BLOG

SOMA TARUJA LEO

SOMA TARUJA LEO

MTENDELE

MTENDELE

TAWODE

TAWODE

Friday, January 31, 2014

WAZIRI WA HABARI,VIJANA UTAMADUNI NA MICHEZO AKABIDHI VIFAA VYA MICHEZO KWA SHULE ZA SEKONDARI JIJINI DAR ES SALAAM.

Waziri wa Habari, Vijana, Utamaduni na Michezo, Mh. Dk. Fenella Mukangara (wa kwanza kushoto)  na Meneja Uhusiano wa Nje wa Vodacom (wa pili kushoto), Salum Mwalim,Wakikabidhi baadhi ya vifaa vya michezo kwa mwanafunzi wa shule ya sekondari Mnazi Mmoja, Shaha Bakari(kulia)Vifaa hivyo vilivyotolewa na Vodacom Tanzania kwa ajili ya mashindano yatakayoanza hivi karibuni yatahusisha shule za sekondari kumi na mbili(12)za jijini Dar es Salaam.Akishuhudia makabidhiano hayo wapili kutoka kushoto ni Mwalimu michezo wa shule hiyo, Alex Dumien.
Waziri wa Habari, Vijana, Utamaduni na Michezo, Mh. Dk. Fenella Mukangara (kushoto)Meneja Uhusiano wa Nje wa Vodacom Tanzania (wa pili kushoto), Salum Mwalim wakikabidhi vifaa vya michezo kwa mwanafunzi wa shule ya sekondari Mugabe, Juma Shabani (kulia)Vifaa hivyo vimetolewa na Vodacom Tanzania kwa ajili ya mashindano yatakayo anza hivi karibuni na kuhusisha shule za sekondari kumi na mbili(12) za jijini Dar es Salaam.Akishuhudia wapili kutoka kushoto ni Mwalimu wa shule hiyo, Farouk Kaburwa.
Waziri wa Habari, Vijana, Utamaduni na Michezo, Mh. Dk. Fenella Mukangara(wapili toka kushoto)akishuhudia Meneja Uhusiano wa Nje wa Vodacom Tanzania(kulia) Salum Mwalim akikabidhi mfano wa hundi ya Milioni moja(1,000,000) kwa Katibu Mkuu wa Baraza la Michezo Tanzania (BMT), Henry Lihaya (wa pili kushoto) fedha hizo zitatumika katika maandalizi wakati wa mashindano ya michezo shule za sekondari za Mkoa wa Dar es Salaam.Kulia ni Naibu Katibu Mkuu wa Wizara hiyo,Prof. Elisante Ole Gabriel.
Waziri wa Habari, Vijana, Utamaduni na Michezo, Mh. Dk. Fenella Mukangara (wa pili kushoto)akikabidhi moja ya vifaa vya michezo kwa mwanafunzi wa shule ya sekondari Kibasila, Simon  Nungu (kulia)Vifaa hivyo vya michezo vilivyotolewa na Vodacom Tanzania kwa ajili ya mashindano ya michezo mbalimbali itakayoanza hivi karibuni na kuzihusisha shule za sekondari kumi na mbili(12)za jijini Dar es Salaam.Wanaoshuhudia makabidhiano hayo kushoto ni Naibu Katibu Mkuu wa wizara hiyo, Prof. Elisante Ole Gabriel, Meneja Uhusiano wa Nje wa Vodacom Tanzania(wa tatu kushoto),Salum Mwalim.

MAKAMU WA RAIS DKT. BILAL AAGANA NA WAZIRI MKUU WA FINLAND BAADA YA KUMALIZA ZIARA YAKE NCHINI

 Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akizungumza na Waziri Mkuu wa Finland, Jyrki Katainen, wakati alipokuwa akiagana naye kwenye Uwanja wa Ndege wa Kimataifa wa Julius Nyerere, Dar es Salaam. Waziri huyo ameondoka jana usiku kurejea nchini kwao baada ya kumaliza ziara yake ya siku tatu nchini. Kushoto ni Waziri wa Nishati na Madini, Prof. Sospeter Muhongo.
 Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akiagana na Waziri Mkuu wa Finland, Jyrki Katainen, wakati alipokuwa akiondoka kwenye Uwanja wa Ndege wa Kimataifa wa Julius Nyerere, Dar es Salaam, jana usiku kurejea nchini kwao baada ya kumaliza ziara yake ya siku tatu nchini.
 Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akiagana na Waziri Mkuu wa Finland, Jyrki Katainen, wakati alipokuwa akiondoka kwenye Uwanja wa Ndege wa Kimataifa wa Julius Nyerere, Dar es Salaam, jana usiku kurejea nchini kwao baada ya kumaliza ziara yake ya siku tatu nchini. Kushoto ni Naibu Waziri wa Mambo ya Nje, Mahadhi Juma.

