile, alipowasili kwenye Ofisi ya CCM wilaya ya Temeke kwa ajili ya kuanza ziara katika wilaya hiyo leo ikiwa ni siku ya pili ya ziara yake ya siku nne mkoani Dar es Salaam. Wapili ni Mbunge wa Temeke Abbas Mtemvu.
 Kinana akivishwa skavu baada ya kuwasili Ofisi ya CCM Temeke

MAELFU WAJITOKEZA KUUGA MWILI WA ALIYEKUWA MKUU WA MKOA WA MARA MAREHEMU JOHN GABRIEL TUPA


 
MWILI WA ALIYEKUWA MKUU WA MKOA WA MARA JOHN GABRIEL TUPA UKITOLEWA NJE YA MAKAZI YAKE
 WAOMBOLEZAJI WAKIWA NYUMBANI KWA ALIYEKUWA MKUU WA MKOA

KAMPUNI YA KITAALII YA TANGANYIKA FILM YAKUSUDIA KUIMARISHA SEKTA YA MICHEZO SIHA

Na Omary Mlekwa Siha
UONGOZI wa kampuni ya Utalii ya Tanganyika Film tawi la Ndarakwai Wilayani Siha mkoani Kilimanjaro umesema kuwa umekusudia kuimarisha sekta ya michezo kwa lengo la kuwawezesha vijana katika  wilaya hiyo katika harakati za kuimarisha michezo.
 

Meneja wa Kampuni hiyo tawi la Ndarakwai, Thomas Olekuya alisema hayo wakati akizungumza na wachezaji wa timu ya Roseline FC na kukabidhi msaada wa vifaa mbalimbali vya michezo kwa la  kuimarisha michezo katika kata ya Ndumeti wilayani hapo kwenye kikao kilichofanyika kwenye uwanja wa shule ya  msingi Roseline.

Tuesday, March 25, 2014

KORTI YAAGIZA TFF IKAMATE MIL 106/- KULIPA WACHEZAJI YANGA
Shirikisho la Mpira wa Miguu Tanzania (TFF) tumepokea amri ya Mahakama Kuu (Kitengo cha Kazi) kukamata sh. milioni 106 za klabu ya Yanga kutokana na mapato ya mlangoni kwenye mechi zake ili kuwalipa waliokuwa wachezaji wake Stephen Malashi na Wisdom Ndlovu.

Tayari tumeanza utekelezaji wa amri hiyo ambapo katika mechi ya Ligi Kuu ya Vodacom (VPL) dhidi ya Rhino Rangers iliyochezwa Machi 22 mwaka huu mjini Tabora tumezuia sh. 9,221,250 ambazo ndizo zilizokuwa mgawo wa Yanga katika mchezo huo ulioingiza jumla ya sh. 38,655,000.

NAPE AMNADI RIDHIWANI

Katibu wa NEC Itikadi na Uenezi Nape Nnauye akiwahutubia wakazi wa kijiji cha Mkoko wakati wa mkutano wa hadhara wa kampeni za kumnadi kumgombea Ubunge jimbo la Chalinze kwa tiketi ya CCM Ndugu Ridhiwani Kikwete ambapo wananchi hao walielezwa kitendo cha kuzuiwa kupiga kura ni sawa na ubakaji wa Demokrasia na CCM itakula sambamba na wabakaji wa Demokrasia.

Monday, March 24, 2014

NAIBU WAZIRI JANETH MBENE AFUNGUA MAFUNZO YA WADADISI WA ZOEZI LA SENSA YA VIWANDA

SENSA YA VIWANDA 1 
Katibu Tawala wa Mkoa wa Morogoro Bw. Eliya Ntandu akizungumza kwa niaba ya Makatibu Tawala wa mikoa yote nchini wakati wa ufunguzi wa mafunzo ya Wadadisi na Wasimamizi wa Zoezi la Sensa ya Viwanda uliyofanyika leo mkoani Morogoro.

KATIBU MKUU OFISI YA MAKAMU WA RAIS, SAAZ SALULA, AKAGUA MIRADI YA HIFADHI YA ZIWA TANGANYIKA MKOANI RUKWA

Safari ya msafara wa Katibu Mkuu Ofisi ya Makamu wa Rais Ndugu Saaz Salula mwishoni mwa juma katika kukagua miradi inayofadhiliwa na Ofisi ya Makamu wa Rais Mazingira pamoja na wahisani wengine katika Wilaya ya Kalambo Mkoani Rukwa haikuwa rahisi kutokana na kukabiliwa na changamoto ya barabara kutokana na mvua kubwa kunyesha na hivyo kupelekea magari ya mizigo inayokwenda nchi jirani za Burundi na DRC kupitia bandari ya kasanga kukwama na kuziba njia. Juhudi za ziada kwa kushirikiana na wananchi pamoja na mkandarasi anaejenga barabara hiyo ya Sumbawanga – Kasanga kwa kiwango cha lami zilisaidia katika kuhakikisha magari yote yaliyokwama pamoja na msafara wa katibu Mkuu yanavuka salama.
 Katibu Mkuu Ofisi ya Makamu wa Rais Ndugu Saaz Salula (watatu kulia) akiwa na msafara wake wakielekea kagua wadi ya kujifungulia kinamama kijiji cha Samazi Wilayani Kalambo ikiwa ni sehemu ya mradi unaosimamiwa na mradi wa hifadhi wa ziwa Tanganyika uliopo chini ya Ofisi ya Makamu wa Rais Mazingira pamoja na miradi mingine ya ujenzi wa vyumba vitatu vya madarasa katika shule ya msingi Muzi na ujenzi unaoelekea kukamilika wa daharia (bweni) katika shule ya sekondari Kasanga. Katika msafara wake aliambatana na Katibu Tawala Mkoa wa Rukwa Ndugu Smythies Pangisa (wa nne kulia)
Katibu Mkuu Ofisi ya Makamu wa Rais Ndugu Saaz Salula akizungumza na mhudumu wa afya katika wadi ya wazazi Samazi juu ya huduma na mahitaji ya kituo hicho kipya ambacho kinategemewa kuanza kazi siku za hivi karibuni.