*SIMBA KUWAKARIBISHA JKT OLJORO UWANJA WA TAIFA KESHO

Mechi za Ligi Kuu ya Vodacom (VPL) kuwania ubingwa wa Tanzania Bara inaingia raundi ya 16 wikiendi hii kwa mechi nne ambapo kesho (Februari 1 mwaka huu) Simba itakuwa mwenyeji wa Oljoro JKT katika Uwanja wa Taifa, Dar es Salaam.
Viingilio katika mechi hiyo itakayochezwa kuanzia saa 10 kamili jioni ni sh. 5,000, sh. 15,000 na sh. 20,000 kwa VIP A. Refa atakuwa Nathan Lazaro kutoka mkoani Kilimanjaro wakati Kamishna ni Hakim Byemba wa Dodoma.
Uwanja wa Azam uliopo Mbagala siku hiyo kutakuwa na mechi kati ya wenyeji Ashanti United na Mgambo Shooting kutoka Handeni mkoani Tanga kwa viingilio vya sh. 3,000 kwa sh. 10,000.
Jumapili (Februari 2 mwaka huu) ni Yanga vs Mbeya City (Uwanja wa Taifa, Dar es Salaam, saa 10 kamili jioni), na Azam vs Kagera Sugar (Uwanja wa Azam Complex, Chamazi saa 10 kamili jioni).

Ligi hiyo itaendelea Jumatano (Februari 5 mwaka huu) kwa mechi kati ya Tanzania Prisons vs Coastal Union (Uwanja wa Sokoine, Mbeya), Mgambo Shooting vs Ruvu Shooting (Uwanja wa Mkwakwani, Tanga), Rhino Rangers vs Oljoro JKT (Uwanja wa Ali Hassan Mwinyi, Tabora), na JKT Ruvu vs Ashanti United (Uwanja wa Azam Complex, Chamazi).

BREAKING NEEEEWZ!!! VIONGOZI WA CHADEMA MBOWE, MDEE NA MSIGWA WAKAMATWA NA KUHOJIWA MKOANI IRINGA

Mwenyekiti wa Chadema, Freeman Mbowe na wabunge wake wawili, Peter Msigwa na Halima Mdee, waonja joto ya jiwe ya Nondo la lupango za Kituo cha Polisi Kati Mkoani Iringa.

Akizungumza kwa njia ya simu Ripota wa Mtandao huu, alisema kuwa, Viongozi hao wa Chadema, wamekamatwa na Polisi leo asubuhi na kuwashikilia kwa muda kituoni hapo wakihojiwa baada ya jana kupitisha muda katika mkutano wao waliofanya mkoani hapo.

Aidha imeelezwa kuwa viongozi hao walichelewa kufika eneo la mkutano baada ya Rubani wao kupotea angani na kufika eneo hilo zikiwa zimebaki dakika chache kabla ya muda wa mkutano kumalizika, jambo lililomfanya mwenyekiti huyo kuwaomba Polisi wasimamizi wa usalama kuongea japo kwa dakika chahe ili kuwajulisha wanachama wao kilichotokea.

Baada ya kuruhusiwa kufanya hivyo imedaiwa kuwa mwenyekiti huyo aliyekuwa ameongozana na wabunge wake wawili, alipitisha muda na kuzua maswali miongoni mwa wanausalama wa mkoa huo, jambo lililowapelekea kukamatwa na kuhojiwa kwa muda kituo cha Kati mkoani Iringa leo majira ya saa tatu asubuhi na baadaye kuachiwa wakaendelea na safari zao.

Thursday, January 30, 2014

NAIBU KATIBU MKUU WA WIZARA YA HABARI AKIONGEA NA WATUMISHI
IMG_0785Naibu Katibu Mkuu wa Wizara ya Habari, Vijana, Utamaduni na Michezo Prof. Elisante Olegabriel akiongea  na Watumishi wa Wizara naTaasisi zake katika Kikao cha cha kujadili Fursa mbalimbali kwa Maendeleo ya Wizara  kilichofanyika  Jijini Dar es Salaam leo
IMG_0828Mtendaji Mkuu wa TSN Bwana Nderumaki akiwasilisha mada katika Kikao cha kujadili Fursa mbalimbali kwa maendeleo ya Wizara na Taasisi zake kilichofanyika leo jijini Dar es Salaam.(Picha zote na Benjamin Sawe wa Wizara ya Habari)

SERIKALI YA TANZANIA NA FINLAND ZATILIANA SAINI MKATABA WA MAKUBALIANO WA KUFANYA KAZI KWENYE SEKTA YA MADINI

1Waziri wa Nishati na Madini Profesa Sospeter Muhongo akisalimiana na Waziri Mkuu wa Finland,  Jyrki Katainen wakati alipowasili katika ukumbi wa mikutano wa Hoteli ya Hyatt Regency, Kilimanjaro jijini Dar es Salaam, wakati Serikali za nchi hizo mbili ziliposaini Mkataba wa Makubaliano ya Kufanya Miradi ya Pamoja ya Sekta ya Madini.
2Waziri wa Nishati na Madini Profesa Sospeter Muhongo akizungumza na Waziri Mkuu wa Finland, Jyrki Katainen kabla ya kutiliana na saini Mkataba wa Makubaliano ya Kufanya Miradi ya Pamoja ya Sekta ya Madini kwenye ukumbi wa mikutano wa Hoteli ya Hyatt Regency, Kilimanjaro jijini Dar es Salaam .
3Waziri Mkuu wa Finland, Jyrki Katainen akizungumza na wadau wa sekya  ya Madini wa Serikali ya Tanzania na Finland, wawakilishi wa taasisi za jiolojia na wadau wa sekta hiyo kutoka nchi hizo mbili, kwenye ukumbi wa mikutano wa Hoteli ya Hyatt Regency, Kilimanjaro jijini Dar es Salaam.

NAIBU WAZIRI WA MAJI AZURU DAWASA NA DAWASCO

IMG_0417Naibu Waziri wa Maji, Amos Makala, akisaini Kitabu cha Wageni katika Ofisi za DAWASA. Kushoto ni Makamu Mwenyekiti wa Bodi ya DAWASA, Said El Maamry na Kulia ni Mkurugenzi wa DAWASA, Archad Mutalemwa. IMG_0464Mkurugenzi wa DAWASA, Archad Mutalemwa akifafanua jambo kwa Naibu Waziri wa Maji, Amos Makala na katikati ni Makamu Mwenyekiti wa Bodi ya DAWASA, Said El Maamry. IMG_0480Naibu Waziri wa Maji, Amos Makala, akizungumza katika mkutano alipotembelea DAWASA. IMG_0560Afisa Mtendaji Mkuu wa DAWASCO, Jackson Midala akimwonyesha ripoti ya DAWASCO, Naibu Waziri wa Maji, Amos Makala na kushoto ni Mwenyekiti wa Bodi ya DAWASCO.

KAMATI YA ULINZI NA USALAMA YA MKOA WA KILIMANJARO YATEMBELEA KIJIJI CHA RUVU JIUNGENI KILICHOKUMBWA NA MGOGORO WA ARDHI

Mkuu wa Mkoa wa Kilimanjaro, Leonidas Gama akizungumza na wananchi wa Kijiji cha Ruvu Jiungeni, iliyoko katika Kata ya Ruvu, wilayani Same, alipotembelea kijiji hicho akiongozana na kamati ya ulinzi na usalama wa mkoa, kijiji hicho kimekuwa katika mgogoro wa wakulima na wafugaji kwa zaidi ya miaka 20 sasa tangu mwaka 1987.
Wanakiji katika kijiji cha Ruvu Jiungeni, iliyoko katika Kata ya Ruvu, wilayani Same, wakimsikiliza Mwenyekiti wa kamati ya ulinzi na usalama wa mkoa wa Kilimanjaro, Mkuu wa mkoa huo, Leonidas Gama wakati alipotembelea kijiji hicho kutatua mgogogro wa siku nyingi kati ya wakulima na wafugaji

Wanakiji katika kijiji cha Ruvu Jiungeni, iliyoko katika Kata ya Ruvu, wilayani Same, wakimsikiliza Mwenyekiti wa kamati ya ulinzi na usalama wa mkoa wa Kilimanjaro, Mkuu wa mkoa huo, Leonidas Gama wakati alipotembelea kijiji hicho kutatua mgogogro wa siku nyingi kati ya wakulima na wafugaji
Mwenyekiti wa Kijiji cha Ruvu Jiungeni Lepuruka Laize, akifafanua kiini cha mgogoro wa siku nyingi baina ya wakulima na wafugaji katika kijiji, mbele ya kamati ya ulinzi na usalama ya mkoa.


MWILI WA SHEKH WA MKOA WA MARA WAWASILI UWANJA WA NDEGE MUSOMA
 NDEGE ILIYOBEBA MWILI WA MAREHEMU SHEKH ATHUMANI MAGEE

 MKUU WA MKOA WA MARA JOHN TUPPA AKIELEKEA KWENYE NDEGE KUONGOZA WAOMBOLEZAJI

Lowassa ameanza safari, ni ndefu kiasi gani?

 
Mbunge wa Monduli, Edward Lowassa akiwasalimia wananchi waliohudhuria sherehe za mwaka mpya nyumbani kwake wakiwamo wabunge, viongozi wa dini, wafanyabiashara wakubwa na wakazi wa Mkoa wa Arusha na viongozi wa CCM. Kushoto ni aliyekuwa Naibu Waziri wa Ardhi, Godluck ole Medeye na kushoto mwenyekiti wa chama hicho Mkoa wa Arusha, Onesmo ole Nangole. Picha ya Maktaba 
*******
“Nimefarijika sana leo kuwaona hapa marafiki zangu wengi. Ninapowatazama hadi machozi yananitoka na kwa uwezo wa Mungu tutashinda kwani nyote mnajua nia na ndoto yangu…WanaCCM msiwe na shaka, tutavuka kwa nguvu zetu... Wingi wenu huu unanipa faraja katika safari yetu na kwa kumtegemea Mungu tutashinda.”  ni kauli ya aliyewahi kuwa Waziri Mkuu, Edward Lowassa.