WAZIRI MKUU NA MATUKIO BUNGE LA KATIBA DODOMA LEO

RAIS JK ASIMAMISHA ZIARA YAKE KUSIKILIZA KERO ZA WANANCHI HANDENI.

NA OSCAR ASSENGA,HANDENI.
RAIS Jakaya Kikwete jana alilazimika kusimama na kusikiliza kero za wananchi waliyobomolewa nyumba zao kupisha ujenzi wa barabara ya Mkata Handeni kwa kusimamisha msafara wake mara tano ili kujibu hoja za wananchi hao waliyotaka kujua hatma ya kuvunjwa kwa makazi yao.

Alikumbana na adha hiyo baada ya wananchi wa maeneo ya vijiji vya Sua,Mazingara, Amani,Kwachaga na Magamba kuzuia msafara huo na kumtaka rais kuwaeleza hatma ya fidia zao ambazo wanadai kutokana na kupisha ujenzi wa barabara hiyo.

Wananchi hao walidai kuwa pamoja na mambo mengine lakini hawaridhishwi na utaratibu uliyotumika katika uendeshwaji wa zoezi hilo wa fidia hizo kulipwa kiupendeleo ambapo baadhi yao hajawalipwa kabisa.

Wenyeviti wa serikali za  vijiji  vya Sua, Said Magoma,Kwachaga, Miraji Kamwende,Magamba, Mzingara na Amani wote kwa nyakati tofauti  walimueleza rais  Kikwete kwamba kero kubwa katika vijiji hivyo pamoja na maji lakini suala la fidia ni zaidi.

Hata hivyo wenyeviti hao kila mmoja alieleza ukubwa wa tatizo hilo na kutaka kauli ya rais kuhusiana na malipo ya fidia kwa waliyobomolewa nyumba zao ili haki iweze kutendeka pamoja na kuwawezesha wakazi hao kujipanga kimaisha.

Rais  Kikwete ambaye alikuwa akitokea Mkoani Pwani na kupokelewa katika kijiji cha Manga  ambapo alizidua mradi wa maji wenye  thamani ya zaidi ya  tsh million 800 wa Mkata Magharibi, akiwa njiani kuelekea Handeni mjini alilazimika  kusimama kwa kila kijiji  kuhutubia kutokana na wananchi waliyojipanga barabarani kumzuia.

Akihutubia akiwa ndani ya gari katika vijiji hivyo,rais Kikwete aliwahakikishia wananchi waliyovunjiwa nyumba zao kupisha mradi wa barabara watalipwa fidia kila mmoja kulingana na stahiki zake.

Alisema suala hilo halina mjadala hivyo serikali haiwezi kukaa kimya juu ya haki za wananchi wake hivyo atahakikisha kila moja analipwa stahili yake ambapo atakaa na viongozi wake kuangalia namna ya kuzipatia ufumbuzi kero hizo.

Aidha aliwaahidi wakazi wa Handeni kwamba kero ya fidia itapata ufumbuzi na kwamba atamuagiza Waziri wa Ujenzi, John  Pombe Magufuli kuhakikisha kuwa wananchi hao wanalipwa bila ya upendeleo wowote.

Awali akizindua mradi wa bwawa la maji la Mkata magharibi, Kikwete alisema kuwa lengo la serikali ni kupunguza kama siyo kuondoa kabisa kero ya maji inayowakabili wakazi wa Wilayani Handeni kama ilivyowaahidi \.

Awali Mkurugenzi wa halmashauri ya Wilaya ya Handeni, Khalfan Haule alimueleza rais kuwa mradi huo uliyoanza  julai mwaka jana unatekelezwa kwa awamu mbili kwa gharama ya zaidi ya tsh million 819 ambapo mpaka sasa umeshatumia zaidi ya tsh million 361 nguvu za wananchi zikiwa ni tsh million 37.

 Akiwa katika ziara ya siku ya kwanza Mkoani Tanga, rais mbali ya mradi wa bwawa hilo  lakini pia alizindua barabara ya Mkata-Handeni na shamba la mifugo la Msomelwa  ambapo kesho (leo) atakuwa Wilayani Korogwe kwa siku moja kabla ya kurejea Jijini Dar.