Lowassa alitangaza hivi karibuni kuanza rasmi kwa safari hiyo aliyoiita ya matumaini ya ndoto zake, ambayo anasema itatimiza ndoto za Watanzania za kupata elimu bure, majisafi na maendeleo ya uhakika.
Alitoa kauli hiyo katika ibada ya shukrani na kuupokea mwaka mpya, katika Kanisa la Kiinjili la Kilutheri Tanzania (KKKT),Usharika ya Monduli Mjini mkoani Arusha.
Bila ya kutaja safari hiyo ni ipi, Lowassa anawataka waliohudhuria ibada hiyo waungane na kaulimbiu yake, ‘Tulifurahi pamoja, tulihuzunika pamoja na tutashinda pamoja’.
Hafla hiyo ya kimkakati, ilihudhuriwa  na baadhi ya wabunge, wengi wakiwa wa CCM, wenyeviti wa mikoa kadhaa wa chama hicho, wakiongozwa na Mwenyekiti wa Wenyeviti wa CCM, viongozi wa jumuiya za chama na wengineo.
Licha ya kutoweka bayana aina ya safari anayoanza, Lowassa ni miongoni mwa wanaCCM wanaotajwa kuwa wanaowania urais, kumrithi Rais Jakaya Kikwete.
Dalili hizi za Lowassa kuutaka urais na kutafuta kabla ya kipenga kupulizwa, zimeishtua CCM na kumtahadharisha kuwa atapoteza sifa ya kupitishwa ifikapo 2015.
Safari tangu 1995

TAARIFA MAALUM YA POLISI MKOA WA DODOMA KUKAMATWA KWA MANAMKE LEO LIVE!!


Kamanda wa Polisi mkoa wa Dodoma kamishna msaidizi mwandamizi DAVID MISIME (SACP) anawashukuru wananchi wa kondoa kwa jinsi walivyotoa ushirikiano kwa Jeshi la Polisi na kufanikisha kumkamata mwanamke aliyeiba mtoto mchanga wa siku moja tarehe 20.01.2014 huko katika maeneo ya Hospitali ya Wilaya ya Kondoa.

Mtoto huyo wa jinsia ya kiume alizaliwa tarehe 19.01.2014 huko katika zahanati ya Thawi. Mama yake mzazi SALMA S/O ZUBERI, mpare, mkazi wa kijiji cha Mwembeni, Kata ya Changaa - Kondoa, alipatwa na matatizo ambayo yalimlazimu kuhamishiwa katika hospitali ya Wilaya ya Kondoa. Wakati mama huyo akiwa anapatiwa matibabu na daktari alibidi mkwe wake aitwaye HADIJA D/O SAID awe anambeba mtoto huyo mchanga. Alitoka naye nje na ndipo akakutana na AMINA D/O JUMANNE MWASI, 22 Yrs, mkazi wa Mningani, Kondoa mjini, alianza akuongea na nyanya wa kichanga hicho cha siku moja baada ya kuzoeana na mwanamke ambaye alijieleza kuwa amelazwa hapo hospitali kutokana na ujauzito aliomba kumshika au kumpakata mtoto huyo.

Mama mkwe huyo alitoka kwenda kutafuta chakula ili mgonjwa atakapomaliza matibabu aweze kula. Baada ya muda alirudi akashangaa kutokumwona mama ambaye naye alikuwa amejifanya ni mjamzito haonekani, alijaribu kumtafuta maeneo mbalimbali na kuuliza watu mbalimbali bila mafanikio ndipo akaamua kutoa taarifa Polisi.

Kwa vile taarifa zilikuwa zimetolewa maenoe mbalimbali wananchi wema walimtilia mashaka mwanamke aliyeiba mtoto na andipo kwa ushiriano mkubwa baada ya kumfuatilia kwa karibu sana Polisi wakafanikiwa kumtia mbaroni tarehe 29.01.2014 wakati alipompeleka motto huyo hospitali ya Wilaya kwani mtoto alianza kuugua.

Baada ya mahaojiano alikubali kuwa alimuiba mtoto huyo na hata uchunguzi wa kitaalamu umebaini mwanamke huyo hajajifungua siku za karibuni.

Ninatoa wito kwa wananchi kutokuamini watu wasiwafahamu kwa asilimia mia, hata kama wanalugha nzuri kiasi gani pia nawatahadharisha wanawake waliokosa watoto kwa muda mrefu utatuzi wake sio kuiba watoto wa watu wengine.

DAVID MISIME – SACP
KAMANDA WA POLISI MKOA WA DODOMA
chanzo blog ya wananchi.

NAIBU WAZIRI WA FEDHA MH;MWIGULU NCHEMBA ATEMBELEA OFISI NDOGO ZA HAZINA MKOA WA JOMBE

Naibu Katibu Mkuu CCM Bara,Mwigulu Nchemba ambaye pia ni Naibu Waziri wa Fedha akisalimiana na Viongozi mbalimbali wa Chama Cha Mapinduzi Wilaya ya Njombe wakati alipotembelea Ofisi Mpya ya Hazina Ndogo Mkoa wa Njombe mapema leo Asubuhi ya Tar.30/01/2014Naibu Katibu Mkuu CCM Tanzania Bara Mh;Mwigulu Lameck Nchemba akibadilisha mawazo na Mkuu wa Wilaya wa Wanging'ombe Wakati wakitoka Kutembelea Ofisi Ndogo Mkoa wa Njombe. .
Mh;Mwigulu Nchemba akioneshwa moja ya Chumba cha Mapokezi ya Wageni kwenye Ofisi za Hazina Ndogo.
Picha zote na Habari Kwanza Blog

NAIBU WAZIRI ATEMA CHECHE TRA,AWAPA AGIZO LA KUHAKIKISHA HUDUMA ZOTE ZA TRA ZINAPATIKA MKOA WA NJOMBE

Naibu Waziri wa Fedha Mh;Mwigulu Nchemba hii leo akiwa kwenye Ziara yake ya Kikazi Mkoani Njombe ameagiza Bodi na Mamlaka ya mapato Tanzania(TRA) Kuhakikisha Wanajenga Ofisi ndani ya Mkoa wa Njombe(M) haraka sana ilikuondoa Usumbufu Kwa Wafanyabiashara na Wananchi wanapohitaji huduma muhimu kama Leseni,Tin Number n.k.
 
Akizungumza na Wafanyabiashara Mkoa wa Njombe hii leo (30/01/2014) kwenye Ukumbi wa TURBO,Mh:Mwigulu Nchemba amesisitiza kuwa Ofisi yake imedhamiria kuhakikisha Njombe inapatiwa huduma zote zinazohusu TRA ilikuondoa usumbufu wanaoupata Wananchi hivi sasa kusafiri nje ya Mkoa kupata huduma.

Kwa muda mrefu Njombe kumekuwa na Ofisi ya TRA ambayo inatoa baadhi ya huduma kama Malipo ya Kodi,Kwenye Ulipaji wa Leseni,Tin No, n.k Wananchi wamekuwa wakilazimika kwenda Mikoa ya karibu kama Mbeya na Iringa kwaajili ya Kushughulikia huduma hizo.
chanzo;Habari kwanza Blog

RAIS JAKAYA KIKWETE AWAAPISHA WAZIRI NA MANAIBU WAZIRI IKULU DAR

 Makamu Wa Rais wa Jamhuri ya Muungano wa Tanzania, Dkt. Mohammed Gharib Bilal, akisalimiana na Waziri na Manaibu Waziri waliokuwa wakiapisha Ikulu Dar es Salaam, leo wakati alipokuwa akiwasili katika hafla hiyo.
 Rais Jakaya Kikwete, akimuapisha Ummy Mwalimu, kuwa Naibu Waziri wa Ofisi ya Makamu wa Rais, wakati wa hafla fupi ya kuwaapisha Waziri na Manaibu Waziri iliyofanyika Ikulu jijini Dar es Salaam, leo.

 Rais Jakaya Kikwete, akimuapisha Kaika Saning’o Telele, kuwa Naibu Waziri wa Maendeleo ya Mifugo na Uvuvi, wakati wa hafla fupi ya kuwaapisha Waziri na Manaibu Waziri iliyofanyika Ikulu jijini Dar es Salaam, leo.
 Rais Jakaya Kikwete, akimuapisha Eng. Dr. Binilith Satano Mahenge, kuwa Waziri wa Nchi Ofisi ya Makamu wa Rais (Mazingira) wakati wa hafla fupi ya kuwaapisha Waziri na Manaibu Waziri iliyofanyika Ikulu jijini Dar es Salaam, leo.
 Rais Jakaya Kikwete, Makamu wake Dkt. Mohammed Gharib Bilal, na Waziri Mkuu, Mizengo Pinda, wakia katika picha ya pamoja na Waziri na Manaibu Waziri walioapishwa katika hafla fupi iliyofanyika Ikulu Dar es Salaam, leo.
Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, (wa tatu kulia) akiwa katika picha ya pamoja na Mawaziri wapya na wa zamani wa Ofisi yake, baada ya kuapishwa wapya katika hafla fupi iliyofanyika Ikulu jijini Dar es Salaam, leo. Kutoka (kulia) ni aliyekuwa Naibu Waziri wa Ofisi ya Makamu wa Rais, Charles Muhangwa Kitwanga, ambaye kwa sasa ni Naibu Waziri wa Nishati na Madini, Waziri wa Nchi Ofisi ya Makamu wa Rais (Muungano)Samia Suluhu Hassan, Waziri wa Nchi Ofisi ya Makamu wa Rais (Mazingira) Eng. Dr. Binilith Satano Mahenge, Naibu Waziri Ofisi ya Makamu wa Rais, Ummy Mwalimu na aliyekuwa Waziri wa Mazingira Ofisi ya Makamu wa Rais, Terezya Huvisa, wakati wa hafla fupi ya kuwaapisha Waziri na Manaibu Waziri, iliyofanyika Ikulu jijini Dar es Salaam, leo.

*TAMKO LA JOHN MALECELA KUHUSU WANAOJINADI KUWANIA URAIS 2015


Ndugu zangu waandishi wa habari, awali ya yote naomba niwasalimie na niwapongeze kwa kufika -mwaka mpya 2014, pia naomba niwapongeze kwa kazi kubwa ambayo mmekuwa mkiifanya hasa kuhakikisha watanzania wanapata habari kwa kila jambo linaloendelea kila kona ya taifa letu la Tanzania.

Ndugu waandishi wa habari nimewaita hapa ili kuzungumza nanyi na mnisaidie kufikisha ujumbe kwa watanzania hasa kuhusu jambo hili ambalo limekuwa gumzo kwa watanzania wengi la mbio za urais 2015 kwa baadhi ya watu ndani ya chama changu cha mapinduzi (CCM), kilichonisukuma zaidi na kupata hamu ya kuongea nanyi ni baada ya kumsikia -na kumuona kijana wetu ndani ya chama cha mapinduzi bwana Paul Makonda akiwa na ujasiri wa kukemea vitendo mambo haya yanayofanywa na baadhi ya viongozi bila uwoga wowote naomba tuchukue fursa hii kumpongeza sana kijana huyu.

WAANDISHI WA HABARI WAASWA KUTOANDIKA HABARI ZA UCHOCHEZI

Na Elizabeth Kilindi,Bumbuli
WAANDISHI   wa habari nchini wametakiwa kutoandika habari zinazochochea mifarakano katika jamii kwa misingi ya chuki,dini rangi au itikadi za kisiasa na badala yake watumie kalamu zao kuandika habari zitakazoleta  manufaa kwa jamii na taifa kwa ujumla.

Wito huo umetolewa na Diwani  wa  Kata  ya  Millingano,Hozza  Mandia wakati  akizungumza na TANGA RAHA BLOG  na kueleza kuwa waandishi wanatakiwa kuzingatia haki za pande zote mbili na kusisitiza uadilifu katika kutoa habari hizo.

WAZEE WAIOMBA SERIKALI KUWAJENGEA UZIO.

Na Elizabeth Kilindi,Muheza.

WAZEE  wanaoishi kwenye kambi ya Ukoma Iliyopo Ngomeni wilayani Muheza wameiomba serikali kuwajenga uzio kwenye kambi hiyo ili kuwanusuru na vibaka wanaowavamia mara kwa mara na kupora mali zao ikiwemo mifugo pamoja na  ujenzi wa vyoo bora.

Ombi hilo wakati  wakipokea Msaada wa nguo na chakula kutoka Taasisi ya Kuzuia na Kupambana na Rushwa TAKUKURU Mkoa wa Tanga  wakati taasisi hiyo ilipo kwenda kutembelea kambi hiyo ili kubaini changamoto zinazowakabili.

HALMASHAURI YA JIJI LA TANGA YAKUSUDIA KUTUMIA BILIONI 61.

                            Na Elizabeth Kilindi,Tanga.
                     
HALMASHAURI  ya  Jiji la Tanga imekusudia kutumia  zaidi ya tsh billion 61.1 kwa ajili  ya uendeshaji  wa  miradi mbalimbali ya  Jiji hilo  na utoaji wa huduma kwa wananchi katika kipindi cha mwaka wa fedha 2014/2015.
 
Hayo yalielezwa na meya wa Jiji la Tanga, Omari Gulled wakati akitoa taarifa kwa wananchi  kuhusiana na mchakato wa bajeti ya halmashauri hiyo na mipango  iliyopo  ya  uendeshaji wa shughuli za maendeleo kwa wananchi wake.

SERIKALI YATAKIWA KUONDOA KWENYE VIFAA VYA UJENZI WA NYUMBA.

Na Elizabeth Kilindi,Mkinga.
MWENYEKITI  wa kamati ya   kudumu ya Bunge ya  Ardhi, Maliasiri na Mazingira James Lambeli, ameitaka serikali kuondoa kodi  kwenye vifaa vya  mradi wa ujenzi wa nyumba za  gharama  nafuu unaoendeshwa na Shirika la Nyumba Tanzania (NHC)  ili kumuwezesha mwananchi wa hali ya chini kuondokana na makazi duni.

Lembeli aliyasema hayo  baada ya  taarifa ya mradi huo iliyosomwa hapo juzi, mbele ya kamati hiyo na Kaimu Mkurugenzi wa uendeshaji wa shirika hilo, Benedict  Kilimba na kueleza kuwa kodi za serikali zimesababisha  bei ya nyumba hizo kuwa kubwa.

Wednesday, January 29, 2014

WAZIRI MKUCHIKA AELEZA SABABU ZA TANZANIA

Add caption
MOSHI, Tanzania
WAZIRI wa Nchi ofisi ya Rais anayeshuhulikia Utawala Bora, Kaptein mstaafu, George Mkuchika amesema migogoro ya ardhi, mauaji ya maalbino na vikongwe, wanachi kujichukulia sheria mikononi, rushwa pamoja na ujangili zinadaiwa kuwa moja ya sababu zinazochangia kuporomoka kwa Tanzania katika viwango vya utawala bora duniani.
Mkuchika aliyasema hayo alipokuwa akizungumza katika kikao cha 30 cha kamati ya ushauri wa mkoa wa Kilimanjaro (RCC) kikao ambacho ni cha kwanza kwa mwaka 2014 na maalum kwa ajili ya kujadili vipauumbele vya Bajeti ya Mkoa huo kwa mwaka 2014/2015.

Kaptein Mkuchika alisema kutokana na taarifa zilizotolewa hivi karibuni, Tanzania inashika nafasi ya pili kwa utawala bora nyuma ya Rwanda kwa nchi za ukanda wa Afrika mashariki nyuma ya Rwanda, 17 katika ukanda wa Afrika na 102  kati ya nchi 176  duniani ambapo kwa mujibu wa taarifa hizo Tanzania imeshuka kiwango katika ukanda wa Afrika katika kipindi cha miaka miwili.

Alisema katika taarifa hizo, Tanzania ilikuwa ikishika nafasi ya 10 miaka miwili iliyopita na kuongeza kuwa kuporomoka huko kunatokana na kukithiri kwa ukiukwaji wa haki za binadamu, mauaji ya albino na vikongwe, mapigano ya wakulima na wafugaji, Ujangili, ambapo zaidi ya watu kumi walikufa mkoani Manyara.

MAUAJI YATIKISA POLISI.

Mkuu wa Polisi nchini, IGP Ernest Mangu.
*********
Mauaji ya kutisha yametikisha wilaya ya Tarime kiasi cha kumfanya Mkuu wa Jeshi la Polisi (IGP), Ernest Mangu, kutuma timu maalum kutoka makao makuu ya jeshi hilo inayohusisha kamisheni ya Operesheni kufanya uchunguzi.

Hatua ya kupelekwa kwa timu hiyo inatokana na mauaji ya mfululizo katika mji wa Tarime ambayo ipo kwenye himaya ya Kanda Maalum ya Polisi ya Tarime na Rorya ambayo yametokea kwa watu wanane katika kipindi cha siku tatu.

 
Mauaji hayo yanadaiwa kufanywa na jambazi mwenye silaha katika mji wa Tarime mkoani Mara kwa siku tatu kuanzia Jumatatu hadi jana.

Mmoja wa watu waliouawa ni askari mstaafu wa Jeshi la Wananchi wa Tanzania (JWTZ), Koplo Zakaria Chacha Mwita ambaye ni mtoto wa marehemu Meja Jenerali Mwita Marwa.

Pia wamo aliyekuwa Mhandisi Ujenzi Wilaya ya Rorya, aliyetajwa kwa jina la David Mwasi Misiwa.

Wengine ni mfanyabiashara, Samuel Richard Mohenga na huku Jeshi la Polisi likisema kuwa linaendesha msako.

Kamanda wa Polisi Kanda Maalum ya Tarime/Royra, Justus Kamugisha, alithibitisha kutokea kwa mauaji hayo na kusema kuwa mtu anayesadikiwa kuwa jambazi akiwa na bunduki kwa siku tatu kuanzia Januari 26, mwaka huu usiku aliua watu saba kwa kuwapiga risasi  na kujeruhi kadhaa.

Aliwataja wengine kuwa ni mwendesha bodaboda, mkazi wa kijiji cha Nkende, Juma  Marwa Nyaitara, Erick Lucas Makanya, mfanyabiashara  wa bucha mkazi wa kijiji cha Rebu, Juma Mwita Mroni na mkazi wa kijiji cha Kenyamanyori, Robert Chacha Kisiri.

Jana asubuhi, wakazi wa mji wa Tarime na vitongoji vyake walimfananisha mtu aliyekuwa amevaa koti refu na mtuhumiwa wa mauaji hayo na kutaka kumshushia kipigo, lakini aliokolewa na polisi waliorusha risasi hewani na kumpeleka katika kituo cha polisi.

Kamanda Kamugisha aliwashauri wananchi kutoa ushirikiano kwa Jeshi la Polisi kwa kutoa taarifa mara watakapomuona mtuhumiwa.

*MAHAKAMA YA KISUTU YAWAACHIA HURU WANAHABARI KIBANDA,MAKUNGA NA MAKADA WA CHADEMA WASHINDA KESI YA UCHOCHEZI

Habari zilizoufikia mtandao huu hivi punde zinasema kuwa Mahakama ya Hakimu Mkazi Kisutu ya jijini Dar es Salaam  imewaachia huru aliyekuwa Mhariri Mtendaji wa Gazeti la Tanzania Daima ambaye kwa sasa ni Mhariri Mtendaji Mkuu wa Kampuni ya New Habari (2006) Ltd, Absalom Kibanda,  Meneja Uendeshaji Biashara wa Kampuni ya Mwananchi Communications Ltd (MCL), Theophil Makunga, Mwenyekiti wa zamani wa Chadema Mkoa wa Arusha, Samson Mwigamba. 
Mahakama hiyo imetowaachia huru watuhumiwa hao waliokuwa wakikabiriwa na kesi ya iliydaiwa kuwa ilikuwa ni uchochezi baada ya kutoa hukumu leo katika Mahakama ya Hakimu Mkazi na watuhumiwa hao kuibuka kidedea kutokana na ushahidi wa upande wa mashitaka kutojitokeza mahakamani hapo.

*MSANII WA BONGO MOVIE ALIYEJINYONGA GESTI HUYU HAPA SOMA CHANZO

 
 Marehemu Victor Peter enzi za uhai wake.
Na Mwandishi Wetu
MSANII Victor Peter kutoka Bongo Movie amefariki dunia usiku wa juzi kuamkia jana 28/01/2014 kwa kujinyonga katika gest moja iliyotambulika kwa jina la SAFARI JUNIOUR iliyoko maeneo ya Kisosora mkoani Tanga.

Mwili wa marehemu umehifadhiwa katika hospitali ya Bombo mkoani Tanga .

Akizungumza na mwandishi wa habari hizi, mmoja kati ya wasanii walioshirikishwa na marehemu katika filamu yake ya mpya ya mwisho inayokwendakwa jina la Chozi, aliyokuwa akirekodi kabla ya kujinyonga, ambayo hadi sasa  bado haijatoka, Msanii huyo aliyetambulika kwa jina la Koba alisema kuwa ''Siku moja kabla ya tukio hilo Victor, alifanya nao Shooting ya filamu iliyotambulika kwa jina OUR FAMILY ambayo ilikuwa ndio filamu ya pili ya marehemu Vicktor tangu ajikite katika tasnia ya filamu Bongo Movie.

KUELEKEA KILELE CHA MIAKA 37, CCM YAJIVUNIA MAFANIKIO YAK

Katibu wa NEC Itikadi na Uenezi Nape Nnauye akizungumza na waandishi wa habari kwenye ukumbi wa mkutano wa CCM Mkoa wa Mbeya.
*********************************

   Wakati CCM inatimiza miaka 37 tangia kuanzishwa kwake februari 5 mwaka 1977,Chama hicho kinajivunia sana mafanikio makubwa kiliyopata hasa katika kudumisha Umoja na Mshikamano kwa  Watanzania ,kutunza na kuilinda Amani ya nchi hii na kujenga misingi imara ya uchumi wa nchi,akizungumza na waandishi wa habari katika ukumbi wa mikutano CCM Mkoa wa Mbeya Katibu wa NEC Itikadi na Uenezi Nape Nnauye  alisema  sherehe za miaka 37 zimeanza nchi nzima na zilizinduliwa rasmi tarehe 26 na Makamu Mwenyekiti wa CCM (Zanzibar) Dk.Ali Mohamed Shein Unguja Zanzibar.


  Kilele cha sherehe hizi  kitakua tarehe 2 februari ,Nape alisema “kwa nini tarehe mbili na sio tano ni kwa sababu tarehe tano ni siku ya kazi hivyo tumeona tufanye tarehe mbili ili tuwaruhusu watu wengi zaidi waweze kushiriki”
BREAKING NEWssssssssssssss WANAHABARI KIBANDA NA MAKUNGA NA MAKADA WA CHADEMA WASHINDA KESI YA UCHOCHEZI

MAHAKAMA ya Hakimu Mkazi Kisutu, jijini Dar es Salaam  imetoa hukumu ya kesi ya makala iliyodaiwa kuwa ya uchochezi iliyokuwa inawakabili Meneja Uendeshaji Biashara wa Kampuni ya Mwananchi Communications Ltd (MCL), Theophil Makunga, Mwenyekiti wa zamani wa Chadema Mkoa wa Arusha, Samson Mwigamba na aliyekuwa Mhariri Mtendaji wa Gazeti la Tanzania Daima ambaye sasa ni Mhariri Mtendaji Mkuu wa Kampuni ya New Habari (2006), Absalom Kibanda  ambapo wameibuka kidedea baada ya ushahidi upande wa mashitaka kutojitoshelez

Tuesday, January 28, 2014

BALOZI MDOGO WA INDIA NA MWAKILISHI WA (WHO) WAMUAGA RAIS WA ZANZIBAR DKT. SHEIN

 Rais wa Zanzibar na Mwenyekiti wa Baraza la Mapinduzi Dk.Ali Mohamed Shein akisalimiana na Mwakilishi wa Shirika la Afya Duniani (WHO) anefanyia kazi Zanzibar Dk.Pierre Kahozi,leo alifika Ikulu Mjini Zanzibar kumuaga  Rais baada ya kumaliza muda wake wa Kazi.
 Rais wa Zanzibar na Mwenyekiti wa Baraza la Mapinduzi Dk.Ali Mohamed Shein akizungumza na  Balozi Mdogo wa India anefanyika kazi Zanzibar Pawan Kumar,alipofika Ikulu Mjini Zanzibar leo asubuhi kumuaga  Rais baada ya kumaliza muda wake wa kazi. 
 Rais wa Zanzibar na Mwenyekiti wa Baraza la Mapinduzi Dk.Ali Mohamed Shein akiagana na Balozi Mdogo wa India anefanyika kazi Zanzibar Pawan Kumar,baada ya mazungumzo yao alipofika Ikulu Mjini Zanzibar leo asubuhi kumuaga  Rais baada ya kumaliza muda wake wa kazi. Picha na Ramadhan Othman IKulu.